Morgunblaðið - 17.05.2011, Blaðsíða 15

FRÉTTIR 15Innlent
MORGUNBLAÐIÐ ÞRIÐJUDAGUR 17. MAÍ 2011
Greiðsluáskorun
Innheimtumenn ríkissjóðs skora hér með á
gjaldendur eftirtalinna gjalda að gera skil nú þegar
eða í síðasta lagi innan 15 daga frá dagsetningu
áskorunar þessarar:
Gjöldin eru: Staðgreiðsla tekjuskatts, útsvars og tryggingagjalds sem fallið hefur í
eindaga til og með 16. maí 2011, virðisaukaskattur sem fallið hefur í eindaga til og
með 5. maí 2011 og önnur gjaldfallin álögð gjöld og ógreiddar hækkanir er fallið hafa
í eindaga til og með 16. maí 2011, á staðgreiðslu tekjuskatts, útsvars og trygginga-
gjalds, virðisaukaskatti, virðisaukaskatti í tolli, vanskilum launagreiðenda á gjöldum í
og utan staðgreiðslu, fjármagnstekjuskatti á skilaskylda aðila, áfengisgjaldi, launa-
skatti, bifreiðagjaldi, úrvinnslugjaldi, olíugjaldi, kílómetragjaldi, viðbótar- og aukaá-
lagningu söluskatts vegna fyrri tímabila, skráningargjaldi vegna lögskráningar sjó-
manna, vinnueftirlitsgjaldi, vörugjaldi af innlendri framleiðslu, vörugjaldi af ökutækj-
um, eftirlitsgjöldum, aðflutningsgjöldum, skilagjaldi á umbúðir, fasteignagjöldum,
skipulagsgjaldi, skipagjöldum, fisksjúkdómagjaldi, jarðarafgjaldi, sektum skattrann-
sóknarstjóra, ofgreiddri uppbót á eftirlaun, eftirlitsgjaldi Fjármálaeftirlitsins og álögð-
um þing- og sveitarsjóðsgjöldum, sem eru:
Tekjuskattur og útsvar ásamt verðbótum á ógreiddan tekjuskatt og útsvar, sér-
stakur tekjuskattur manna, eignarskattur, sérstakur eignarskattur, fjármagnstekju-
skattur, slysatryggingagjald vegna heimilisstarfa, tryggingagjald, búnaðargjald,
iðnlánasjóðs- og iðnaðarmálagjald, markaðsgjald, gjald í framkvæmdasjóð aldr-
aðra og skattur af verslunar- og skrifstofuhúsnæði, ofgreiddar barnabætur, of-
greiddar vaxtabætur og útvarpsgjald.
Fjárnáms verður krafist án frekari fyrirvara að þeim tíma liðnum fyrir vangoldnum eft-
irstöðvum gjaldanna ásamt dráttarvöxtum og öllum kostnaði, sem af innheimtu skuld-
arinnar kann að leiða, á kostnað gjaldenda.
Athygli skal vakin á því að auk óþæginda hefur fjárnám í för með sér verulegan
kostnað fyrir gjaldanda. Fjárnámsgjald í ríkissjóð er allt að 19.100 kr. fyrir hvert fjár-
nám. Þinglýsingargjald er 2.000 kr. og stimpilgjald 1,5% af heildarskuldinni, auk út-
lagðs kostnaðar eftir atvikum. Eru gjaldendur hvattir til að gera full skil sem fyrst til
að forðast óþægindi og kostnað.
Þá mega þeir gjaldendur, sem skulda staðgreiðslu, staðgreiðslu tryggingagjalds,
vörugjald, afdreginn fjármagnstekjuskatt, áfengisgjald og virðisaukaskatt, búast við
því að starfsemi þeirra verði stöðvuð án frekari fyrirvara, þeir gjaldendur er skulda
bifreiðagjöld og þungaskatt mega eiga von á að skráningarnúmer verði tekin af öku-
tækjum þeirra án frekari fyrirvara og þeir gjaldendur sem skulda gjöld þar sem lög-
veð fylgir mega búast við að send verði út sérstök greiðsluáskorun fyrir gjaldföllnum
kröfum. Greiðsluáskorunin hefur ekki áhrif á þessi innheimtuúrræði þannig að fyrr-
greindur 15 daga frestur frá dagsetningu áskorunar þessarar gildir ekki í þessum til-
vikum.
