Morgunblaðið - 05.09.2011, Blaðsíða 11

með kló sem lyftir bolunum upp, en
áður fyrr þurftum við að lyfta öllu
með höndunum upp á vagninn. Þá
þurfti ég nú að reka írsku þrælana
áfram með naglaspýtu,“ segir Einar
og hlær, en hann hefur á hverju
sumri fengið til starfa skógfræði-
nema frá háskólanum í Dublin á Ír-
landi.
Opinn skógur fyrir jólin
En þeir eru ekki aðeins og grisja
skóginn, þeir þurfa líka að vinna efnið
sem til fellur, saga bolina í borð og
kurla tré. Og þeir þurfa líka að gróð-
ursetja nýjar plöntur. „Það er mikil
eftirspurn eftir kurlinu, en það er
notað sem undirburður í hesthús og í
göngustíga. Íslenski viðurinn er líka
eftirsóttur efniviður, enda er hann
sérlega góður því hann er seinsprott-
inn og fyrir vikið grjótharður. Við er-
um fleiri að vinna hér á sumrin því þá
er meira að gera við gróðursetn-
inguna og við þurfum að hafa undan
að framleiða kurl til að anna eftir-
spurn. En á veturna erum við bara
þrír hérna. Þá eru aðstæður til skóg-
arhöggs stundum erfiðar. Í mýrinni
hérna eru til dæmis djúpar rásir sem
gera okkur erfitt fyrir þegar klaki og
snjór er yfir þeim. Það var einmitt
þar sem einn af mínum mönnum slas-
aðist þegar hann rann á svelli og datt.
Sögin hans fór í gegnum öryggisbux-
urnar og keðjusagarstígvélin, hún fór
alveg inn að beini.“ En veturinn á líka
sín góðu tímabil, jólin eru skemmti-
legur tími, því fella þarf jólatré. „Og
við hleypum á garðann, erum með op-
inn skóg þar sem fólk getur komið og
valið sér tré sem við fellum fyrir það
og svo fær það ketilkaffi og kakó. Þá
er mikil stemning og gaman.“
Draugagangur og dýrin smá
Einar á fjölskyldu og heimili í
Kópavogi, en hann gistir á virkum
dögum í sveitinni í skóginum, í starfs-
mannahúsi. „Á veturna er ég einn hér
eftir að vinnudegi lýkur og þá sér
Bergþór vinur minn hálftröll í Bláfelli
mér fyrir félagsskap. Hann kíkir
stundum á okkur skógarhöggsmenn-
ina og hjálpar okkur, hann er öflugur
og fer létt með að draga fyrir okkur
þyngstu trén,“ segir Einar kíminn og
bætir við að ekki sé draugagangurinn
í húsinu síður kröftugur. „Við höfum
allir orðið varir við hann, ég fann
mest fyrir þessu fyrsta veturinn en
nú er ég búinn að vera hér í fimm ár
og draugurinn sáttur við mig og ég
við hann. Hann er dálítið stríðinn og á
það til að láta hluti hverfa og honum
fylgir þó nokkur umgangur. Hann á
það líka til að kveikja ljósin og taka
raftæki úr sambandi og annað slíkt.
Þeir sem voru hér á undan mér urðu
líka mikið varir við þetta og töldu sig
vita hver þessi draugur væri en ég
skrifa allan umgang á Bergþór vin
minn í Bláfelli,“ segir Einar sem einn-
ig nýtur félagsskapar Dimmu, en það
er labradortíkin hans sem hann kallar
verkstjóra yfir þeim öllum.
