Svart á hvítu - 01.10.1977, Qupperneq 50

Heimkoma
Jacques Prévert
Þetta er bretóni kominn aftur í heimabyggð sína
meö ýmisleg afbrot á samviskunni
Hann röltir um framan viö verksmiðjurnar í Douarnenez
Engan þekkir hann aftur
enginn þekkir hann
Hann er mjög niðurdreginn
Hann fer inn í pönnukökubúð til þess aö fá sér pönsu
en getur ekki borðaö hana
Það er eitthvaö sem kemur í veg fyrir að hann geti kingt
Hann borgar
Hann gengur út
Kveikir sér í sígarettu
en getur ekki reykt hana
Þaö er eitthvað
eitthvað í hausnum á honum
eitthvað afleitt
Hann óhressist ennþá meir
Skyndilega rennur upp fyrir honum
að einhver sagði við hann í bernsku:
„Þú endar í gálganum"
Og árum saman
þorði hann ekki að gera neitt
Ekki einu sinni að ganga yfir götu
hvað þá að fara útá sjó
Ekkert alls ekki neitt
Hann man allt aftur
Sá sem hafði spáð þessu fyrir honum var Grésillard frændi
Grésillard frændi sem leiddi bölvun yfir alla
Helvískur melurinn!
Og bretóninn hugsar til systur sinnar
sem vinnur í Vaugirard
Hugsar til bróður síns sem dó í stríðinu
Hugsar um allt sem hann hefur séð
allt sem hann hefur gert
Daþurleikinn tekur hann fantatökum
Hann reynir aftur
aö kveikja í sígarettu
en langar ekki til þess að reykja
Þá ákveður hann að heimsækja Grésillard frænda
Hann fer
Hann opnar dyrnar
Frændinn þekkir hann ekki
en sjálfur þekkir hann frændann
og hann segir:
„Góöan daginn Grésillard frændi"
og snýr hann síðan úr hálsliðnum
Hann endar í gálganum í Quimper
eftir að hafa borðað yfir tuttugu pönnukökur
og reykt eina sígarettu Þýðing: Sigurður Pálsson
46