Morgunblaðið - 13.10.2011, Side 6

FRÉTTASKÝRING
Egill Ólafsson
egol@mbl.is
Vegagerðin hefur óskað eftir tillögum
frá Eimskipi og Sæferðum um hvern-
ig verði hægt að haga ferjusiglingum
milli lands og Eyja yfir vetrarmán-
uðina. Herjólfur siglir nú til Þorláks-
hafnar og bendir ekkert til annars en
hann geri það áfram í næstu vikurnar
því að nýjustu mælingar sýna að dýpi
í hafnarmynni Landeyjahafnar er
ekki nema 3,5 metrar en þyrfti að
vera 5,5 metrar til að skipið geti siglt
inn í höfnina.
Það er tvennt sem veldur því að
Herjólfur hefur átt erfitt með að sigla
inn í Landeyjahöfn yfir vetrartímann,
annars vegar er dýpi framan við hafn-
armynnið of lítið vegna sandflutninga
og hins vegar getur skipið ekki siglt
inn í höfnina þegar ölduhæð fer upp
fyrir 2-2,5 metra. Herjólfur er öflugt
skip sem ristir mun dýpra en Breiða-
fjarðarferjan Baldur, en Baldur leysti
Herjólf af hólmi í haust þegar Herj-
ólfur fór í slipp til Danmerkur.
Dýpi í mynni Landeyjahafnar var
mælt í byrjun október og kom þá í ljós
að það vantar tvo metra upp á að dýp-
ið sé nægjanlegt. Siglingastofnun hef-
ur fjármagn til að dýpka höfnina og
dýpkunarskipið Skandia er til reiðu,
en það hefur ekki getað athafnað sig
vegna veðurs. Það reyndist tímafrekt
og erfitt verkefni fyrir Skandia að
opna höfnina í fyrravetur, en á meðan
sigldi Herjólfur til Þorlákshafnar.
Málið er hins vegar ekki leyst þó að
takist að dýpka Landeyjahöfn því að
veður getur eftir sem áður komið í
veg fyrir að Herjólfur geti notað höfn-
ina. Reynslan frá því í haust bendir til
að Baldur geti siglt inn í Landeyja-
höfn í meiri ölduhæð en Herjólfur.
Kallar eftir tillögum
Kristín Sigurbjörnsdóttir, fram-
kvæmdastjóri hjá Vegagerðinni, seg-
ir að í framhaldi af fundi með fulltrú-
um frá innanríkisráðuneytinu,
Eimskipi, sem gerir út Herjólf, Sæ-
ferðum, sem gera út Baldur og full-
trúa Eyjamanna hafi verið ákveðið að
biðja stjórnendur Eimskips og Sæ-
ferða að koma með tillögur um hvaða
lausn þeir sæju fyrir sér í ferjumálum
yfir vetrarmánuðina. Jafnframt sé
Vegagerðin að kanna hvort hægt sé
að fá leigt eða keypt skip til að sinna
ferjuflutningum til Eyja. Fyrirtækj-
unum voru gefnar tvær vikur til að
skila tillögum. Kristín segist ekki vilja
gefa nein fyrirheit um að það finnist
betri lausn á þessum málum í vetur en
auðvitað sé það æskilegt.
Vegagerðin gerði langtímasamning
við Eimskip um ferjusiglingar til
Eyja. Samningurinn rann út árið
2010, en hann hefur tvívegis verið
endurnýjaður til skamms tíma. Nú-
verandi samningur rennur út 1. maí
2012. Ástæða þess að ekki hefur verið
gerður langtímasamningur er sú
óvissa sem ríkt hefur um hvaða skip
verður notað til ferjusiglinganna.
Í lok árs 2009 ákváðu eigendur Sæ-
ferða ehf. að láta vinna áætlun um
breytingar á Baldri svo að skipið
stæðist kröfur um skip í B-flokki, en
siglingaleiðin milli Vestmannaeyja og
Landeyjahafnar er á svokölluðu B-
svæði. Páll Kr. Pálsson, stjórnarfor-
maður Sæferða, segir að ástæðan fyr-
ir þessu hafi verið sú að fyrirtækið
hafi þá haft áhuga á að skoða mögu-
leika þess að bjóða Baldur í siglingar
milli Landeyjahafnar og Eyja. Ekki
hafi orðið af útboði á siglingaleiðinni á
árinu 2010, en fyrirtækið sé búið að
vinna umtalsverða undirbúnings-
vinnu og því ætti að vera mögulegt að
gera nauðsynlegar endurbætur á
Baldri fyrir jól, komi skipið til greina.
