Morgunblaðið - 25.02.2011, Qupperneq 12

Andri Karl
andri@mbl.is
Héraðsdómur Reykjavíkur dæmdi í
gær 24 ára karlmann, Andra Vilhelm
Guðmundsson, í þriggja og hálfs árs
fangelsi fyrir stórfellda líkamsárás á
nýársmorgun. Jafnframt var honum
gert að greiða fórnarlambi sínu eina
milljón króna í miskabætur og 750
þúsund krónur í sakarkostnað. Árás-
ina framdi Andri stuttu eftir að hann
hlaut þungan dóm en í nóvember var
hann dæmdur í tveggja og hálfs árs
fangelsi, einnig fyrir stórfellda lík-
amsárás – og fleiri brot.
Árásin á nýársmorgun var framin
utandyra við Hótel 1919 í Hafnar-
stræti í Reykjavík. Þar veittist Andri
Vilhelm að 34 ára karlmanni og
sparkaði í hann með þeim afleiðing-
um að fórnarlambið féll aftur fyrir
sig, niður tvær tröppur og í gang-
stéttina. Andri lét ekki staðar numið
en sparkaði í höfuð hans og líkama
þar sem hann lá.
Sjálfur neitaði Andri Vilhelm sök
og fékk neitun hans stuðning í vætti
þriggja vitna á vettvangi. Framburð-
ur vitnanna var hins vegar þeim ann-
marka háður að um var að ræða tvo
vini Andra og bróður sem voru með
honum á nýársmorgun. Einnig var
töluvert misræmi á milli framburðar
þeirra hjá lögreglu og fyrir dóminum
og skýringar á því ekki trúverðugar
að mati dómsins.
Við mat á því hvað gerðist á nýárs-
morgun leit dómurinn til framburðar
þriggja annarra vitna sem tengjast
hvorki Andra Vilhelm né fórnar-
lambi hans. Þau gáfu sig öll fram við
lögreglu á vettvangi. Segir í dómn-
um að framburður þeirra sé afdrátt-
arlaus um atvik öll og trúverðugur.
Öll lýstu þau því að Andri Vilhelm
hafi sparkað í manninn sem við það
hafi fallið aftur fyrir sig. Eftir það
hafi fórnarlambið ekki hreyft sig, en
Andri Vilhelm gengið rakleiðis að
honum og sparkað í höfuð hans eða
trampað á því.
Í dómnum segir einnig að árás
Andra Vilhelms hafi verið lífshættu-
leg og líklegt sé að fórnarlambið
verði fyrir varanlegum skaða vegna
árásarinnar. Hann hafi hlotið blæð-
ingu, brot í höfuðkúpu og heilamar
sem var nálægt talstöðvum og gæti
því haft áhrif á tal auk þess sem það
gæti leitt til persónuleikabreytinga
og slakara minnis. Þá sé möguleiki á
að heilafrumur deyi og yrði heila-
starfsemin við það slakari til fram-
tíðar litið.
Dæmt fyrir lífshættulega
atlögu á nýársmorgun
 Líklegt er að fórnarlambið verði fyrir varanlegum skaða
Morgunblaðið/Sigurgeir S
Á leið inn Andri fyrir aftan verj-
anda sinn, Vilhjálm H. Vilhjálmsson.
12 FRÉTTIRInnlent
MORGUNBLAÐIÐ FÖSTUDAGUR 25. FEBRÚAR 2011
óvenjulegt. Þannig hafi verið allt upp
undir 20 stiga hiti í Nuuk í október sl.
Breytingar verði á lifnaðarháttum
fólks og aukinn hiti sé ekki fagnaðar-
efni allra. „Veiðimenn með hunda-
sleða hafa átt erfitt með að veiða á
ísnum sem hefur bráðnað fyrr á fjörð-
unum norður með ströndinni,“ segir
Guðmundur.
Jákvæðar breytingar eigi sér hins
vegar stað í landbúnaði á Suður-
Grænlandi, þar sem ræktað er meira
af kartöflum og kúabúskapur er að
hefjast á ný eftir áratugahlé.
Hitinn með ólíkindum
 Hitatölur frá Nuuk og Narsarsuaq á Grænlandi dæmalausar, segir Trausti
Jónsson veðurfræðingur  Hærri hiti ekki öllum Grænlendingum fagnaðarefni
Morgunblaðið/RAX
Grænland Hitastigið hefur ekki aðeins farið hækkandi hér á landi heldur einnig hjá grönnum vorum á Grænlandi.
Ársmeðalhiti í Nuuk á Grænlandi
Heimild: Danska veðurstofan (DMI) / Trausti Jónsson
°C
3
2
1
0
-1
-2
-3
-4
-5
-6
1880 1900 1920 1940 1960 1980 2000
0,5°C
2,6°C
-4,4°C
2010
Misvegið meðaltal margra ára
Reiknuð leitni hitaraðar yfir allt tímabilið
BAKSVIÐ
Björn Jóhann Björnsson
bjb@mbl.is
„Hið óvenjulega við þetta er hvað
stökkið er mikið,“ segir Trausti Jóns-
son veðurfræðingur við Morgunblað-
ið um hitatölur frá Grænlandi fyrir
síðasta ár. Vakti Trausti athygli á
þessu nýverið á bloggsíðu sinni,
trj.blog.is, þar sem fram kom að hit-
inn á Grænlandi árið 2010 hefði verið
með miklum ólíkindum. Byggir
Trausti þar á hitatölum frá dönsku
veðurstofunni, DMI.
