Morgunblaðið - 06.09.2011, Blaðsíða 29

MENNING 29
MORGUNBLAÐIÐ ÞRIÐJUDAGUR 6. SEPTEMBER 2011
FRÉTTASKÝRING
Silja Björk Huldudóttir
silja@mbl.is
Enn eitt haustið stefnir í metsölu á
áskriftarkortum hjá hinum ýmsu
menningarstofnunum landsins.
Þannig berast fréttir af því að nú
þegar hafi fleiri áskriftarkort verið
seld hjá Þjóðleikhúsinu en á sama
tíma í fyrra sem þá var metár. Hjá
Borgarleikhúsinu fengust þær upp-
lýsingar að nú þegar væri kortasal-
an rúmlega 25% meiri en á sama
tíma í fyrra, en þá voru kortagestir
yfir 11 þúsund og höfðu aldrei ver-
ið fleiri í sögu leikhússins. Rífandi
kortasala hefur verið hjá Sinfón-
íuhljómsveit Íslands, enda virðist
mikil eftirvænting ríkja um fyrsta
starfsár hennar í Hörpu. Breytt
fyrirkomulag á kortasölu í Menn-
ingarhúsinu Hofi virðist leggja vel
í gesti, en breytingin felur í sér
aukið val á viðburði, og fer korta-
salan vel af stað að sögn fram-
kvæmdastjóra hússins.
„Við finnum mikinn meðbyr með
leikhúsinu. Þrátt fyrir hækkað
miðaverð og þá staðreynd að það
þrengir að víða þá virðist fólk vera
tilbúið að setja þetta í forgang hjá
sér. Enda hefur menningin verið
okkar haldreipi og það sem við
skilgreinum okkur út frá,“ segir
Sigurlaug Þorsteinsdóttir, mark-
aðs- og kynningarstjóri Þjóðleik-
hússins. Bendir hún á að spennandi
leikár spilli heldur ekki fyrir. „Við
erum stolt af frábæru leikári sem
inniheldur mörg stórvirki og ein-
staka listamenn,“ segir Sigurlaug
og tekur fram að vinsældir séu
bara bónus því aðalmarkmiðið sé
að vinna metnaðarfullt listrænt
starf.
Góð upplyfting fyrir andann
Að sögn Hildar Harðardóttur,
markaðsstjóra Borgarleikhússins,
eru menn þar á bæ í skýjunum yfir
góðum viðtökum í kortasölunni.
„Það er vissulega óvenjulegt að
þetta gerist þegar þjóðfélagið er í
svona mikilli lægð,“ segir Hildur
og bendir á að hugsanlegt sé að
margir líti á leikhúsferð sem góða
upplyftingu fyrir andann á þreng-
ingartímum. „Núna þegar margir
eru orðnir varkárari í fjármálum
og skipulagðari í innkaupum sjá
margir hversu góðan afslátt fá má
með því að kaupa sér áskrift-
arkort,“ segir Hildur og tekur
fram að hugsanlega hjálpi líka til
að boðið sé upp á raðgreiðslu.
Hildur segir ljóst að leikárið
virðist vekja hrifningu hjá fólki.
„Þetta er mikið tilfinningaleikár
með stórar sögur um manneskjuna
bæði í okkar nánasta umhverfi en
einnig á alþjóðavettvangi,“ segir
Hildur. Bendir hún á að færst hafi
í aukana að fólk eigi hreinlega í
vandræðum með að takmarka sig
við þær fjórar sýningar sem eitt
áskriftarkort veitir aðgang að og
því séu fleiri dæmi þess að fólk
kaupi sér tvö kort.
Nýr salur vekur forvitni
Eins og áður hefur komið fram í
Morgunblaðinu hefur salan á
áskriftakortum á tónleika Sinfón-
íuhljómsveit Íslands (SÍ) gengið af-
ar vel. Þannig hafi nú þegar hafi
verið seld tæplega 26 þúsund sæti í
áskrift, sem sé 57% heildaraukning
í kortasölu á milli ára. Að sögn
Margrétar Ragnarsdóttur, mark-
aðs- og kynningarstjóra SÍ, hefur
áskrifendum fjölgað jafnt og þétt
sl. þrjú ár, en ljóst megi vera að al-
gjör sprenging hafi orðið í áskrift-
arsölu í tengslum við nýju heim-
kynni hljómsveitarinnar í
Hörpunni. „Nýtt hús og nýr salur
vekur forvitni og því margir að
skila sér í áskrift sem hafa ekki áð-
ur verið með áskrift þrátt fyrir
áhuga.“
Menningin blífur á
þrengingartímum
 Sala áskriftarkorta eykst milli ára hjá Þjóðleikhúsinu og
Borgarleikhúsinu  Rífandi kortasala hjá Sinfóníuhljómsveit
Íslands, 57% heildaraukning í kortasölu á milli ára
Oz Kynningarmynd fyrir söngleikinn Galdrakarlinn í Oz sem frumsýndur
verður í Borgarleikhúsinu nú í septembermánuði.
