Morgunblaðið - 18.07.2011, Blaðsíða 12

Helgi Bjarnason
helgi@mbl.is
„Nafnið lýsir áformum okkar. Við
ætlum að verða stærstir í sjósporti á
Íslandi,“ segir Rafn Pálsson, einn af
aðstandendum Sjósportmiðstöðvar
Íslands sem verið er að byggja upp á
Ísafirði.
Siglingaklúbburinn Sæfari átti hús
á Suðurtanga á Ísafirði. Hann lenti í
vandræðum með reksturinn eftir að
eldur kom upp í húsinu og
ekki var hægt að leigja
það út í marga mánuði.
„Það varð að gera eitt-
hvað í málinu, annars
misstum við húsnæðið,“
segir Rafn en hann
keypti hluta hús-
næðisins á nauð-
ungaruppboði í
eigin nafni og
vinnur nú með
góðum hópi fé-
laga úr Sæfara
að því að gera
það upp. „Við
munum skapa
aðstöðuna svo
klúbburinn
geti einbeitt
sér að því
sem hann á að
vera að gera;
að halda nám-
skeið og reka félagsstarfsemi,“ segir
Rafn.
Mikill áhugi
á kajakróðri
Hann segir að fram-
haldið verði síðan að
þróast. Hugmyndirnar
um Sjósportmiðstöð
Íslands grundvallast
á því að skapa að-
stöðu fyrir fólk sem
stundar allar
íþróttir sem þessu
tengjast, kaj-
akmenn, skútufólk,
sjósundfólk og sport-
kafara.
Í Sjósportmiðstöð-
inni verður auk fé-
lagsaðstöðu og baða aðstaða til að
geyma búnað. Hugmyndin er að þróa
starfsemina enn frekar í framtíðinni,
meðal annars koma upp atvinnustarf-
semi og ráða fólk í vinnu.
„Við eigum flottasta sjósportsvæði
landsins, Ísafjarðardjúp og Jökul-
firði. Fólk kemst hvergi á aðra eins
staði,“ segir Rafn um aðdráttarafl
svæðisins.
„Það er mikill áhugi hér á kajak-
róðri en dýrt fyrir fólk að koma sér
upp búnaði. Það væri tilvalið að leigja
byrjendum báta og annan búnað, á
meðan þeir eru að prófa greinina.“
Ætlum að verða stærstir í sjósporti
 Suðurtanginn á Ísafirði verður mið-
stöð sjósports á Íslandi  Áhugamenn
byggja upp atvinnustarfsemi í tengslum
við félagsaðstöðu Sæfara
Morgunblaðið/Helgi Bjarnason
Sport Aðstandendur Sjósportmiðstöðvar Íslands ætla sér stóra hluti; að verða stærstir í sjósporti á Íslandi.
Rafvirki sækir sjóinn
» Rafn er sjálfur forfallinn
kajakáhugamaður og skútu-
eigandi.
» „Það er aðeins skortur á
tíma sem kemur í veg fyrir
að ég sé í þessu allan dag-
inn,“ segir Rafn sem er raf-
virki og rekur fyrirtæki á því
sviði.
Rafn Pálsson
12 FRÉTTIRInnlent
MORGUNBLAÐIÐ MÁNUDAGUR 18. JÚLÍ 2011
Skógarhlíð 18 • sími 595 1000 • www.heimsferdir.is
Birt með fyrirvara um prentvillu. Heimsferðir áskilja sér rétt til leiðréttinga á slíku. Ath. að verð getur breyst án fyrirvara.
Smábærinn St. Michael í Lungau héraði í Austurríki er mikil
náttúruperla, mætti líkja bænum við himnaríki útivistarmannsins,
því möguleikarnir eru jafn fjölbreyttir og náttúruflóran í
fjallshlíðunum – útreiðartúrar, sundlaugar, fjallarússíbani,
svifdrekaflug, tennis, náttúrustígar og í stuttu göngufæri frá
hótelinu er fallegur 18 holu golfvöllur. Hér eru merktar gönguleiðir
innan um skógi vaxnar fjallshlíðarnar, upp á fjallstinda, framhjá
fornum köstulum og öðrum menningarleifum Dvalið á hinu
stórgóða íslendingahóteli Hotel Speiereck þar sem einstaklingar
jafnt sem fjölskyldur njóta vinalegrar þjónustu hótelhaldara í
fallegu og afslöppuðu andrúmslofti.
