Morgunblaðið - 17.05.2011, Blaðsíða 7

FRÉTTIR 7Innlent
MORGUNBLAÐIÐ ÞRIÐJUDAGUR 17. MAÍ 2011
Opið Hús
Í dag er opið hús
í Menntaskólanum Hraðbraut
frá kl. 16.00 - 18.00.
Allir eru velkomnir.
T V E I M U R Á R U M
Á U N D A N
Faxafeni 10 · 108 Reykjavík · Sími: 565-9500 · www.hradbraut.is
Óvenjulegt hettumáfshreiður fannst í Siglufirði um helgina. Í því
voru nefnilega þrjú örverpi. Ástæðan fyrir þessu er líklega sú að
kvenfuglinn er orðinn gamall og slitinn.
Örverpi eru þekkt meðal fugla, en afar sjaldgæft að rekast á svo
mörg í einu og sama hreiðrinu.
Guðrún Kvaran íslenskufræðingur er með eftirfarandi fróðleik á
Vísindavefnum: „Upphafleg merking orðsins örverpi er ,lítið egg
sem fugl verpir síðast, síðasta egg í hreiðri’. Fleiri orð eru notuð um
hið sama, eins og hreiðurböggull og hreiðurbaggi. Örverpi er einnig
notað um síðasta barn hjóna og mjög smávaxið afkvæmi. Upp-
haflega mun orðið hafa verið leitt af gamalli germanskri sögn *uz-
werpan í merkingunni ‚kasta burt’, samanber gotnesku uswairpan
og fornháþýsku irwerfan í sömu merkingu.“
Orðin drútur, hreiðurböllur, hreiðurdrátur, hreiðurdrítur, hreið-
urdrúður, hreiðurdrútur og hreiðursdrútur lúta að þessu sama.
Þrjú örverpi í
sama hreiðrinu
Morgunblaðið/Sigurður Ægisson
Stærðarmunur Efsta eggið er í eðlilegri stærð, fengið að láni hjá nágranna, en hin þrjú eru úr einu og sama hreiðrinu.
Nýr viti hefur verið reistur á end-
anum á Skarfagarði í Sundahöfn í
Reykjavík. Skarfagarður og aðliggj-
andi svæði hefur verið að taka breyt-
ingum m.a. með opnun á aðgengi að
sandströnd við Skarfaklett. Þá verð-
ur gönguleið fram á enda Skarfa-
garðs malbikuð.
Nýi vitinn er smíðaður af járn-
smiðum Faxaflóahafna sf. eftir sömu
teikningu og innsiglingavitarnir,
sem eru í Gömlu höfninni og hafa
verið frá opnun þeirrar hafnar. Vit-
arnir í Gömlu höfninni voru reyndar
endurnýjaðir árið 1993, en þeir voru
einnig smíðaðir af járnsmiðum fyr-
irtækisins.
Eftir er að ganga frá hleðslu í
kringum nýja vitann auk annarra
umhverfisbóta, en það verður gert á
næstu vikum.
Nýr viti í
Sundahöfn
Sumarvertíð Ylstrandarinnar í
Nauthólfsvík hófst síðastliðinn
laugardag, 14. maí, og verður opið
alla daga í sumar milli kl. 10 og 19.
Strax fyrstu helgina var aðsóknin
ágæt.
Í boði er fyrir fólk að nýta sér
búningsaðstöðu, heita potta, baða
sig í köldum sjó, leika sér á
skemmtilegu útivistarsvæði og
kaupa sér hressingu í veitingasöl-
unni.
Um 100 þúsund manns heim-
sækja Ylströndina í Nauthólsvík að
meðaltali á mánuði hverjum á
sumrin. Þar er frjáls leikur í fyr-
irrúmi, en sjósund og strandblak
njóta mikilla vinsælda auk þess
sem gasgrillin eru mikið notuð.
Morgunblaðið/Brynjar Gauti
Ylströndin
komin í sum-
arbúning