Vera - 01.06.1985, Qupperneq 2

MALGAGN
K VENFRELSISBA RÁTTU
Nýlega voru stofnuð í Reykjavík samtökin ,,Lífsvon“. í máli
forvígismanna þessara samtaka hefur komið skýrt fram að
það er m.a. markmið þeirra að berjast fyrir breytingum á nú-
gildandi fóstureyðingalöggjöf. Breytingum sem afnemi rétt
kvenna til fóstureyðinga af félagslegum ástæðum.
Nú er liðinn tæpur kvennaáratugur frá því löggjöfin um
fóstureyðingar tók gildi. Var hún sett að lokinni ítarlegri um-
ræðu og fjögurra ára umfjöllun ýmissa sérfræðinefnda. Mark-
aði hún tvímælalaust spor í þá átt að auka rétt og frelsi
kvenna yfir eigin lífi. Áður en nýja löggjöfin tók gildi voru kon-
ur ofurseldar nefnd nokkurra einstaklinga í þessum málum.
Hafði nefndin í raun og veru líf og örlög fjölda kvenna í hönd-
um sínum. Aðeins hluti þeirra sem óskuðu fóstureyðingar
hlutu náð fyrir hennar augum. Hinar urðu að láta framkvæma
ólöglega fóstureyðingu eða leita til annarra landa. Hvort
tveggja kostaði offjár og ólögleg aðgerð ómældar þjáningar
að auki.
Þeir sem nú berjast gegn fóstureyðingum af félagslegum
ástæðum segjast flestir gera það af siðferðilegum ástæðum
— mannlegt líf sé heilagt. Verður ekki annað skilið en að þeir
vilji hverfa aftur til þess ástands sem var fyrir meira en 10 ár-
um. Þá ríkti hins vegar siðferðileg léttúð því annað getur það
varla kallast að dæma konur til að ganga með og ala barn
þegar þær hafa hvorki vilja né aðstæður til þess. Þessi léttúð
skín út úr þeim synjunum sem konur fengu við beiðnum sín-
um um fóstureyðingu og sem sagt er frá annars staðar hér í
blaðinu.
Það á ekki að vera réttur örfárra sérfræðinga að ákvarða
konum líf og örlög. Sá réttur er best kominn hjá konum sjálf-
um sem verða annað hvort að bera burðinn og ala önn fyrir
honum eða ganga í gegnum það hugarstríð sem því fylgir að
láta eyða honum. Þeim einum er treystandi til að fara með
þennan rétt af alvöru og þekkingu á aðstæðum.
Vilji menn hins vegar fækka fóstureyðingum af félagsleg-
um ástæðum er nærtækast að bæta lífskjör kvenna og barna.
Við verðum fyrst og fremst að berjast fyrir rétti þeirra til betra
lífs. Betra líf og barnbetra samfélag er lífsvon okkar allra.
— isg.
4/1985 — 4. árg.
Útgefendur:
Kvennaframboöiö í Reykjavík
og Samtök um Kvennalista.
Simar22188, 21500, 13725
í VERU núna:
3 Þær föngulegu kveða sér
hljóðs
4—6 Konur eru kjölfestan. . .
Viötal viö Grænlenskar konur
7 Skrafskjóðan
Sonja B. Jónsdóttir skrafar
8—9 Um vorið. . .
. . . og safnhauga
10—11 Konur og ,,bisness“
12—14 Astrid Lindgren
Viðtal
15—19 Lífsvon
Um fóstureyðingar
20—21 Ljóð
22—24 Samtaliö endalausa
Nanna Ólafsdóttir segir frá
25—28 Þingmál
29—32 Borgarmál
33 Leiklist
34 Myndlist
35—36 Um bækur
Mynd á forsíðu:
Ásdís Sigurþórsdóttir
Ásdís stundaöi nám við Myndlista- og
handíöaskóla islands veturna
1974—1976 og 1978—1980, brautskráð-
ist úr grafikdeild skólans. Hefur unnið
viö sáldþrykk á eigin verkstæði síðan
vorið 1981.
Hélt fyrstu einkasýningu I Gallerí
Langbrók, Reykjavik 1982 og Galleri
Borg 1985.
Ritnefnd:
Gyða Gunnarsdóttir
Guðrún Ólafsdóttir
Helga Thorberg
Ingibjörg Sólrún Gísladóttir
Kristín Blöndal
Guðrún Kristmundsdóttir
Maqdalena Schram
Útlit:
Gyöa, Stína, Helga, Kicki
Starfsmaður Veru:
Kicki Borhammar
Auglysingar og dreifing:
Hólmfríður Árnadóttir
Ábyrgð:
Ingibjörg Sólrún Gísladóttir
Setning og filmuvinna:
Prentþjónustan hf.
Prentun:
Sólnaþrent
ATH. Greinar I VERU eru
birtar á ábyrgð höfunda
sinna og eru ekki endi-
lega stefna útgefenda.