Páll segir að Sæferðir hafi áhuga á
að bjóða Baldur til siglinga til Vest-
mannaeyja yfir vetrarmánuðina enda
henti skipið vel í þetta verkefni að
mati margra. Hann segir hins vegar
ekki forsendur fyrir að nýta Breiða-
fjarðarferjuna Baldur í siglingar í
Landeyjahöfn í vetur nema fengið
verði annað skip sem geti fullnægt
siglingaleiðinni yfir Breiðafjörð. „Við
erum reiðubúin til að setjast við borð-
ið og ræða þessi mál. Siglingaleiðin
yfir Breiðafjörð er hins vegar lífæðin í
okkar starfsemi og því verður ekki
breytt. Annars er þessi hugmynd
mjög spennandi, ef það er hægt að
finna leið sem þjónar hagsmunum
allra, þ.e. einstaklingum og fyrirtækj-
um í Vestmannaeyjum og á sunnan-
verðum Vestfjörðum, Vegagerðinni
og Sæferðum, sagði Páll
Komi Baldur til greina muni Sæ-
ferðir skoða að kaupa aðra ferju til að
sinna flutningum yfir Breiðafjörð og
raunar sé fyrirtækið að skoða skip í
það verkefni, sem gæti hugsanlega
verið komið til landsins eftir 4-6 vikur.
Sæferðir eru einnig að skoða þann
kost að fá aðra ferju til landsins til að
sigla í Landeyjahöfn sem myndi þýða
að Baldur yrði áfram í siglingum á
Breiðafirði, en Páll segir að það sé
erfitt að finna betra skip en Baldur í
þetta verkefni.
Eimskip og Sæferðir skili tillögum
 Mælingar sýna að dýpka þarf Landeyjahöfn um tvo metra áður er Herjólfur getur siglt inn í höfnina
 Vegagerðin hefur óskað eftir tillögum frá Eimskipi og Sæferðum um ferjusiglingar til Eyja í vetur
Baldur Breiðafjarðaferjan Baldur siglir inn í Landeyjahöfn.
BAKSVIÐ
Ingveldur Geirsdóttir
ingveldur@mbl.is
Þegar eigandi eða annar íbúi fjöl-
býlishúss gerist sekur um gróf eða
ítrekuð brot gagnvart sambýlisfólki
sínu hafa fjöleignarhúsalögin frá
1994 að geyma mjög öflug úrræði.
Sigurður Helgi Guðjónsson formað-
ur Húseigendafélagsins segir 55.
gr. laganna vera mjög kröftuga.
„Viðurlög við brotum er brottvísun,
bann við búsetu og/eða þvinguð
sala íbúðar. Þessi úrræði eru öfl-
ugri, ítarlegri og ganga lengra en í
löggjöf annarra þjóða. Það er í
fyrsta lagi húsfélag sem getur beitt
þessum úrræðum en ef það gerir
það ekki geta einstakir eigendur
gert það upp á eigin spýtur.“
Ekki má raska svefnró fólks
Í Morgunblaðinu í gær var
fjallað um mál fjölskyldu í vest-
urbæ Reykjavíkur sem hefur ekki
fengið svefnfrið í langan tíma
vegna stöðugs partíhalds nágranna.
Sigurður segist alltaf fá slík dæmi
inn á borð til sín en 55. gr. fjöleign-
arhúsalaganna sé þrautaúrræði
sem grípa megi til þegar allt um
þrýtur. „Brotin verða að vera al-
varlegs eðlis og sýnt að fortölur og
aðvaranir hafi ekki dugað. Þá verð-
ur sá, hvort sem það er húsfélag
eða einstakur eigandi, að sanna
brotin en af hlutarins eðli verður að
gera ríkar kröfur til sönnunar. Það
getur hins vegar verið svolítið erf-
itt núna því lögregluskýrslur hafa
verið helstu sönnunargögnin. Nú er
lögreglan mikið til hætt að skipta
sér af nema alvarlegustu málum,“
segir Sigurður og bætir við að al-
mennt séu deilur í fjölbýlishúsum
ekki lögreglumál í eðli sínu. Sam-
skipti fólks í fjölbýli eru yfirleitt á
sviði einkaréttar.
„Lögreglan hefur afskipti af
brotum á hegningarlögum, þá með
lögreglusamþykktum en í þeim eru
m.a. ákvæði um að ekki megi raska
svefnró fólks. Það er fyrst og
fremst á þeim grundvelli sem lög-
reglan hefur afskipti af samskipt-
um í fjölbýli. Eins líka þegar
um aðra háttsemi er að ræða
sem brýtur í bága við refsilög,
eins og ofbeldi og skemmd-
arverk, eiturlyfjabrask- og
neyslu.“
Í frétt gærdagsins
kom fram að lögregl-
an gæti ekkert gert í
tilteknu máli því
partíhaldarinn væri
eigandi íbúðarinn-
ar. Sigurður segir það vera mis-
skilning, lögin nái jafnt yfir eig-
endur íbúðar og leigjendur.
Lögin endurskoðuð
Nú stendur yfir, fyrir tilstuðlan
velferðarráðherra, endurskoðun
fjöleignarhúsalaganna og fer Sig-
urður fyrir því verki. Kemur þar til
skoðunar 55. gr., reynslan af henni
og hvort breytinga sé þörf.
