Einherji - 22.12.1985, Side 8

8
EINHERJI
Sunnudagur22. desember 1985
Jólahugleiðing
Framhald af 7. síðu
öll konungleg tign og vegsemd og máttur
hismi tómt og froða og ímyndun.
Hvert er þetta vald? Hver er sá máttur,
sem stýrirþví öllu, sem mennirnir ráða engu
um og ekkert við? Hvert er það vald, sem
lætur hnettina sindra í milljarðatali, hvert er
það hugvit, sem lætur engin tvö laufblöð
vera eins? Hvert er það vald, sem kallaði þig
af móðurskauti og se'gir við þig að lyktum:
Hingað og ekki lengra? Varðar þig um það?
Skiptir það máli? Kemur það þér við?
Mér finnst, að í rauninni skipti hreint
ekkert neinu verulegu máli nema þetta eina.
Og nú skyldi það vera svo, að þú fengir í
raun og veru þessi skilaboð: Hann kemur,
valdhafinn ægilegi, konungur alheimsins!
Þú færð þau í dag. Hvað heitir dagurinn?
Fyrsti sunnudagur í aðventu. Og aðventa
þýðir konungskoma. Koma konungs er
yfirskrift dagsins og næstu vikna fram til
jóla. Konungskoma er boðskapur kristinnar
kirkju árið um kring, vitund hennar, reynsla
hennar og eftirvænting.
Koma hans hafði verið boðuð áður en
kristin kirkja varð til. Lítil þjóð var útvalin til
þess að sjá til hans löngu fyrirfram og hún
eygði bjarmann af komu hans framundan
sér á löngum og erfiðum vegi. Spámenn
hennar höfðu sagt: Fagna þú, hlakkaðu til,
því að konungur þinn kemur, sjálfur Drott-
inn alheimsins birtist með ótvíræðum hætti
og stofnar ríki sitt á jörð.
Og nú segir guðspjallið í dag frá þeirri
stund, þegar hópur af fólki sá þetta rætast.
Jesú frá Nazaret er að koma til Zionar, og
hann stillir svo til, að þeir, sem með honum
eru eða mæta honum, sjá, að nú er stundin
komin. Og þeir fagna og hrópa: Hósanna,
Drottinn hjálpar, Drottinn frelsar, líkn og
náð og blessun býr í hæstum hæðum, í há-
sætinu sjálfu, sem tilverunni erstjórnað frá.
Blessaður sé sá, sem kemur.
Það er svo undursamlega sælt að sjá al-
veldismátt himins og jarðar birtast íþessum
manni, sem var vinur smælingjans, syndar-
ans, hafði líknað hverjum vesaling, hafði
faðmað börnin og sýknað hinn seka, sem
kom nú í hógværð, ríðandi á asna, af því
hann vildi tákna það, að hann er sá kon-
ungur, sem fer með friði og semur frið og
gefur frið.
Hinn glaði hópur hélt inn íborgina. En þar
var innan stundar hrópað annað: Burt með
þennan, vér höfum engan konung, viljum
engan konung nema keisarann, — hinn
hataða böðul íRómaborg, — gef oss heldur
Barrabas, hinn dæmda óbótamann. Og
þetta hróp tók yfir.
Það fórsvo, að manneskjan lagði á flótta,
þegar konungur hennar kom, og meira en
það: Hún tók hann af lífi. Og sagan hélt
áfram, saga þess mannkyns, sem stendur
ómálga frammi fyrir undri tilveru sinnar, en
neitar að hlusta, þegar lausnin er tjáð, neit-
ar að sjá, þegar undrið opinberast, þess
mannkyns, sem segir við konung sinn,
þegar hann kemur: Vér viljum ekki, að þessi
ráði yfir oss, þess mannkyns, sem gengst
heldur undir vald hvers konar ofstopa en að
lúta hógværð hans, lætur sífellt Ijúga þvíað
sér, að vitið og skynsemin stýri gjörðum
þess, þegar það kýs Barrabas sem fulltrúa
sinn og hafnar sínum sanna konungi.