25 ágúst –
1. september
Náttúruperla
í Austurríki
Netverð á mann
Verð kr. 153.900 á mann í tvíbýli. Verð kr. 165.500 ámann í einbýli.
Innifalið: Flug, skattar, gisting á 3* hóteli í 7 nætur með hálfu fæði.
Akstur á milli áfangastaða og íslensk fararstjórn miðað við lágmarks-
þátttöku 20 manns.
St. Michael í Lungau
Helgi Bjarnason
helgi@mbl.is
Hópar erlendra ferðamanna koma
til Hvammstanga beinlínis í þeim
tilgangi að kynnast framleiðslu á
íslenskum ullarvörum. „Þeir eru
farnir að greiða fyrir að skoða
verksmiðjuna og kynnast starf-
seminni og kaupa sífellt meira í
versluninni,“ segir Kristinn Karls-
son, framkvæmdastjóri prjónastof-
unnar Kidka sem jafnframt rekur
ferðamannaverslun.
„Ullarpeysurnar eru sígildar,“
segir Kristinn um vinsælustu vör-
urnar. Erlendu hóparnir eru flest-
ir þýskir og koma vegna sam-
banda sem eiginkona Kristins og
meðeigandi, Irina Kamp, hefur
þar í landi. Fólkið er enn áhuga-
samara um að kaupa vöruna eftir
að hafa skoðað verksmiðjuna og
séð hvernig peysurnar eru fram-
leiddar.
Uppfullar af innfluttu glingri
Kristinn segir að því miður séu
margar ferðamannaverslanir í
Reykjavík uppfullar af innfluttu
glingri. „Við leggjum áherslu á
sölu á íslenskum vörum sem fram-
leiddar eru í okkar fyrirtæki,“
segir Kristinn. Hann segir sögu af
erlendum ferðamanni sem kom til
að skoða prjónastofuna. Hann var
með húfu sem keypt var í Reykja-
vík og taldi handprjónaða, og
spurði hvort hún væri framleidd á
Hvammstanga. „Ég leit aðeins á
húfuna og gat sagt honum að hún
væri að öllum líkindum vélprjónuð
erlendis.“
Aukin sala í versluninni hefur
orðið til þess að saumastofa fyrir-
tækisins var ræst á ný en henni
var lokað fyrir nokkrum árum
vegna þess að verkefni drógust
saman. Einnig vinnur undir-
verktaki á Sveinsstöðum við
saumaskap.
Góð sala hefur verið í ferða-
mannaversluninni á Hvammstanga
í vor. Kristinn segir það ekki
kuldanum að þakka því venjulega
sé meiri ró yfir ferðafólkinu í góðu
veðri og það staldri lengur við og
kaupi meira.
Rússarnir tolla í tískunni
Aðalverkefni fyrirtækisins er að
prjóna voðir fyrir Rússlands-
markað. Kristinn áætlar að flutt
verði út um 20 tonn á þessu ári.
Rússneskt einkafyrirtæki kaupir
voðirnar og lætur sauma úr þeim
peysur, húfur og vettlinga.
„Þeim líkar vel við íslensku ull-
ina, hún þykir gæðavara, enda er
áratuga reynsla af henni á þessum
markaði,“ segir Kristinn. Þegar
ullariðnaðurinn var upp á sitt
besta fóru stórir farmar af ullar-
vörum til Rússlands, ásamt fisk-
afurðum, í skiptum fyrir olíu.
Ullarvörurnar sem framleiddar
voru fyrir Rússlandsmarkað þóttu
gamaldags, á vestræna vísu, hér
áður fyrr. Kristinn segir að þetta
hafi breyst. Flíkurnar sem fram-
leiddar eru úr íslensku ullarvoð-
unum séu líkari því sem hér þekk-
ist. „Við fórum út í apríl og sáum
að þetta eru mjög vel unnar flík-
ur,“ segir Kristinn.
Kaupa meira eftir heim-
sókn í prjónastofuna
 Prjónastofan á Hvammstanga selur 20 tonn af ullarvoðum til
Rússlands  Aukning í sölu ullarvara í ferðamannaversluninni
Morgunblaðið/Helgi Bjarnason
Ullarvoð Prjónavélarnar tikka allan daginn en hávær tónlist nær að yfir-
gnæfa hljóðið. Kristinn Karlsson breiðir út ullarvoð sem bíður útflutnings.