Hitamet voru slegin á Vestur-
Grænlandi á síðasta ári. Þannig var
meðalhitinn í Nuuk 2,6 stig, sem er
4,2 stigum yfir meðallagi áranna
1961-1990 og 3,7 stigum ofan með-
allagsins 1931-1960. Meðalhitinn í
Narsarsuaq var 5,4 stig á síðasta ári,
eða 4,4 stigum yfir meðallagi tíma-
bilsins 1961-1990. „Þetta eru auðvitað
dæmalausar tölur á þessum slóðum,“
ritaði Trausti á vef sínum. Þá var síð-
asta ár hið næsthlýjasta í sögu mæl-
inga í Ammassalik á austurströnd
Grænlands. Trausti segir hitastigið á
austurströndinni almennt hafa verið
svipað og hér á landi.
Hann segir hitastökkið á Græn-
landi vera langt umfram það sem bú-
ist sé við af hnattrænni hlýnun næstu
áratugi. Svipaða sögu megi segja um
hlýindin hér á landi undanfarin ár og
spennandi verði að fylgjast áfram
með þróuninni. Segist Trausti í sam-
tali við Morgunblaðið telja ólíklegt að
svipaðar hitatölur sjáist á þessu ári.
Spurður um hitafar á öðrum slóð-
um á norðurhveli jarðar segir Trausti
að hlýindin á Grænlandi og Íslandi
skeri sig heldur úr. Þannig hafi verið
kaldara en í meðalári í Noregi í fyrra
og svipaða sögu megi segja um Jan
Mayen. Hitinn í austurhluta Kanada
hafi síðan verið óvenjumikill en það
kólni er vestar dregur. Um sé að
ræða kryppu hlýinda sem skjóti sér
upp norðurhvelið frá Íslandi yfir til
Kanada.
Breytingar á lifnaðarháttum
Guðmundur Thorsteinsson hefur
búið lengi í Nuuk á vesturströnd
Grænlands. Hann segir tíðarfarið á
síðasta ári vissulega hafa verið
Samkvæmt nýrri reglugerð um
hrognkelsaveiðar verður hvert
leyfi nú gefið út til 50 daga í stað
62 áður og óheimilt er að hefja
veiðar með yfirtöku hrognkels-
aneta í sjó.
Fram kemur í frétt frá sjávarút-
vegsráðuneytinu að þetta hefur
m.a. áhrif þar sem sami aðili er
með fleiri en einn bát við hrogn-
kelsaveiðar. Samkvæmt breyting-
unni verður skylt að taka net úr
sjó þegar leyfi rennur út og ganga
frá merkingu neta í landi.
Nú verður grásleppuútgerðum
gert auðveldara að nota svokölluð
lambamerki til merkinga á grá-
sleppunetum, veiðisvæði hafa verið
hnitasett og veiðisvæði F sem er
fyrir Austurlandi verður opnað 15.
mars í stað 10. mars áður, segir í
frétt ráðuneytisins.
Hvert grásleppuleyfi
gefið út til 50 daga
í stað 62 daga áður
„Svarið er nei,“
sagði Jóhanna
Sigurðardóttir
forsætisráðherra
þegar Sigurður
Kári Kristjáns-
son alþingis-
maður spurði á
Alþingi í gær
hvort hún hefði
hótað forseta Ís-
lands afsögn ef
hann staðfesti ekki Icesave-lögin.
Sigurður Kári rifjaði upp orð
Ólafs Ragnar Grímssonar, forseta
Íslands, í sjónvarpsþættinum Silfri
Egils, en þar gaf hann til kynna að
ráðherrar hefðu hótað afsögn ef
lögin yrðu ekki staðfest. Þar sagði
forsetinn: „Þetta er ekki létt byrði
að bera, að láta öll spjót standa á
sér, láta ráðherra hóta að segja af
sér eða að ríkisstjórnin fari frá
o.s.frv.“
Jóhanna sagði að þingmaðurinn
yrði að fara til Bessastaða ef hann
vildi grennslast fyrir um þetta. „Ég
á af og til samtöl við forsetann á
Bessastöðum, en þetta atriðið sem
háttvirtur þingmaður nefnir, hót-
anir við forseta, það er af og frá að
það sé rétt,“ sagði Jóhanna.
Ólafur Ragnar Grímsson vildi
ekki tjá sig um svör Jóhönnu þegar
mbl.is leitaði til hans í gær.
Jóhanna neitar því
að hafa haft í hót-
unum við forsetann
Jóhanna
Sigurðardóttir
Hitinn hér á
landi það
sem af er
febrúar er
vel yfir með-
allagi en
Trausti
Jónsson
segir að
engin met
muni falla. Í
Reykjavík er
meðalhitinn
1,7 stigum yfir meðallagi og á
Akureyri 1,2 stigum yfir. Þetta
er heldur heitara en fyrir ári og
hlýjasti febrúar síðan árið
2006, eða í fimm ár. Að sögn
Trausta á það sama við ef jan-
úar sl. er tekinn með í reikning-
inn. Hann býst ekki við miklum
breytingum á meðalhita til
mánudags.
Febrúar sá
hlýjasti í 5 ár
HITINN HÉR Á LANDI
Trausti Jónsson
Milljónaveltan
20 milljóna króna vinningur: Dregið er úr öllum miðum, bæði númer og bókstaf.
Tromp-miði margfaldar ekki vinningsupphæð en fimmfaldar vinningslíkur.
1 milljónar króna vinningar: Dregið er aðeins úr seldum miðum, bæði númer og bók-
staf. Tromp-miði margfaldar ekki vinningsupphæð en fimmfaldar vinningslíkur.
2. flokkur, 24. febrúar 2011
Kr. 20.000.000,-
30133 B
39262 B
44322 E
44559 B
56908 B
42884 F
Kr. 1.000.000,-
TIL HAMINGJU VINNINGSHAFAR