Mennirnir flúðu konung sinn, flúðu í skjól
keisarans, böðulsins, óbótamannsins, því
að þar áttu þeir samstöðu, þessir menn
voru af þeirra heimi, Kristur ekki, hann var
ekki af þessum heimi.
Ekki lögðu þeir á flotta vegna þess, að
hann kæmi í konungsvaldi stríðu og léti
kenna á valdi sínu. Hann hafði afklæðst
dýrð sinni, tekið vora tötra á sig. Einar
Benediktsson gerir tilraun til þess að tjá
mannlegt hugboð um tign hins almáttka
valds: Vetrarbrautin er belti um hans miðju,
hjartað er algeimsins sólnasól, hans þanki
er elding en þruma hans orð, allt þiggur svip
og afl við hans borð, stormanna spor eru
stillt í hans óði, stjarnanna hvel eru korn í
hans blóði.
Hann kom ekki þannig. Hann kom sem
bróðir.
Það var ekki ógn valdsins, ekki máttur
geimfara og gervitungla, sem mennirnir
flúðu, heldur afl hreinleikans, réttlætisins,
hins alskyggna heilagleiks. Vér afneitum
honum ekki af því vér óttumst hann, heldur
af því vér erum hrædd við sjálfa oss. Og
þetta er sagan frá fyrstu tíð, frá Adam til mín
og þín — maðurinn á flótta fyrir Guði sínum,
í felum fyrir honum. Hann felur sig á bak við
hvað sem er til þess að þurfa ekki að mæta
augum konungs síns. Og getur þó auðvitað
aldrei umflúið þau. Þetta ersagan, afhjúpuð
til grunna á Golgata, saga mín og þín.
En það gerist önnur saga jafnhliða. Jesús
Kristur hélt sína leið, píslarbraut hins for-
smáða konungs, hins svikna bróður, hins
afhrópaða Drottins, afþvíað engin forsmán
og engin svik og engin afhrópun skyldi geta
gert mannkyn viðskila við hann. Og krýndur
kórónu upprisunnar af almáttugum föður
sínum sagði hann af hiklausum, himnesk-
um myndugleik: Mér er gefið allt vald á
himni og jörðu, farið því og gjörið allar
þjóðirnar að lærisveinum, og ég er með
yður alla daga allt til enda veraldarinnar.
Og þetta er leyndarmálið í lífi kristinnar
kirkju. Hún er samfélag manna, sem eru
syndarar eins og aðrir, flóttamenn fyrir hin-
um heilaga og sanna eins og aðrir, en þeir
hafa numið staðar á flóttanum, þeir hafa
gefizt upp fyrir hinum hógværa, sterka,
góða vilja, þegið náðun hins krossfesta,
þegið hans helgu bróðurhönd.
Og þetta er hið eina mannlega frjálsræði,
sem máli skiptir.
Hið almáttuga vald vill eignast þig og
getur ekki eignast þig nema þú gefist hon-
um frjáls, hann vill laða þig undir vald kær-
leika síns, því að kærleikurinn er ríki hans,
en þú verður aldrei með valdi neyddur til
þessað elska.
Konungurinn kom, konungur þinn, og
hann kemur. Hverju sinni, sem hringt er til
helgra tíða, er verið að kunngjöra aðventu,
konungskomu. Hann kemur í orði sínu,
stendur við dyr hvers hjarta og knýr á, hann
kemur í sakramentum sínum, þegar þú
þáðir heilaga skírn, kom hann á móti þér,
tók þig sér í faðm, signdi þig sigurmerki og
blessaði þig, þegar altarisborð hans erbúið
kemur hann og segir: Mitt líf sé þitt.
Hann er með oss íhógværð og lægingu, í
hjúpi þess vitnisburðar sem boðar hann og
felur hann jafnt í orði sem sakramentum,
með oss íþví hulda lífi, sem hann vekur hið
innra með lærisveinum sínum.
