Morgunblaðið - 20.09.2011, Side 4

4 FRÉTTIRInnlent
MORGUNBLAÐIÐ ÞRIÐJUDAGUR 20. SEPTEMBER 2011
Hafa tekið út 60 milljarða
 Ríkið treystir á áframhaldandi úttektir á séreignarsparnaði landsmanna
Vilhjálmur Andri Kjartansson
vilhjalmur@mbl.is
Alls höfðu rúmlega 56 þúsund einstaklingar sótt
um úttekt á séreignarsparnaði sínum 1. ágúst sl.,
upp á samtals 60,2 milljarða króna. Meðalúttekt
fyrir skatt er um ein milljón kr. á hvern og einn.
Vonir stjórnvalda eru bundnar við að hluti þessa
fjármuna skili sér í aukinni neyslu og ýti undir
hagvöxt. Þrátt fyrir töluverðan ávinning, ekki síst
í formi skatttekna til ríkisins, láðist að framlengja
heimild til úttektar í vor. Helgi Hjörvar, formaður
efnahags- og skattanefndar, bætti fyrir þau mis-
tök í haust og hefur nú verið samþykkt breyting-
artillaga hans um framlengingu heimildarinnar.
Að sögn Péturs Blöndal, alþingismanns, er
ávinningur úttektanna mikill fyrir hið opinbera
enda má áætla að hið opinbera taki til sín 20 til 25
milljarða króna í skatt. „Þetta hefur ekki örvað
eftirspurn í heildina að mínu mati. Þetta er tekið
af einum gæslumanni sem eru lífeyrissjóðir og
fært í vörslur annarra sem eru bankar og lífeyr-
issjóðir. En þetta hefur gífurlega mikla þýðingu
fyrir ríkissjóð og sveitarfélög sem taka til sín
nærri því þriðjung af upphæðinni í skatt.“
Enn fremur segir Pétur að úttektirnar geti haft
slæmar afleiðingar þar sem hingað til hafi kröfu-
hafar ekki getað gengið að séreignarsparnaði
fólks en nú tíðkist að fólk taki út séreignarsparn-
aðinn til þess að létta á lánum og forða sér frá
gjaldþroti en fari samt í þrot. „Þegar fólk er búið
að taka út séreignarspanaðinn sinn og borga af
lánum þá er kröfuhafinn búinn að fá sparnaðinn og
ef aðgerðin dugar ekki til að bjarga fólki frá gjald-
þroti þá er sparnaðurinn farinn. Þessu er ég á móti
og því að kröfuhafi geti hálfpartinn neytt fólk til að
taka út sparnaðinn sinn. Skuldarar eru oft settir í
erfiða stöðu þegar kröfuhafi spyrst fyrir um sér-
eignarsparnaðinn og fólk hefur enga tryggingu
fyrir því að úttekt á honum til greiðslu skulda
bjargi því frá gjaldþroti,“ segir Pétur.
„Þetta hefur ekki
örvað eftirspurn í
heildina að mínu
mati“
Pétur Blöndal
Birgir Jónsson
hefur verið ráð-
inn forstjóri Ice-
land Express eft-
ir að samkomulag
var gert milli fé-
lagsins og Matt-
híasar Imsland
um starfslok hans
hjá félaginu.
Birgir var for-
stjóri félagsins á
árunum 2004 til
2006 en síðustu ár
hefur hann starf-
að sem forstjóri
Infopress Group.
Samkvæmt
fréttatilkynningu
er fyrirtækið eitt
stærsta prentfyr-
irtæki Austur-
Evrópu.
Iceland Ex-
press þakkar Matthíasi Imsland fyr-
ir vel unnin störf hjá félaginu og ósk-
ar honum velfarnaðar í hverju því
sem hann tekur sér fyrir hendur,
samkvæmt tilkynningu.
„Ég hlakka til að takast á við nýtt
verkefni með því frábæra starfsfólki
sem er hjá Iceland Express og vinna
með því að áframhaldandi uppbygg-
ingu hjá félaginu. Ég mun leggja
áherslu á að auka gæði þeirrar mik-
ilvægu þjónustu sem félagið býður
upp á. Það verða gerðar ákveðnar
breytingar á rekstrinum sem koma
munu í ljós á næstu vikum og mán-
uðum,“ segir Birgir í tilkynningu.
Breytingar
hjá Iceland
Express
Matthías
Imsland
Birgir nýr forstjóri
Birgir
Jónsson
Alls höfðu í gærkvöldi tæplega 5.500
manns skrifað undir áskorun á Al-
þingi að leggja til hliðar umsóknina
um aðild að Evrópusambandinu.
