Ljósmæðrablaðið - 01.10.1988, Qupperneq 44

84
LJÓSMÆÐRABLAÐIÐ
meðan á fæðingu stendur. Fylgjast þarf vel með þvagútskilnaði kon-
unnar. Ljósmóðir þarf að minna hana á að kasta þvagi í hvert skipti
sem gefinn er viðhaldsskammtur. Geti konan ekki losnað við þvag,
skal leggja þvaglegg. Notaður er Foley þvagleggur með 10 ml af
sæfðu vatni í þvagleggsblöðrunni. Eftir fæðingu þarf hann að liggja
inni í 8 til 12 klukkustundir frá fæðingu. Þetta er gert til að forðast
yfirfyllingu á blöðru, en slíkt getur skaðað blöðrustarfsemi til
frambúðar.
Læknir eða ljósmóðir skulu spyrja konuna hvort hún vilji hafa fulla
deyfmgu á öðru stigi fæðingar, eða láta hana þverra til þess að remb-
ingsþörf verði til staðar. Segja þarf konunni að hvenær sem er megi
bæta á deyfinguna.
Ef framgangur fósturs á öðru stigi fæðingar er hægur, má gefa
syntocinon dreypi til að örva sótt, en þó aðeins eftir að sérfræðingur
hefur gengið úr skugga um að ekki sé misræmi milli fyrirsæts fóst-
urhluta og grindar. Sömuleiðis skal séfræðingur taka ákvörðun um
gjöf hríðarörvandi lyfs ef grunur er um súrefnisskort hjá fóstri á öðru
stigi fæðingar.
I eðlilegri fæðingu, þar sem epidural-deyfmg er notuð skulu að
jafnaði ekki líða meira en 2 klukkustundir frá því að full leghálsút-
víkkun er greind og til fæðingar barns. Eftir eina klukkustund frá
fullri útvíkkun á að skoða konuna vaginalt og skrá í mæðraskrá eða
á hjúkrunarskýrslu athugasemdir um framgang fæðingar, niðurstöðu
skoðunar og ástand móður og barns. Ákvörðun um lengingu 2. stigs
fæðingar fram yfir eina klukkustund skal einnig skráð.
Ófullnœgjandi deyfing:
Við ófullnægjandi verkun deyfingar skal haft samband við svæf-
ingalækni.
Aukaverkanir af deyfingu:
Ef grunur er um aukaverkanir, sem rekja má til deyfingarinnar eða
mænuvökvaleka (höfuðverkur, óútskýrður hiti, bakverkur, skyn- eða
hreyfibreytingar), skal hafa samband við svæfingalækni, en hann rit-
ar þá upplýsingar um skoðun og meðferð í sjúkraskrá konunnar.
(Heimild nr. 21).