Ljósmæðrablaðið - 01.10.1988, Síða 11

LJÓSMÆÐRABLAÐIÐ
51
Sigríður Jónsdóttir, hjúkrunarfræðingur
B.S. / Ijósmóðir:
Mæðravernd á
íslandi
Erindi þetta var flutt á ráðstejhu sem haldin var þann
10. maí síðastliðinn í tilefni af alþjóðadegi hjúkrunar-
fræðinga. Að þessu sinni var dagurinn helgaður öryggi á
meðgöngu og var markmiðið að vekja athygli á þeim
mikla mœðradauða sem er í hinum vanþróaða heimi.
Góðir áheyrendur.
Eg var beðin að tala hér um mæðravernd á Islandi og ætla ég að
reyna að gera henni einhver skil.
Ég tel að við getum verið ánægð með fyrirkomulag og árangur
mæðraverndar hér á landi. Með áframhaldandi þróun og aukinni
þekkingu er þó alltaf hægt að gera betur. Ef við berum okkar mæðra-
vernd hins vegar saman við það sem þekkist í þróunarlöndunum get-
um við verið mjög ánægð.
Ég ætla að byrja á því að tala um þróun eða sögu mæðraverndar hér
á landi. Ræða síðan stuttlega hvernig mæðravernd er háttað í dag.
Hvernig skipulögð fræðslustarfsemi fer fram. Ræða síðan markmið
mæðraverndar: hvað hefur áunnist hér á þessum sextíu árum; ástand-
ið í dag og hugleiðingar um orðið mæðravernd.
Saga mæðraverndar.
Saga skipulegrar mæðraverndar hér á íslandi er í raun mjög stutt,
ekki nema 60 ár.
Áður var ekki um neitt eiginlegt mæðraeftirlit að ræða. Barnshaf-
andi kona lét ljósmóðurina vita hvenær hún vænti sín og mun ljós-
móðirin oftast hafa skoðað konuna einu sinni skömmu fyrir fæðing-
una.