Morgunblaðið - 18.07.2011, Blaðsíða 28

28 MENNING
MORGUNBLAÐIÐ MÁNUDAGUR 18. JÚLÍ 2011
varðar aðsókn og einnig viðtökur
gagnrýnenda en hún þótti ljúf og
fyndin.
Dýrasta mynd Íslandssögunnar
Sú mynd sem beðið er eftir með
hvað mestum spenningi er án nokk-
urs vafa dýrasta mynd Íslandssög-
unnar, Hetjur Valhalla, Thor.
Myndin kostaði yfir milljarð í fram-
leiðslu og hefur verið unnið að henni
í sjö ár. Caoz framleiðir þessa
teiknimynd og er hún að mestu
kostuð með erlendu fjármagni og
verður frumsýnd í haust. Hilmar
Sigurðsson og Arnar Þórisson fram-
leiddu myndina og er nú þegar búið
að selja hana víða um heim.
Þá mun önnur mynd eftir Poppóla
verða frumsýnd í haust, en hún
nefnist Borgríki og er spennumynd.
Eldfjallið eftir Rúnar Rúnarsson
verður frumsýnd í haust en beðið er
eftir þessari fyrstu mynd Rúnars
með nokkurri eftirvæntingu. Hann
er næmur leikstjóri og hefur gert
mjög fallegar stuttmyndir fram að
þessu sem hafa hlotið yfir hundrað
verðlaun úti um allan heim.
Þá er möguleiki á því að Svartur á
leik verði frumsýnd á árinu en hún
er eftir Óskar Þór Axelsson. Ný
sveppamynd verður í haust að
venju, en þeir strákar hafa náð að
gera ódýrar en skemmtilegar
barnamyndir sínar að árlegum við-
burði. L7: Hrafnar, sóleyjar og
myrra, nefnist unglingamynd eftir
Helga Sverrisson og Eyrúnu Ósk
Jónsdóttur sem verður frumsýnd í
haust og fjallar um þrettán ára
stúlku sem berst við ill öfl. Þá mun
Hafsteinn Sigurðsson koma með
sína fyrstu bíómynd á árinu en hann
vakti mikla athygli með stuttmynd-
inni sinni, Skröltormar. Bíómyndin
hans nefnist Á annan veg og var
tekin upp í fyrra á Vestfjörðum. Svo
mun bíómyndin Þetta reddast með
Birni Thors í aðalhlutverki vænt-
anlega vera frumsýnd á árinu.
Framboð og eftirspurn
En þótt framboðið sé mikið hefur
verið talað um að aðsóknin hafi dott-
ið niður. Ásgrímur Sverrisson vill
ekki taka undir það. „Nei, ég held
það nú ekki. Meðaltalið á hverja ís-
lenska mynd síðastliðin 12 ár hefur
verið um 18 þúsund manns. Sem er
ágætt. Það kemur upp einhver
svartsýni hjá kvikmyndagerðar-
mönnum þegar það koma nokkrar
íslenskar myndir í röð sem fá ekki
marga áhorfendur, en svo kemur
þetta aftur upp. Þegar litið er yfir
heildina hefur aðsóknin verið góð,“
segir Ásgrímur.
Dýrasta mynd Íslands-
sögunnar frumsýnd í haust
 Í ár verður hugsanlega slegið met í frumsýningu nýrra íslenskra bíómynda  En útlit er fyrir að
framboðið á íslenskum myndum muni hrynja  Um 18 þúsund manns sjá hverja íslenska mynd
KVIKMYNDIR
Börkur Gunnarsson
borkur@mbl.is
Þrátt fyrir efnahagshrun og niður-
skurð til íslensku kvikmynda-
miðstöðvarinnar hefur framboð á ís-
lenskum bíómyndum bara aukist.
Árið 2009 og 2010 voru metár hvað
varðar frumsýningar á nýjum ís-
lenskum bíómyndum en það met
verður líklega slegið í ár, því 2011
stefnir í að 11 nýjar íslenskar bíó-
myndir verði frumsýndar. Aftur á
móti virðist sem hápunktinum sé
náð og framundan séu mögur ár. Því
á meðan verið er að frumsýna mikið
af myndum í ár eru nánast engar
nýjar myndir í tökum. Á þessu ári
hefur aðeins verið farið í tökur á
bíómyndinni Svartur á leik og ekki
er víst með neina aðra mynd.
Hluti af ástæðunni fyrir hinum
góðu árum íslenskra bíómynda er sá
að enn var verið að taka upp myndir
fyrir fé sem safnaðist fyrir hrun allt
fram til ársins í ár. Til dæmis er
stærsta frumsýning þessa árs,
Hetjur Valhalla, Thor, gerð fyrir fé
sem var búið að safna fyrir hrun og
niðurskurð til sjóðsins.
„Já, þetta hefur tekið lengri tíma
til að tjúnast niður heldur en ég
bjóst við,“ segir Ásgrímur Sverris-
son, leikstjóri og kvikmyndafræð-
ingur. „Að hluta til er ástæðan sú að
2008 er það ár þar sem er til nógur
peningur hjá Kvikmyndamiðstöð-
inni. Það er ekki fyrr en árið 2009
sem þetta er skorið niður. Myndir
sem voru teknar upp 2008, einsog
The Good Heart og Brim voru síðan
ekki sýndar fyrr en 2010. Þetta er
bara eins og flugvélamóðuskip sem
tekur tíma til að snúa við,“ segir Ás-
grímur.
Gæðin hafa verið misjöfn á mynd-
unum eins og gengur en aldrei hefur
komið ár að ekki hafi verið einhver
góð íslensk mynd í gangi. Í fyrra
voru fínar myndir einsog Brim,
Sumarlandið og Inhale.
Í ár hafa þegar verið frumsýndar
myndirnar Rokland eftir Martein
Þórsson, Okkar eigin Osló eftir
Reyni Lyngdal og Kurteist fólk eftir
Poppóla. Okkar eigin Osló gekk best
af þessum myndum, bæði hvað
Borgríki Spennumyndin Borgríki eftir leikstjórann Poppóla verður frumsýnd í haust en hún er
önnur mynd hans. Hér má sjá tvo aðalleikara myndarinnar Björn Hlyn og Ingvar E. Sig.
Cannes Eldfjallið verður frumsýnt í haust, en á myndinni sjást leikstjórinn Rúnar Rúnarsson og
leikararnir góðkunnu Theodór Júlíusson og Margrét Jóhannsdóttir.
Morgunblaðið/Eggert
Teymið Vilhelm Anton Jónsson, Guðjón Karlsson, Bragi Þór Hinriksson og Sverrir Þór Sverrisson hafa þrjú ár í röð
frumsýnt barnamynd á haustin. Krakkar geta hlakkað til því ný Sveppamynd verður frumsýnd í haust.
Thor Dýrasta mynd Íslandssögunnar verður frumsýnd í haust en það er teiknimynd sem verður sýnd í þrívídd.
Morgunblaðið/Sigurjón Guðjó
Einn Óskar Þór Axelsson er eini
leikstjórinn sem farið hefur í tökur
á árinu, en hann tók upp Svartur á
leik fyrr í vetur.