Ljósmæðrablaðið - 01.07.1988, Blaðsíða 35

LJÓSMÆÐRABLAÐIÐ
35
Búnaður og aðferðir.
Sexhyrnd kerlaug, um 1 m á kant, var fyllt með 37 gráðu heitu vatni
upp í um 40 cm hæð. Engar efnablöndur voru settar í vatnið.
160 konur tóku þátt í könnuninni, 88 sem lágu í kerlauginni meðan
útvíkkun legháls átti sér stað (baðhópurinn) og 72 sem ekki lögðust
í kerlaugina (samanburðarhópurinn).
Allar konurnar fengu sjálfkrafa hríðir eftir 38-42 vikna vand-
kvæðalausa meðgöngu. Fóstur voru í höfuðstöðu og áætlaður þungi
fósturs var 2500-4000 g. Skráning athugana hófst þegar hríðir voru
greinilegar komnar í gang og leghálsop var orðið 5 cm. Engin merki
sáust um húðsmit. Konurnar í baðhópnum fóru undir sturtu áður en
þær gengu í kerlaugina. Böðun var ekki sniðgengin þótt fósturvatn
væri farið.
í baðhópnum voru þær konur sem æsktu þess að fara í kerlaug fyrir
fæðinguna, en í samanburðarhópnum voru þær konur sem enga
löngun höfuð til böðunar. Fullt samræmi reyndist milli hópanna svo
sem hvað varðar aldursdreyfmgu mæðranna, grindarbyggingu, tíðni
fósturvatnsláts og útvíkkun leghálsins.
Leggöng voru könnuð fyrir böðun, klukkustund síðar (konurnar
voru látnar koma upp úr kerlauginni á meðan) og tveim klukku-
stundum síðar. Stærð legopsins og höfuðstaða fósturs var mæld og
skráð. Hlustað var eftir hjartslætti fóstursins með hlustarpípu úr tré á
15 mínútna fresti. Engin kona var lengur í kerlauginni en tvo klukku-
tíma.
Konurnar voru látnar meta sársaukatilfmningu sína rétt fyrir böðun,
eftir hálfs tíma dvöl í kerlauginni og hálf tíma eftir að þær voru
komnar upp úr með því að merkja við á 100 mm langan skala þar sem
annar endinn var látirin tákna engan sársauka en hinn óbærilegan
sársauka. Sýklamagn í baðvatninu var mælt bæði fyrir og eftir böðun.
Ef konurnar kvörtuðu um óþægindi í kerlauginni, voru þær þegar
látnar stíga upp úr henni. Að böðuninni frátalinni voru allar konurnar
meðhöndlaðar eftir hefðbundnum vinnureglum deildarinnar.
Athuganir og mældar stærðir voru meðhöndlaðar á hefðbundinn
tölfræðilegan hátt.
Niðurstöður
Meðalvíkkun legháls við böðun var 2,5 cm á klst. en 1,5 cm á klst.