Einherji - 22.12.1985, Síða 1

Blað Framsóknarmanna í Norðurlandskjördæmi vestra
1. tölublað
! Sunnudagur 22. desember 1985
54. árgangur
Á undanförnum árum hefur það verið
venja að birta í jólablaði Einherja, jólahug-
leiðingu, sem flutt hefur verið á árlegu að-
ventukvöldi í Siglufjarðarkirkju.
Á aðventukvöldi 8. des. s.l., flutti dr.
Sigurbjörn Einarsson biskup aðalræðu
kvöldsins.
Eins og allir landsmenn þekkja, flytur
biskupinn yfirleitt ræður sínar án þess að
hafa samið þær fyrirfram, og því getur ekki
orðið af því að birta hugvekju þá, er hann
flutti á aðventukvöldinu, þar sem hún er
ekki til í skrifuðu handriti.
í stað þess hefur blaðið fengið góðfús-
lega heimild hans til þess að birta aðra
ræðu, sem hann flutti á aðventu, og til er í
skrifuðu handriti.
Konungur þinn
Konungur þinn kemur.
Það myndi vera mikil stund í lífi þínu, sem
flytti þér slík skilaboð, efþau væru þér sönn.
Efþú ættir konung yfir þér, einhvern, sem
hefði öll hin æðstu völd ílandi þínu og gæti
óskorað boðið og bannað, þægt eða
synjað, dæmt eða sýknað, umbunað eða
refsað, lyft þér eða lægt þig, einhvern, sem
hefði hina æðstu tign og hver landsins þegn
hlyti að nálgast í ógnblandinni lotningu, og
ef þér væri svo kunngjört, að þessi kon-
ungur væri að koma til þín, þá væru það
mikil skilaboð.
Það þarf ekki mikið ímyndunara fl til þess
að gera sér í hugarlund, hvernig þér myndi
vera innanbrjósts. Konungur minn! Hvað
ætlar hann sér, hvert er erindi hans, hvað
vill hann mér? Hvernig er ég undir það bú-
inn að taka á móti honum, hvað veit hann
um mig, hvernig hef ég þjónað honum,
hvernig hef ég gegnt því, sem hann hefur
trúað mér til, treystir hann mér eða van-
treystir, er ég í náð hjá honum eða ónáð,
kann ég að veita honum viðtöku svo sem
mérber?
Þannig myndu spurningarnar þyrpast að
þér, þú myndir í huganum telja stundirnar,
sem þú enn hefðir til undirbúnings, þú
myndir með sjálfum þér fara yfir allt þitt líf,
einkamál og opinbera framkomu, og við
hvert atriði myndi sama spurningin brenna
þér í hjarta: Hvernig lítur konungurinn á
þetta, hvað hugsarhann um mig, hvað segir
hann, hvað vill hann? Það gæti hugsast að
þú vildir flýja.
En nú er að ekki svo, að þú eigir neinn
konung, land þitt er ekki lengur konung-
dæmi og það eru eiginlega ekki til neinir
konungar lengur, sem hafi nein völd að
heiti. þessi hugsaði möguleiki konunglegr-
ar heimsóknar með öllu þvíumróti, sem hún
hlyti að valda huga þínum, er ekki annað en
fjarstæða, sem ekki er vert að þú sért að
eyða þínu skáldlega ímyndunarafli á.
En bíddu ögn við. Það er ekki þar með
sagt, að 'þú ha fir ekki not fyrir ímyndunara fl
3ólahugleiðltÍQ>
þitt hér í dag, það er ekki þar með sagt, að
þú getir hvílt huga þinn þessa stund í væru
móki á þeim notalega kirkjubekk, sem þú
situr á, en það er svo að sjá og skilja á
mönnum stundum, að kirkja sé sá staður,
þar sem menn geti veitt huga sínum hvíld
vegna þess að þar sé talað og sungið og
hugsað um hluti, sem að sönnu kunni að
vera notalegtð láta ímyndunaraflið reika
um, en ástæðulaust að taka nema miðlungi
alvarlega.