„Ákvæði 55. greinar hafa reynst vel
og þau hafa mikið varnaðargildi.
Það er erfitt að hugsa sér að ganga
öllu lengra. Hins vegar má hugs-
anlega auðvelda málareksturinn og
sönnunarfærslu í slíkum málum.
Lögreglan hefur mikið á sinni
könnu og því má hugsanlega
byggja á öðrum sönnunargögnum
en lögregluskýrslum í meira mæli
en nú er gert, t.d. skýrslum eða
vottorðum frá öryggisfyrirtækjum
og upptökum og myndum.“
Úrræði gegn brotum í fjölbýli
 Fjöleignarhúsalögin ganga langt í að vernda íbúa fjölbýlishúsa þegar annar íbúi gerist sekur um
ítrekuð brot  Geta farið fram á brottvísun og þvingaða sölu  Lögreglan mikið til hætt að skipta sér af
Morgunblaðið/Golli
Húsnæði Íbúar í fjölbýlishúsum hafa stundum ónæði af nágrönnum sínum. Fjöleignarhúsalögin hafa oft ráð við því.
Tilgangsleysi?
» „Vandamálið er að þegar
búið er að djöflast á hávaða-
belgnum og koma honum út
úr húsi hættir hann ekkert
að vera til, flyst bara í eitt-
hvert annað hús,“ segir Sig-
urður.
» „Ógæfulið getur haldið
öllu í heljargreipum í húsi,
aðrir íbúar þora ekki að
kvarta. Oft er það með rang-
hugmyndir og ef einhver
kvartar finnst því eins og
verið sé að ofsækja það.“
6 FRÉTTIRInnlent
MORGUNBLAÐIÐ FIMMTUDAGUR 13. OKTÓBER 2011
Lögreglunni á höfuðborgarsvæðinu berast um 20 til 30 hávaðaútköll á
viku. Geir Jón Þórisson yfirlögregluþjónn segir flest koma um helgar og
oft sé um sömu staðina að ræða. Tíðustu útköllin eru á miðborgarsvæð-
inu og þar í kring. „Við fyrstu hringingu biðjum við fólk að kanna sjálft
hvort það geti ekki talað við viðkomandi. Ef það gengur ekki förum við á
staðinn og ræðum við húsráðanda, það dugar í yfir 90% tilvika. Lög-
reglan skrifar þetta hjá sér og bendir þeim sem kvörtuðu á að hafa sam-
band við húsfélagið og biðja um að veitt verði tiltal. Svo eru tilfelli þar
sem við höfum þurft að grípa inn í heilu samkvæmin en það verður að
meta á hverjum tíma,“ segir Geir Jón um aðgerðir lögreglu. „Fólk getur
kært til lögreglu röskun á almannafriði. Harðasta úrræðið er að leita til
sýslumanns með kröfu um útburð. Þá þurfa öll gögn að liggja fyrir
frá lögreglu um fjölda afskipta og hvers eðlis þau eru.“
Geir Jóni finnst fólk yfirleitt ekki vera vel upplýst um réttindi
sín. „Það heldur að með því að hringja í lögreglu sé málið leyst,
en við getum bara gripið inn í. Það er ákvörðun húsfélags eða
íbúa að halda málinu áfram.“
Fær 20-30 hávaðaútköll á viku
LÖGREGLAN Á HÖFUÐBORGARSVÆÐINU
Geir Jón
Þórisson
Jón Guðjónsson, bóndi í Hall-
geirsey í Landeyjum, segir að
svokallað „hlið“ sem Landeyja-
höfn er byggð í hafi færst til í
gegnum áratugina. Hann segir
að þó að sandburður sé mikill
við suðurströndina sé hann
mestur þar sem Landeyjahöfn
er, enda sjáist það vel á loft-
myndum.
Jón er fæddur 1930 og hefur
búið í Hallgeirsey alla sína tíð.
Hann segist sem strákur hafa
skoðað flakið af seglskipinu
Dragör sem fórst 1920, en það
var þá á malarkambi í fjörunni.
Það hafi ekkert færst til, en það
sé núna í um 420 metra fjar-
lægð frá sjó. Þetta sýni þá miklu
sandflutninga sem eigi sér stað.
Jón segist taka undir með
Halldóri Nellett, fram-
kvæmdastjóra aðgerðasviðs hjá
Landhelgisgæslunni, sem gagn-
rýnt hefur staðsetningu hafn-
arinnar. „Sandburðurinn er
sýnu mestur þarna inn af Eyj-
unum. Það berst mikið frá
Markarfljóti eftir að það var
sameinað í einn farveg. Menn
tala um skjól af Eyjunum en á
sama tíma myndar þetta skjól
fyrir sandinn.“
„Hliðið“ hef-
ur færst til
JÓN BÓNDI Í HALLGEIRSEY
Í LANDEYJUM