Morgunblaðið - 25.01.2011, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 25. JANÚAR 2011
ódýrt alla daga
Gríms plokkfiskur, 400 g
399kr.pk.
Helgi Bjarnason
helgi@mbl.is
Ekki er gert ráð fyrir uppsögnum
starfsfólks vegna sameiningar St.
Jósefsspítala í Hafnarfirði við Land-
spítalann. Verkefnishópur sem und-
irbúið hefur sameininguna kynnti í
gær drög að tillögum um tilhögun
starfseminnar fyrir Guðbjarti
Hannessyni velferðarráðherra.
Áfram starfsemi í Hafnarfirði
Við undirbúning fjárlaga fyrir yf-
irstandandi ár var ákveðið að sam-
eina starfsemi spítalanna. Það verð-
ur gert 1. febrúar, undir nafni
Landspítalans. Starfshópur með
þremur fulltrúum frá hvorri stofnun
sem starfar undir forystu fulltrúa
velferðarráðuneytisins skilar vænt-
anlega endanlegum tillögum til ráð-
herra á morgun. Árni Sverrisson,
núverandi framkvæmdastjóri St.
Jósefsspítala, segir að eftir það
verði tillögurnar kynntar.
Árni segir að gert sé ráð fyrir því
að áfram verði einhver starfsemi í
húsakynnum St. Jósefsspítala en
segir starfshópinn ekki tjá sig frek-
ar um það fyrr en niðurstöðurnar
verði kynntar. Þá segir hann ljóst
að tíma taki að flytja þá starfsemi
sem fari annað.
115 starfsmenn hafa verið hjá St.
Jósefsspítala í 77 stöðugildum. Þeim
verður boðið að starfa áfram hjá
Landspítalanum en hafa tiltekinn
frest til að svara, samkvæmt lögum
um starfsmenn ríkisins. Landspít-
alinn hefur fækkað verulega starfs-
fólki með því að ráða ekki í öll störf
sem losna og er reiknað með að
hagræðing vegna sameiningar starf-
seminnar á St. Jósefsspítala náist
fram með þeim hætti.
Fækkar á Sólvangi
St. Jósefsspítali og hjúkrunar-
heimilið Sólvangur hafa verið rekin
sem ein stofnun frá 2006. Nú þarf
að skipta rekstrinum upp.
Árni Sverrisson segir að unnið sé
að tillögum um endurskipulagningu
á rekstri á Sólvangi og reiknar með
að tillögur um það liggi fyrir á
næstu dögum. Halli hefur verið á
rekstri Sólvangs og aðspurður segir
Árni viðbúið að fækka þurfi starfs-
fólki vegna hagræðingar í rekstr-
inum.
Tillögur kynntar ráðherra
 Ekki gert ráð fyrir uppsögnum starfsfólks vegna sameiningar St. Jósefsspítala
við Landspítalann  Unnið að hagræðingu á hjúkrunarheimilinu Sólvangi
115 starfs-
menn hafa ver-
ið hjá St. Jós-
efsspítala í 77
stöðugildum.
Fnjóská ruddi sig með miklum látum í fyrradag,
með þeim afleiðingum að ófært varð um Dals-
mynni um tíma og einnig lokaðist leiðin heim að
bænum Nesi í Höfðahverfi. Ekki tókst að opna
veginn þangað fyrr en í gær og Laufáshólmarnir
eru þaktir klakastykkjum og leirdrullu.
Eftir mikið frost á dögunum var Fnjóskáin ísi
lögð en í kjölfar þess að mjög hlýnaði í veðri fóru
risastór klakastykki af stað og ruddu sér leið yf-
ir veginn fyrir neðan bæinn Skarð í Dalsmynni.
Á stóru myndinni sést yfir það svæði út eftir
dalnum og á þeirri minni má sjá hvernig um-
horfs var eftir að vinnuvél ruddi leið í gegnum
klakastykkin og gerði göng fyrir bílana.
Fnjóská ruddi sig og lokaði vegi
Morgunblaðið/Skapti Hallgrímsson
Ekki hefur náðst samkomulag um veiðistjórnun á úthafs-
karfa á Reykjaneshrygg fyrir þetta ár. Þriðji fundurinn
um þetta viðfangsefni var haldinn í London í síðustu viku
og var ákveðið að halda viðræðum áfram um miðjan
næsta mánuð.
