Íslenskt mál og almenn málfræði - 01.01.1993, Blaðsíða 230

228
Sverrir Tómasson
bjöm Egilsson 1849:250). Sú ágiskun beindi sjónum manna að Þing-
eyrum. Bjöm M. Ólsen samsinnti Sveinbimi í því að Bergur hefði sett
saman Fjórðu málfræðiritgerðina. Að hyggju Bjöms M. Ólsens studdu
tilvitnanir til Heiðarvíga sögu í Fjórðu málfræðiritgerðinni og í kaflan-
um um „Ókennd heiti“ að bókin væri skrifuð í Húnaþingi (Bjöm M.
Ólsen 1884:lxxvii). Sigurður Nordal hallaðist einnig að þessari skoðun
og bætti því við að ósennilegt væri að til hefðu verið mörg eintök af
Heiðarvíga sögu og handrita sögunnar væri þá helst að vænta í Húna-
þingi; vegna þessa væm ábendingar Bjöms M. Ólsens mikils virði
(Sigurður Nordal 1931:17). Finnur Jónsson var aftur á móti ekki alveg
viss um að bókin hefði verið í Þingeyraklaustri, en taldi samt að hún
hefði verið lengi á Norðurlandi og væri líklega skrifúð nyrðra. Hann
vísaði til þess að menn hefðu áður bendlað bókina við Þingeyraklaust-
ur og rakti í því sambandi mágsemdir Jóns Sigmundssonar og Jóns
Þorvaldssonar ábóta á Þingeyrum, en Jón Sigmundsson giftist Björgu
Þorvaldsdóttur 1497, en sjálfur var Jón um skeið sýslumaður Húnvetn-
inga. Jón var afi Guðbrands biskups og hugði Finnur að Guðbrandur
Þorláksson hefði fengið bókina ftá honum (Finnur Jónsson 1924:ii).
Þegar árið 1888 í útgáfú sinni á Egils sögu hafði Finnur Jónsson reynd-
ar bent á að handritið AM 162 A (3 fol. væri skrifað með sömu hendi og
Wormsbók (Finnur Jónsson 1888:xvi). í inngangi sínum að Hauksbók
sýndi hann fram á að höndin á Völuspá í því handriti væri sú sama og
á Wormsbók. Þar hvörfluðu ekki að honum neinar efasemdir:
VQÍuspá er endogsá skreven af samme mand som cod. Wormianus af
Sn.Edda (AM. 242 fol.) og vistnok fprst efter Haukr Erlendsson dpd, efter-
som cod. Worm. med stor sandsynlighed sættes til tiden omkr. 1350 (Finnur
Jónsson 1896:xxxvi).
Finnur áréttaði síðan þessa skoðun í bókmenntasögu sinni 1920 og
1924. Nokkru fyrr en Finnur sá um útgáfu Hauksbókar hafði Carl
Richard Unger birt litla athugasemd í Arkivför nordisk filologi 1891 og
sagðist þar þekkja höndina á Codex Wormianus úr öðrum handritum og
átti þá við þann skrifara sem skrifar fyrsta hlutann af Stjóm í AM 227
fol. og AM 229 fol. (Unger 1891:182). Sigurður Nordal leiddi alveg
hjá sér að tala um rithendur eða yfirleitt skrifara handritsins í inngangi