Íslenskt mál og almenn málfræði - 01.01.1993, Page 231

Formáli málfrceðiritgerðannafjögurra í Wormsbók 229
sínum að ljósprenti Wormsbókar. Jón Helgason lét aftur á móti ekki
undir höfuð leggjast að minnast á skrifara Völuspár í Hauksbók og þess
sem reit Wormsbók. Jón benti á líkindin en sló vamagla (1960:xi):
Hand 7 [þ.e. Völuspárskrifari] has at least a great similarity to that of Codex
Wormianus and the others [þ.e. AM 162 A (3 fol. og hluti af AM 657 a-b
4to], but a detailed examination is necessary before the identity of them can
be looked upon as quite certain.
Nú víkur sögunni til Noregs. Árið 1965 gaf Alfred Jakobsen út rann-
sóknir sínar um Clarus sögu, sem talið hefur verið að Jón Halldórsson
biskup í Skálholti hafi sett saman, enda segir svo í kynningu sögunnar í
handritunum. Jón Halldórsson var upp alinn í Björgvin, en móðir hans
kann að hafa verið íslensk. Annað aðalhandrit Clams sögu er AM 657
a-b 4to. Það er talið vera með sömu hendi og Wormsbók. Jakobsen
studdist við eldri rannsóknir á þessum handritum, en ályktaði sem svo
að ekki væri hægt að ákvarða hvort um væri að ræða einn skrifara eða
skrifaraskóla. Honum fannst sennilegast að skrifaramir hefðu starfað
í Skálholti, þar sem bæði Jón Halldórsson hefði verið biskup þar og
eitt af Stjómarhandritunum, AM 227 fol., hefði verið eign kirkjunnar
í Skálholti (Jakobsen 1965:109-116); handritin hefðu verið skrifuð ,4
et lærd geistlig (norsk) milj0“ (110). Við þessar skoðanir Jakobsens
er það athuga að engan veginn er víst að aðsetur handrits á ákveðnu
tímabili sýni að það hafi verið skrifað á þeim sama stað eða í næsta
nágrenni.
I útgáfu sinni á Fyrstu málfræðiritgerðinni tók Hreinn Benediktsson
ákveðnari afstöðu en Jón Helgason til rithanda umræddra handrita þar
sem hann hélt því fram að á núverandi rannsóknarstigi yrði að gera ráð
fyrir að Wormsbók væri eina verk þessa skrifara; áður en nákvæm og
rækileg skriftarfræðileg (paleografisk) rannsókn á öllum umræddum
handritum færi fram sem sýndi að sami skrifari væri að verki, væri
ekkert unnt að fúllyrða um einn og hinn sama skrifara margra handrita
eða skrifaraskóla (Hreinn Benediktsson 1972:19).
Jakob Benediktsson tók málið fyrir á nýjaleik í inngangi sínum að
Rómverja sögu, AM 595 a-b 4to. Hann reifaði þar eldri rannsóknir og
vísaði til 11 handrita sem telja mætti að skrifarinn hafi skrifað. Þau em