En í gegnum allt þetta sér kirkjan enn
annað, aðventuna, konungskomuna miklu
og efstu, þegar hann kemur öllum opinber,
gjörvöllum heimi augljós konungur, sem
hvert kné verður að beygja sig fyrir og hver
sál að gera upp við. Kirkjan heyrir fótatak
hans í atburðum sögunnar, sér dagsbrún
hans, morgunbjarma eilífs ríkis hans yfir
sér, og hún lifir íþeirri blessuðu birtu og ber
hana út frá sér.
Vér komum til guðsþjónustu til þess að
sjá roðann af sigurdegi hans, opna augun
fyrir geislum morgunsins, sem leiftra frá
konungi dýrðarinnar, opna sál og hjarta
fyrir Ijósi hans eilífa árdegis, til þess að
sigrastafþvíog verða Ijóssins börn, bræður
og systur hins blessaða konungs um tíma
og eilífð.
þú komst til þess í kirkju í dag, var ekki
I svo, verður ekki svo? Það gefi góður Guð.
F rétt frá
Kvenfélagi
Sjúkrahúss
Siglufjarðar
Aðalfunur K.S.S. var hald-
inn 26. nóv. s.l. Starfsemi
félagsins var með svipuðum
hætti og fyrri ár.
Félagið hafði opna heilla-
skeytasölu í Grunnskólanum
við Norðurgötu í sambandi við
ferminguna 31. mars. Basar
með happdrætti var haldinn 3.
nóv. Áður höfðu verið send
dreifibréf í öll hús í bænum og
óskað eftir stuðningi. Var þátt-
taka bæjarbúa mjög góð.
Einnig voru haldin tvö Bingó.
Hefur fjáröflun félagsins á ár-
inu gengið ágætlega.
Á aðalfundi K.S.S. var sam-
þykkt að gefa Sjúkrahúsi
Siglufjarðar magaspeglunar-
tæki, og kr. 400.000 í byggingu
Dvalarheimilis aldraðra.
Félagið vill minna á heilla-
skeytasölu K.S.S. Skeytin eru til
sölu í Aðalbúðinn, Bókaverslun
Hannesar Jónassonar og hjá
eftirtöldum félagskonum:
Önnu Snorradóttur, Hávegi 62,
sími 71446, Björk Hallgríms
son, Lindargötu 26, sími 71463
Brynju Stefánsdóttur, Hólaveg.
39, sími 71178, Elínu Páls-
dóttur, Hvanneyri, sími 71263
og Ólöfu Baldvinsdóttur,
Norðurgötu 4, sími 71131.
Stjórn félagsins var endur-
kosin. Hana skipa: Magðalena
S. Hallsdóttir, formaður, Freyja
Ámadóttir, ritari, Ólöf Bald-
vinsdóttir, gjaldkeri, Flóra
Baldvinsdóttir, meðstjórnandi,
Ása Guðjónsdóttir, varafor-
maður, Margrét B. Blöndal,
vararitari og Friðfinna Símon-
ardóttir, varagjaldkeri.
Kvenfélag Sjúkrahúss Siglu-
fjarðar þakkar íbúum bæjarins
og öllum öðrum velunnurum
félagsins veittan stuðning fyrr
og nú, um leið og það óskar
þeim gleðilegra jóla og far-
sældar á nýju ári. , .
Stjornin.
Gleðileg
jól!
Farsælt komandi ár.
Þökkum viðskiptin á
liðna árinu.
T résmíðaverkstæði
Sigurðar
Konráðssonar
Leikskólinn
Leikskóli Siglufjarðar óskar eftir að ráða eftirtalda
starfsmenn: Hálfa stöðu og heila stöðu, hvorttveggja frá
1. janúar n. k.
Umsóknarfrestur er til 27. desember n.k.
Umsóknum skal skilað til undirritaðs, sem veitir
nánari upplýsingar, ásamt forstöðukonu Leikskólans.
Siglufirði, 10. des. 1985.
BÆJARRITARI
Tímaritið SifEITARSTJÓRNARMÁL
er ómissandi öllum þeim, sem fyigjast vilja með SVEITAR-
þjóðfélagsmálum. Áskriftarsíminn er 83711 STJÓRNARMÁL
Háale.tisbraut 11