Morgunblaðið/Ómar
Harpa Sinfóníuhlómsveit Íslands á tónleikum í Eldborgarsal Hörpu. Hið
nýja hús á eflaust stóran þátt í því hversu vel selst á tónleika hennar.
Eftirfarandi tilkynning hefur borist frá
Baggalúti.is:
„Vefsetur Baggalúts, baggalútur.is (í öllum
föllum eintölu), verður opnað eftir langt og
nokkuð leiðinlegt sumarfrí mánudaginn 5.
september. Má segja að verkefni komandi
vetrar séu ærin og aðkallandi: Yfirvofandi
innrás ofurgreindra þykkblöðunga utan úr
geimnum sem ásælast gómsætan og megr-
andi íslenskan mat, sársaukafullur nið-
urskurður í framlögum hins opinbera til sjálf-
bærrar nýtingar á skófum, bygging ríkis og
borgar á tónlistarhúsi sem ætlað er að brjóta
á bak aftur einokun Hörpu á tónlistar-
húsamarkaði, innrás ofurríkra Kínverja á
fullkomlega ónothæft fjalllendi, sanda og
mýrar og svo framvegis og svo framvegis.
Baggalútur 10 ára!
Útgáfufélagið Baggalútur fagnar 10 ára
afmæli í ár en vefurinn baggalutur.com fór í
loftið haustið 2001. Fimm þúsund þrjú hundr-
uð áttatíu og einni frétt, ógrynni pistla, ljóða,
hugrenninga, smáauglýsinga, þrífara, sér-
vefja, djammmyndasíða, útgáfubóka, skrípa-
mynda, þjóðblogga og maður veit ekki hvað
og hvað síðar heilsar baggalútur.is á nýjan
leik, til í slaginn einn ganginn enn. Baggalút-
ur mun fagna afmælinu í vetur með upp-
lestrum, skyggnilýsingarfundum, pulsugrill-
veislum og ýmsu tilfallandi. Hann óskar
sjálfum sér til hamingju með að vera enn í
fremstu víglínu íslenskra fréttamiðla. Eftir
tíu ár í eldlínunni gnæfir Baggalútur upp úr
ólgusjó íslenskrar fjölmiðlunar – eins og
klettur í hafinu.
Fánaberi sannleikans
Tónleikar og útgáfa. Hljómsveitin Bagga-
lútur vinnur nú að gerð hljómplötu með óút-
gefnum lögum sem sveitin hefur barið saman
af ýmsu tilefni undanfarin ár. Sum þeirra eru
þekkt. Önnur óþekkt. Nægir að nefna hið
ódauðlega Áfram Ísland, Gjöf (til Vigdísar
Finnbogadóttur 80 ára) og Lesbískar ninja-
vampírur á flótta auk fáeinna glæ- og flunku-
nýrra laga. Í desember heldur sveitin svo sína
árlegu jólatónleika í Háskólabíói og Menning-
arhúsinu Hofi, landsmönnum og sjálfum sér
til ómældrar gleði – en miðasala á þá viðburði
hefst í dag. Auk þess mun sveitin taka í notk-
un spánnýtt jólaslagorð, ’Baggalútur – bestur
í jólum.’ Ýmislegt fleira, vænt og óvænt, er
svo á dagskrá Baggalúts í vetur – bæði skrif-
að og sungið.
Lifi sannleikurinn!
Baggalútur,“
Baggalútur opnaður eftir sumarfrí
Morgunblaðið/Kristinn
Hugarfóður Baggalútsliðar sitja að hughvetj-
andi snæðingi í útvarpshúsi allra landsmanna.
Zombíljóðin – frumsýnd á föstudag