Rebbi og mýsnar eru
heimalningar
„Tófan er líka mikill vinur minn,
hún kemur alltaf að húsinu á sama
tíma, á miðnætti og klukkan sex á
morgnana. Ég gauka stundum að
henni einhverju góðgæti en Níels er
ekki hrifinn af því að ég sé að ala tóf-
una, því hann er refaskytta,“ segir
Einar og skellihlær en Níels bætir við
að refurinn í skóginum sé ekki gren-
dýr heldur svokallað hlaupadýr. „Það
var líka rosalegur músagangur í
starfsmannahúsinu, en ég hef samið
við þær, ég gef þeim að borða úti og
þá fara þær ekkert inn. Þær dansa
stundum fyrir utan á kvöldin og
skemmta mér. Maríuerlan hefur líka
verpt við útidyrahurðina þar sem ég
setti upp fuglabúr. Ég er aldeilis ekki
einn hér.“
Drauma gönguskíðabrautir
Skógarhöggsmennirnir eru sí-
fellt að búa til nýjar brautir og slóða
inni í Haukadalsskógi og þar eru
margar skemmtilegar gönguleiðir og
reiðstígar. Skógurinn er heilmikið
notaður af útivistarfólki. „Til hvers að
hafa skóg sem ekki er hægt að fara
um?“ spyr Einar sem er mjög stoltur
af afrakstrinum. „Við erum með
nokkrar mjög breiðar og fínar brautir
sem eru drauma gönguskíðabrautir.
Íslenska landsliðið ætti að koma
hingað til að æfa sig og Bergþór gæti
lamið þá áfram.“
Braut Ein af breiðu brautunum milli himinhárra trjánna sem þeir hafa gert.
Áður fyrr þurftum við
að lyfta öllu með hönd-
unum upp á vagninn.
DAGLEGT LÍF 11
MORGUNBLAÐIÐ MÁNUDAGUR 5. SEPTEMBER 2011
Stigahlíð 45-47
Lögg. fasteignasali: Guðrún Hulda Ólafsdóttir
Sýnishorn úr söluskrá
• Einkaumboð á innfl. og merkingu á fatnaði
• Skemmtistaður í nágrenni Rvk
• Smáhýsi og lóðir í nágr. Rvk
• Netverslun með raftæki
• Netfyrirtæki - möguleikar um allan heim
• Söluturn með grilli og DVD leigu
• Farfuglaheimili nálægt Rvk
• Bílaverkstæði – réttingar og sprautun
• Tvær þekktar fiskbúðir
• Tveir grillturnar með mikla veltu
Nánari upplýsingar veittar á skrifstofu
reynir@fyrirtaeki.is - www.fyrirtaeki.is
896 1810
Í Haukadalsskógi eru um 350
hektara af birki, 100 hektarar af
greni, 100 hektarar af furu og
100 hektarar af lerki og eitthvað
af ösp. Í Svartagilshvammi eru
hæstu og elstu trén í skóginum,
um 22 metrar á hæð.
Danski hugsjónamaðurinn
Kristjan Kirk keypti landið 1938
en gaf ríkinu það tveimur árum
seinna, með þeim skilyrðum að
Skógrækt ríkisins sæi um að
halda áfram að gróðursetja. Þá
var hann búinn að girða af jörð-
ina og byggja upp kirkjuna. Há-
kon Bjarnason var fyrsti skóg-
ræktarstjórinn.
Skógræktin í Haukadal hófst
nokkrum árum seinna með því
að Hákon Bjarnason og Páll Páls-
son bóndi á Hjálmsstöðum sáðu
þar Bæjarstaðabirkifræjum.
Haukadalur
ELSTU TRÉN 22 METRAR
Notaður til meðmæla
Vefurinn hefur nú verið prufu-
keyrður í nokkrar vikur á svokall-
Upplýsingavefurinn stjörnur.is fer
formlega í loftið nú í september.
Þar getur fólk sett inn umsagnir
um ýmiss konar þjónustu undir
nafni og gefið bæði stjörnur og um-
sagnir. Vefurinn er því góð upplýs-
ingaveita fyrir almenning en gerir
fyrirtækjum einnig kleift að fylgj-
ast með frammistöðu sinni og taka
þátt í umræðunni.