Veiðar úr karfastofnum í úthafinu hafa lengi verið um-
deildar og hafa farið langt fram úr ráðgjöf Alþjóða haf-
rannsóknaráðsins. Úthafskarfa í Grænlandshafi og á
Reykjaneshrygg er skipt í efri og neðri stofn og eru báðir
stofnar taldir ofveiddir.
Stjórnun til framtíðar
Strandríkjafundur Íslendinga, Grænlendinga og Fær-
eyinga, ásamt fulltrúum Evrópusambandsins, Noregs og
Rússlands, var haldinn í október og umræðum um veiði-
stjórnun karfa var haldið áfram á aðalfundi NA-Atlants-
hafs-fiskveiðinefndarinnar í nóvember. Auk strandríkj-
anna mættu fulltrúar fyrrnefndra þjóða og ESB á
fundinn í síðustu viku.
Kristján Freyr Helgason, sérfræðingur í sjávarút-
vegsráðuneytinu, fór fyrir viðræðunefndinni á fundinum í
síðustu viku. Hann segist gera sér vonir um að fyrir vorið
takist að ná samkomulagi um veiðistjórnunina í ár. Stóra
verkefnið sé síðan að koma á stjórnun á karfaveiðum til
framtíðar.
Fjölmargar þjóðir hafa stundað karfaveiðar á Reykja-
neshrygg. Auk strandríkjanna má nefna Spánverja,
Portúgali, Rússa og Eystrasaltslöndin. aij@mbl.is
Enn er fundað um veiði-
stjórnun á úthafskarfa
Morgunblaðið/Ómar
Eftirsóttur Margir hafa áhuga á úthafskarfanum.
 Vonir um að samkomulag
náist um veiðarnar fyrir vorið
Nemendur við
Háskóla Íslands
hafa lagt til við
háskólaráð að
fallið verði frá
nýsamþykktu
skipulagi upp-
tökuprófa og þau
verði aftur meg-
inregla og haldin
eftir próftímabil
beggja missera.
Nýjar reglur um upptöku- og
sjúkrapróf við HÍ tóku gildi sl. sum-
ar. Þau voru aðskilin og upptökupróf
voru afnumin sem meginregla en
eru leyfð í undantekningartilvikum.
Framkvæmd upptökuprófa er í
höndum deildanna og er mjög mis-
munandi eftir deildum. Falli nem-
andi á lokaprófi þarf hann að bíða
eftir næsta almenna prófi í nám-
skeiðinu sem er í langflestum til-
fellum á næsta námsári.
Í yfirlýsingu stúdentaráðs kemur
m.a. fram að breytingarnar ýti undir
aukið brottfall. Þær seinki námi sem
feli í sér aukinn kostnað fyrir háskól-
ann, bæði vegna seinkunar námsins
sem og fjölgunar nemenda í nám-
skeiðum. Undanþágur séu villandi
þar sem þær taki ekki til nærri því
allra tilvika. Mikill munur sé á út-
færslu og túlkun undanþága milli
fræðasviða og jafnvel deilda sem aft-
ur leiði til mikillar mismununar milli
nemenda. Þá sé breytingin tilefn-
islaus og nýtt fyrirkomulag bæði
ruglandi og óskiljanlegt og áréttað
er að hún feli í sér aukinn kostnað
fyrir HÍ og stúdenta.
Leggst illa í stúdenta
Jens Fjalar Skaptason, formaður
stúdentaráðs HÍ, segir að breytingin
hafi lagst mjög illa í stúdenta. Hún
hafi fyrst og fremst fjárhagslegar
afleiðingar fyrir marga. Falli nem-
andi á prófi geti hann misst rétt sinn
á framfærsluláni frá LÍN á viðkom-
andi misseri. Hann segir að þetta
hafi þegar bitnað á mörgum stúd-
entum og stúdentaráð finni fyrir
mikilli óánægju með þessar breyt-
ingar.
Háskólaráð sendi erindi stúd-
entaráðs til umsagnar tveggja
nefnda HÍ. Jens Fjalar segir að von-
ir standi til þess að umsagnirnar
liggi fyrir á næsta fundi háskólaráðs,
sem verður í byrjun febrúar, og þá
verði tekin afstaða til málsins.
steinthor@mbl.is
Upptöku-
próf verði
aftur regla
Jens Fjalar
Skaptason
 Stúdentaráð HÍ
á móti breytingum