Undirskriftasöfnunin hófst 6.
september og fer fram á vefsíðunni
skynsemi.is. Aðstandendur þessa
átaks hafa fært þau rök fyrir áskor-
uninni að Evrópusambandið hafi
breyst frá því Alþingi samþykkti
umsóknina og óvissa ríki um framtíð
þess og myntbandalagsins.
Þá er bent á að aðildarferlið sé
kostnaðarsamt og dreifi athygli
stjórnsýslunnar frá mun brýnni við-
fangsefnum auk þess sem skoð-
anakannanir sýni yfirgnæfandi og
vaxandi andstöðu landsmanna við
aðild. Á vefsíðunni segir að aðstand-
endur átaksins hafi ólíkar stjórn-
málaskoðanir en séu sammála um að
farsælast sé fyrir Ísland að aðild-
arumsóknin verði lögð til hliðar.
Á sjötta þús-
und áskoranir
Framkvæmdum við tvöföldun og breikkun Suðurlandsvegar frá Foss-
völlum í Lögbergsbrekku að Draugahlíðarbrekku austan við Litlu kaffi-
stofuna mun senn ljúka en þessa dagana er verið að leggja lokahönd á mal-
bikun. Reiknað er með að nýi vegurinn verði opnaður í lok september, að
sögn Einars Más Magnússonar hjá Vegagerðinni.
Áhyggjufullur vegfarandi benti Morgunblaðinu á að í votveðrinu mikla á
sunnudaginn safnaðist á kafla heilmikið rigningarvatn í hvilftina á milli
akbrauta og virtist það hvergi komast niður. Einar Már segir það ekkert til
að hafa áhyggjur af, reiknað sé með að vatn renni þar um. „Það er vatnsrás
á milli akbrautanna. Það getur verið að það séu einhverjar fyrirstöður þar
sem trufla rennslið og þá þurfum við að skoða það, en úr vatnsrásinni er
vatninu beint í gegnum rör út fyrir veginn,“ segir hann.
Þá hefur verið bent á að slysahætta sé vegna óvarinnar hvilftarinnar en
Einar Már segir að til standi að setja víravegrið ofan í hvilftina, nær nýja
veginum. „Það kemur í veg fyrir að fólk geti keyrt óvart á milli akbrauta.“
ylfa@mbl.is
Framkvæmdum við tvöföldun að ljúka
Morgunblaðið/Eggert
Lögreglan á höfuðborgarsvæðinu
hefur nú til rannsóknar dýraníð í
landi Meðalfells í Kjós. Tilkynnt hef-
ur verið um áverka á þremur hryss-
um núna í haust og í sumar. Þá er
vitað um eitt tilvik frá síðastliðnum
vetri. Tvö tilvikanna áttu sér stað í
sumar og uppgötvuðust 10. júlí og
það þriðja 11. september. Í öllum til-
vikum er um að ræða áverka á kyn-
færum dýranna.
Segir ekki búið að staðfesta að
áverkar séu af mannavöldum
Gunnar Örn Guðmundsson, hér-
aðsdýralæknir Gullbringu- og Kjós-
arumdæmis, vill ekki staðfesta að
áverkarnir séu af mannavöldum.
„Málið er í rannsókn og það á eftir
að koma í ljós og sýna fram á að
þetta sé af mannavöldum.“ Hryssan
sem uppgötvað var að hefði orðið
fyrir áverkum í haust er nítján vetra
gömul og að sögn Gunnars ætti hún
að ná sér að fullu. „Af þeim sem upp-
götvaðist með í sumar var stærð-
arinnar skurður á annarri þeirra en
ég sá þær ekki og vil ekki fullyrða
um alvöru þeirra áverka. Í því tilviki
sem nú kom upp er sárið inni í skeið-
inni og nokkur hætta á að það geti
valdið sýkingu. Hryssunni leið
greinilega illa eftir atvikið en var að
jafna sig þegar ég skoðaði hana fyrir
helgi,“ segir Gunnar. Lögreglan á
höfuðborgarsvæðinu hvetur eig-
endur hrossa til þess að fylgjast með
eins og kostur er og hafa samband
við lögregluna ef grunsemdir vakna
um dýraníð. Jafnframt biður lög-
reglan þá sem kunna að búa yfir
upplýsingum um atvikin að hafa
samband við lögreglu.
Meint dýraníð til rannsóknar
hjá lögreglunni í Reykjavík
 Áverkar hafa fundist á kynfærum á þremur hryssum