Reykjavík, 17. maí 2011
Tollstjóri
Sýslumaðurinn í Kópavogi
Sýslumaðurinn í Hafnarfirði
Sýslumaðurinn í Keflavík
Sýslumaðurinn á Akranesi
Sýslumaðurinn í Borgarnesi
Sýslumaðurinn í Stykkishólmi
Sýslumaðurinn í Búðardal
Sýslumaðurinn á Ísafirði
Sýslumaðurinn í Bolungarvík
Sýslumaðurinn á Patreksfirði
Sýslumaðurinn á Hólmavík
Sýslumaðurinn á Siglufirði
Sýslumaðurinn á Sauðárkróki
Sýslumaðurinn á Blönduósi
Sýslumaðurinn á Akureyri
Sýslumaðurinn á Húsavík
Sýslumaðurinn á Seyðisfirði
Sýslumaðurinn á Eskifirði
Sýslumaðurinn á Höfn
Sýslumaðurinn í Vestmanna-
eyjum
Sýslumaðurinn á Selfossi
Sýslumaðurinn í Vík
Sýslumaðurinn á Hvolsvelli
Skemmtiferðaskipið Aþena lagðist
að Miðbakkanum í Reykjavík í gær-
morgun og þar með hófst árlegur
kafli í komu ferðamanna til landsins.
Í sumar eru bókaður 67 komur
skemmtiferðaskipa til Reykjavíkur
með um 70.000 farþega. Stærstu
skipin í ár eru Crown Princess og
Emerald Princess. Þau eru um
116.000 brt. og taka liðlega 3.000 far-
þega hvort. Aþena er liðlega 16.000
brt. og er með tæplega 400 farþega
að þessu sinni.
Aþena fór frá Reykjavík áleiðis
vestur um land í gærkvöldi, verður á
Ísafirði í dag og Akureyri á morgun.
Annars liggja 18 skemmtiferðaskip
með yfir 21.000 farþega við bakka í
Reykjavík yfir nótt í sumar, en að
öðru leyti koma skipin yfirleitt
snemma að morgni og fara að kvöldi
sama dags.
Farþegar og áhöfn nýta tímann í
landi gjarnan vel. Ágúst Ágústsson,
markaðsstjóri Faxaflóahafna, segir
að alltaf séu skipulagðar ferðir af
ýmsum toga í boði auk þess sem
ferðamennirnir skoði sig um á eigin
vegum í nærumhverfinu.
Eðlilega skilja farþegarnir eftir
meiri pening eftir því sem dvölin er
lengri. Samkvæmt könnun meðal
farþega skipa sem komu til Reykja-
víkur, Akureyrar og Seyðisfjarðar
2009 skiluðu farþegar og áhafnir
þessara skipa samtals um 2,5 millj-
arða króna tekjum í þjóðarbúið. Á
landsvísu færðu skipakomurnar um
3,5 milljarða króna í tekjur.
steinthor@mbl.is
Morgunblaðið/Eggert
Aþena Skemmtiferðaskipið Aþena með tæplega 400 farþega lagðist að Miðbakkanum í Reykjavík í gærmorgun.
Aþena fyrst til
Reykjavíkur í ár
 Um 400 ferðamenn með skipinu
Guðjón Þorberg Andr-
ésson, fyrrverandi for-
stöðumaður og öku-
kennari, er látinn, 78
ára að aldri. Guðjón lést
á Landspítalanum við
Hringbraut að kvöldi
föstudagsins 13. maí
síðastliðins.
Guðjón fæddist að
Raufarfelli undir Aust-
ur-Eyjafjöllum þann 29.
mars 1933. Hann var
sonur hjónanna Andr-
ésar Andréssonar,
bónda í Berjanesi, og
Mörtu Guðjónsdóttur.