Er það víst, að þú eigir engan konung?
Hvar er valdið yfir lífi þínu, hið endanlega
vald? Hverju ræður þú, þegar allt er at-
hugað?
Þú ert þegn í konunglausu mannfélagi.
Hvernig stendur á því? Ekki var það alþingi
eða ríkisstjórn, sem kaus þér ættland. Það
var eitthvert annað vald, sem réði því, hvar
þú fæddist. Var það valdið, sem kallast
hending? Vera má, en sé svo, þá hefur það
vald ráðið næsta miklu um örlög þín.
Já, og svo vaknar spurningin, hver eða
hvað réði því, að þú fæddist yfirleiti? Var
það e.t.v. valdið, sem heitir hending? Það
skiptir ekki svo miklu máli í þessu sam-
bandi, hvað það heitir, svo mikið er víst, að
þú varðst að lúta því valdi, varst ekki um
spurður, fékkst engu um það að ráða, hvort
þú yrðir til eða ekki til.
Nú, hér mætti staðar nema. En það má
miklu við bæta. Og um það ertu einfær og
'oarft ekki að nota ímyndunaraflið, þú getur
átið staðreyndir lífs þíns tala, eins og þær
liggja fyrir. Hverju hefur þú eiginlega ráðið
sjálfur af því, sem mestu sætir í lífi þínu?
Hvaða vald hefuf þú yfir högum þínum, yfir
heilsu þinni eða þinna, yfir skilyrðum lífsaf-
komu þinnar? Hver lætur jörðina snúast og
sólina lýsa? Náttúran og lögmál hennar?
Hvað um það - þú ræður þessu ekki og
enginn maður. Og þú verður ekki spurður,
hvort þú sért tilbúinn til að deyja, þegar þar
að kemur, þú ræðurþvíekki, hvortþú lifirþá
áfram eða slokknar að fullu. Það er eitthvert
vald yfir þér, sem þú lýtur skilyrðislaust. Víst
ertu frjáls um ákvaðranir daglegs lífs,
mörgu hefur þú stýrt af yfirvegun og skyn-
samlegu viti, og stundum réði athugaleysi
þitt miklum afdrifum. Þetta er satt. En utan
um þetta svið, þar sem frjálsar ákvarðanir
þínar koma til greina, er sterk umgjörð og
öflugar skorður, sem þú veldur engu um,
undir þessum fleti eru ókannandi djúp
þeirra afla, sem þyrla vetrarbrautum um
endalausa geima og öreindum milljónum
saman í hverri duftvölu, og þeir kraftar lúta
römmum ákvæðum, allsendis óskiljanlega
öruggu viti.
Handan þeirrar umgjörðar, sem lykur um
tilveru þína, eru lögmál lífs og dauða, óræð
en óvefengjanleg. Þú lýtur valdi, sem er
ægilega hrikalegt. í samanburði við það
vald er allt konungsvald, sem svo hefur.
verið nefnt, hégóminn einber og allsleysið,
Framhald á 8. síðu
Dr. Sigurbjörn
Einarsson, bisknp
Guðsþjónustur í
Sigluf j arð arkirkj u
um jólahátíðina.
24. desember— Aðfangadagur jóla:
Aftansöngur kl. 18.00.
25. desember— Jóladagur:
Hátíðarguðsþjónusta kl. 14. Skírt verður í
messunni.
26. desember— Annar Jóladagur:
Guðsþjónusta kl. 10.15 á Sjúkrahúsinu.
31. desember— Gamlaársdagur:
Aftansöngur kl. 18.00.
1. janúar1986:
Hátíðarguðsþjónusta kl. 14.00.
Organistar og kórstjórnendur:
Anthony Raley og Páll Helgason.
Sóknarprestur og sóknarnefnd vilja þakka öll-
um Siglfirðingum góðan stuðning við kirkju og
kirkjustarf á því ári sem er að líða.
Guð gefi Siglfirðingum gleðileg jól og farsælt
komandi ár.
I guðs friði,
Vigfús Þór Árnason
sóknarprestur.