Notendavænn vefur
„Hugmyndin varð til út frá þeirri
breytingu sem átt hefur sér stað í
notkun samskiptamiðla síðastliðin
ár. Fólk vill geta deilt upplýsingum
og það hefur breyst hvar það vill
sækja sér þær. Við forritun á þess-
um vef hefur verið notuð splunkuný
tækni sem gerir hann alveg jafn
notendavænan í gegnum farsíma,
fartölvu eða borðtölvu. Marg- ir
vilja t.d. geta sett inn upplýs-
ingar meðan þeir eru enn á
staðnum og þá er auðvelt að
gera það í gegnum símann, “
segir Sigríður Margrét
Oddsdóttir forstjóri Já upp-
lýsingaveitna hf. sem sér
um rekstur vefjarins. Með-
al flokka á síðunni má
nefna ferðalög, skemmtun
og veitingastaði. Flokk-
arnir eru byggðir á þjón-
ustuaðilum og fyr-
irtækjum en einnig er
hægt að leita eftir leit-
arorði eins og t.d. pitsa
eða sushi. Flokkana
segir Sigríður Margrét
vera notaða til að benda á
möguleika en þeir eru upp-
settir samkvæmt rann-
sóknum um það sem fólk
vill helst geta skoðað á slíkum vefj-
um. Ætlunin er síðan að birta lista
yfir þau fimm fyrirtæki sem eru
með flestar stjörnur hverju sinni.
aðri beta-útgáfu. Sigríður
Margrét segir viðtökurnar
hafa verið góðar og þegar
hafi mörghundruð umsagnir
borist um alls konar fyr-
irtæki. Allt frá aðilum í ferða-
þjónustu yfir í pitsastaði og
bókabúðir.
„Umsagnirnar eru mjög fjöl-
breyttar og stjörnugjöfin frá
einni upp í fimm stjörnur. Það
kemur skemmtilega á óvart því
samfélags og bloggmiðlar hafa
dálítið neikvæða ímynd á sér en
stjörnurnar þarna eru frekar
fleiri en hitt. Því virðist sem fólk
sé frekar að nota vefinn til að
mæla með og deila því sem sé gott.
Það verður spennandi að sjá hvern-
ig þetta þróast og við hlökkum til
að sjá notendur þróa þennan vef
áfram með okkur,“ segir Sigríður
Margrét.
Notendavæn vefsíða
Stjörnugjöf Á vefnum getur fólk gefið
ýmis konar þjónustu umsögn og stjörnur.
Fólk deilir upplýsingum
sín á milli og gefur stjörnur
Stjörnugjöf Sigríður Margrét segir viðtökurnar við vefnum hafa verið góðar.
Nú stendur yfir sýning á ljósmyndum Frakkans Marcs Rib-
ouds, eins merkasta ljósmyndara samtímans, í Ljós-
myndasafni Reykjavíkur. Sýningin kallast „Marc Riboud –
ljósmyndir í 50 ár“. Sýningin er einn af afmælisviðburðum
í tilefni af aldarafmæli Alliance Française í Reykjavík en
hún mun standa út árið. Riboud fæddist árið 1923 í Lyon
og tók fyrstu ljósmyndirnar sínar á Heimssýningunni í
París 1937, með litlu kassavélinni sem pabbi hans gaf
honum í 14 ára afmælisgjöf. Árið 1953 fékk hann birta
ljósmynd í tímaritinu Life, en sú mynd sýnir málara uppi í
Eiffel-turninum. Síðar varð hann þekktur fyrir frétta-
ljósmyndir sínar og var meðal annars einn fárra ljósmynd-
ara Víetnamstríðsins.
Ljósmyndasýning
Þekkt Mynd Marcs Ribouds Unga stúlkan og blómið.
Yfirlitssýning á ljós-
myndum Marcs Ribouds
Nú er komið
haust og tími til
að gera eitthvað
gott fyrir líkama
og sál. Kabbalah
er forn viska sem
veitir þér hagnýt
verkfæri til að
skapa varanlega
ánægju og lífs-
fyllingu. Kabblah
hefur verið mjög
vinsælt síðastliðin ár og meðal
annars hafa stjörnur eins og Ma-
donna lagt stund á fræðin. Kabba-
lah á Íslandi hefur nú opnað fyrstu
Kabbalah-miðstöð Íslands á Lauga-
veginum. Þar eru í boði fræðslu-
fundir, fjölbreytileg námskeið og
ráðstefnur bæði fyrir nýnema og þá
sem lengra eru komnir í kabbalah-
fræðunum.
Endilega …
… prófaðu
kabbalah
Iðkandi Madonna
stundar kabbalah.