Guðjón ólst upp við öll almenn
sveitastörf að Berjanesi undir Aust-
ur-Eyjafjöllum og var ungur á vertíð-
um í Vestmannaeyjum þar sem hann
lauk skipstjórnarprófi. Hann flutti til
Reykjavíkur rúmlega tvítugur að
aldri, starfaði á Keflavíkurflugvelli og
ók síðan leigubifreiðum um langt ára-
bil, fyrst hjá BSR. og síðar Hreyfli.
Þá starfrækti Guðjón
verslunina Sportbæ í
Bankastræti á fyrri
helmingi áttunda ára-
tugarins.
Guðjón tók ungur
próf til ökukennslu og
sinnti ökukennslu um
langt árabil. Hann var
forstöðumaður Bif-
reiðaprófa ríkisins um
skeið, sat einnig í stjórn
Ökukennarafélags Ís-
lands og var heið-
ursfélagi þess.
Hann sat í Um-
ferðarráði og hafði um-
talsverð áhrif á lög og reglugerðir um
ökukennslu og fólksflutninga. Þá var
Guðjón einn af stofnendum Borgara-
flokksins og sat í ýmsum nefndum og
ráðum á vegum flokksins.
Eftirlifandi eiginkona Guðjóns er
Árna Steinunn Rögnvaldsdóttir og
eru börn þeirra fjögur, Steinar Þór,
Hilmar, Marta og Raggý.
Andlát
Guðjón Þ. Andrésson
Hvert skref til nánara samstarfs við
Evrópu hefur fært Íslendingum
bætt lífskjör og í þeim ríkjum sem
nýverið hafa gengið í ESB hafa
fjárfestingar nær því tvöfaldast.
Þetta var meðal þess sem kom
fram í ræðu utanríkisráðherra, Öss-
urs Skarphéðinssonar, á Alþingi í
gær þegar hann lagði fram skýrslu
um helstu verkefni utanríkisþjón-
ustunnar síðastliðna tólf mánuði. Í
máli ráðherra kom einnig fram að
það væri mat helstu sérfræðinga að
Ísland gæti tekið upp evruna þrem-
ur árum eftir að ESB-aðild yrði
samþykkt í þjóðaratkvæðagreiðslu
en stefnt er að því að hefja eig-
inlegar aðildarviðræður í lok júní.
Bauð Ashtiani hæli á Íslandi
Í ræðu sinni fjallaði utanríkisráð-
herra einnig um málefni Líbíu og
sagði aðgerðir Atlantshafsbanda-
lagsins hafa komið í veg fyrir stig-
mögnun átakanna og það væri
stefna íslenskra stjórnvalda að
ályktun 1973 veitti ekki heimild til
að ráða einstaklinga af dögum. Því
hefði Ísland verið meðflytjandi að
tillögu um rannsókn Alþjóðaglæpa-
dómstólsins, sem var grundvöllur
þeirra kæru sem
birt var á hendur
Múammar Gad-
dafi í gærmorg-
un.
Þá ítrekaði
ráðherra stuðn-
ing við ótvíræðan
rétt Palestínu-
manna til að búa
í friði í eigin
landi. Hann sagði
einnig frá því að hann hefði í við-
ræðum við fulltrúa stjórnvalda í Ír-
an boðið Ashtiani, konunni sem
komst í heimsfréttirnar eftir að hafa
verið dæmd til að vera grýtt til
dauða fyrir framhjáhald, hæli á Ís-
landi.
Í skýrslunni sem ráðherra lagði
fram er einnig fjallað um framlag
Íslands til baráttunnar gegn fátækt
og hungri í heiminum en í henni
kemur fram að samkvæmt áætlun
um alþjóðlega þróunarsamvinnu Ís-
lands árin 2011-2014 er gert ráð fyr-
ir að framlög Íslands til þróunar-
mála fari stigvaxandi næstu árin og
verði orðin 0,7% af vergri þjóðar-
framleiðslu árið 2021.
holmfridur@mbl.is
Evra þremur
árum eftir aðild
 Eiginlegar viðræður hefjast í lok júní
Össur
Skarphéðinsson