Vera - 01.06.1997, Side 40

VINNUSKÓLIN
í starfi&cleik
A fjórða jpúsund
ungir Reykvík-
ingar eru að
befja störf hjá
Vinnuskóla
Reykjavíkur um
þessar mundir.
Stefna skólans er
að blanda saman
vinnu, frceðslu og
tómstundastarfi
og hefur starfið
verið endurskipu-
lagt eftir að
Reykjavíkurlist-
inn tók við stjórn
borgarinnar.
Guðrún Erla
Geirsdóttir er
stjórnarformaður
Vinnuskólans og
segir hér frá hinu
lifandi starfi sem
þar fer fram.
Þegar Reykjavíkurlistinn tók við sumarið
1994 barst mikið af kvörtunum frá for-
eldrum vegna Vinnuskólans og voru þau
ekki nógu ánægð með starfið sem þar fór
fram,“ segir Gerla þegar hún lýsir aðdrag-
anda að þeim breytingum sem gerðar hafa verið á
Vinnuskólanum. „Borgarstjóri ákvað að taka þetta
föstum tökum og bað mig að fara ofan í saumana á
starfseminni en ég þekki nokkuð vel til mála þar sem
ég hef verið leiðbeinandi í Vinnuskólanum hátt í 15
sumur, frá árinu 1973.“
Gerla lagði til að skipuð yrði pólitísk stjórn yfir
Vinnuskólann og að settar yrðu nýjar og ítarlegri
reglur, í samræmi við kröfur sem gerðar eru almennt
í skólastarfi. Hún var síðan skipuð stjórnarformaður
en áður var stjórn skólans mestmegnis í höndum
embættismanna. „í dag er litið á svona stofnanir sem
þjónustustofnanir enda gerir fólk meiri kröfur til
skólastarfs nú en þegar Vinnuskólinn var stofnaður
árið 1951. Foreldrar láta í sér heyra ef þeir eru ekki
ánægðir og við viljum koma til móts við þessar
auknu kröfur. Hluti af skipulagsbreytingunni var t.d.
að ráða níu yfirleiðbeinendur, einn fyrir hvert hverfi
borgarinnar og staðina utan þéttbýlis, í stað aðstoð-
arskólastjóra sem áður var. Hver yfirleiðbeinandi er
með um 12 hópa í sinni umsjón sem hafa eigin leið-
beinanda. Lágmarksaldur leiðbeinenda er 22 ár og
krafist er uppeldis- og kennslumenntunar eða sam-
bærilegrar reynslu,“ segir Gerla.
Fræösla, vímuefnavarnir,
tómstundastarf
Vinnan skiptist þannig að yngsti árgangurinn, sem
hefur lokið 8. bekk, vinnur við skóla eða íþrótta-
svæði borgarinnar og er vinnudagur þeirra 3.5
klukkustundir. Næsti árgangur, þau úr 9. bekk, er í
þrjár vikur við störf í görðum eldri borgara og í þrjár
vikur við skógræktarstörf og lagningu gangstíga í
Heiðmörk. Elsti árgangurinn, sem hefur lokið 10.
bekk, vinnur störf sem líkjast venjulegri bæjarvinnu
eða er við landgræðslu og gróðursetningu á Austur-
heiðum, svæðinu við Nesjavelli. Eldri hóparnir tveir
vinna sjö klukkustundir á dag.
„Með þessu móti er tryggt að öll börn fái fjöl-
breytta vinnu, séu t.d. ekki á sama stað ár eftir ár,“
segir Gerla. „Hver hópur fær a.m.k. fjóra fræðslu-
daga yfir sumarið og er mætingarskylda þá daga
jafnt sem aðra. Þar gefst gott tækifæri til að hrista
hópana saman en þau veljast ekki endilega saman úr
bekkjum eða hverfum þannig að börnin geta kynnst
nýjum félögum. 14 og 15 ára hóparnir fá fræðslu
sem nefnist „Reykjavík - borgin mín“ þar sem þau
fara í heimsóknir og fá fyrirlestra frá starfsfólki um
kalda vatnið í borginni, rafmagnið, Sorpu og þvotta-
laugarnar í Laugardal. Þau fá líka fræðslu um bygg-
ingarsögu Reykjavíkur, þar sem þau skoða hús frá
torfbæjum til 1920 í Árbæjarsafni og fara síðan í
gönguferð um miðbæinn þar sem hægt er að lesa
byggingarsöguna frá Stjórnarráðinu til Ráðhússins.
Þau læra einnig að þekkja listaverkin í borginni, m.a.
með heimsókn í Ásmundarsafn. í ár ætlum við líka
að vera með einn dag undir þemanu „Gegn fordóm-
um“ þar sem íslendingar af erlendu bergi brotnu
munu m.a. veita þeim innsýn í sína menningu.
Á fræðsludagskránni eru einnig vímuefnavarnir og
í sumar ræður borgin 30 manns í jafningjafræðslu
við Vinnuskólann. Hver unglingur fær slíka fræðslu
í einn dag og hefur m.a. verið farið í Selið í Hvera-
gerði þar sem næði gefst til einlægrar umræðu um
vímuefni. „Við leggjum áherslu á að kenna ungling-
unum að hægt sé að skemmta sér án vímuefna og
höfum auk þess stóraukið fræðslu leiðbeinenda, m.a.
um það efni. Fræðsla leiðbeinenda stendur í viku, en
var áður aðeins í einn dag. Þar er m.a. tekið á einelti,
klíkumyndun og fleiri félagslegum vandamálum, auk
fræðslu um vímuefnavarnir, vinnuvernd, hjálp í við-
lögum, samskipti lögrelgu og borgaranna og auðvit-
að verkleg vinnubrögð."
Að loknum vinnudegi geta nemendur Vinnuskól-
ans stundað tómstundastörf í borginni án greiðslu
eða fyrir lágmarksgjald. Stendur þeim til boða að
fara í veggjatennis, badminton, keilu, golf, skilming-
ar, seglbretti, siglingaklúbb, fjallahjólaferðir, jóga,
hugleiðslu, spilakvöld og líkamsrækt. Þetta er að
sjálfsögðu hugsað sem kynning og segir Gerla að von
þeirra sé að eitthvað af þessu veki áhuga unglinganna
til áframhaldandi þátttöku.
40 v ra