Dagblaðið Vísir - DV - 06.02.2004, Blaðsíða 14

14 FÖSTUDAGUR 6. FEBRÚAR 2004
Fréttir DV
Erfðum verði
breytt
Danskar þingkonur vilja
að lögum landsins verði
breytt í þá veru að kon-
ungsrtkið erfist til elsta
barns en ekki til elsta sonar
eins og nú tíðkast. Þingkon-
urnar segja mikilvægt að
breyta lögunum sem fyrst
enda liggur íyrir að krón-
prinsinn Friðrik gengur
senn að eiga hina áströlsku
Mary Donaldson. „Eignist
þau dóttur og síðan son þá
er ósanngjarnt að hugsan-
lega verði gengið framhjá
henni," sagði ein þingkon-
an. Lögum þessa efnis hef-
ur verið breytt í Noregi og
Svíþjóð en þar ganga erfð-
irnar einfaldlega til frum-
burðarins hverju sinni.
Hrollur í
Pakistönum
Kuldabylgja heldur
áfram að gera fólki lífið leitt
í Pakistan en hitastig víða
um landið hefur verið
undir frostmarki að undan-
förnu. Kemur það sér illa
fyrir marga fátæka íbúa
sem ekki hafa í nein hús að
venda en fjöldi fólks býr við
hræðilegar aðstæður í kof-
um og tjöldum víða. Matur
og vatn er einnig af skorn-
um skammti.
Óttast
fólksflótta til
Bretlands
Bresk blöð leiða að því
getum að þúsundir íbúa í
fyrrverandi kommúnista-
löndum muni nota tækifær-
ið þegar níu ríki Austur-Evr-
ópu verða inn-
limuð í Evrópu-
sambandið og
flytja búferlum
til þeirra landa
þar sem lífskjör
eru betri.
Mannréttinda-
samtök og ýms-
ar stofanir telja hræðslu við
slíkt orðum aukna og segja
ekkert benda til að slíkt
muni eiga sér stað.
Viðbúnaðar-
ástandi
vegna snjó-
flóðahættu
á Seyðisfirði
hefur verið
aflétt. Seyð-
firðingar eru
vanir slíku
ástandi,
enda kemur það upp nokkrum
sinnum á hverjum vetri, að
sögn Lárusar Bjarnasonar
Landsíminn
sýslumanns á staðnum.
„Það er enginn hrollur í okkur
á Seyðisfirði. Þetta var ekki
mikill snjór, aðallega þungur
og þess vegna hætta á spýjum
úr giljum. Hér norðanmegin
var veginum sjálflokað vegna
ófærðar. Þetta hefur verið
svona nánast hvern einasta
vetur og við kippum okkur
ekki svo mikið upp við þetta.
Viðbúnaður vegna snjóflóða
er hluti aftilverunni hér, og því
glotta Seyðfirðingar stundum
í kampinn yfir miklum frétta-
flutningi af viðbúnaðará-
standi á svæðinu. En það
skyldi þó enginn vanmeta
hættuna, og því eru gerðar
þessar varúðarráðstafanir."
Lárus Bjarnason
Síbrotamaðurinn Lalli Johns stal seðlaveski úr iþróttatösku í World Class við
Austurstræti. Hann eyddi þrjú þúsund krónum í seðlum og skilaði veskinu í póst-
kassa, með þeim skilaboðum að stúlkan sem átti veskið ætti ekki að geyma pin-
númer með greiðslukorti.
fST4UR
Lalli Johns Eigandi eins
helsta aðseturs Lalla
Johns, Kaffi Austurstrætis,
vill að Lalli verði dæmdur i
meðferð við stelsýki.
Lalli Johns, öðru nafni Lárus Björn Svavarsson,
stal 3000 krónum og skiptimynt í líkamsræktar-
stöðinni World Class í Austurstræti í fýrrakvöld.
Enginn tók eftir því þegar Lalli læddist inn í World
Class og seildist í íþróttatösku kvenkyns starfs-
manns á stöðinni og tók veskið hennar.
„Ég var búin að vera að þrífa kvennaklósetfið
þegar ég sá hann hérnavið afgreiðsluborðið. Ég var
með fullt fangið af handklæðum og skrúbbtækjum,
en hann varð vandræðalegur þegar ég kom að og
byrjaði að spyrja út ílíkamsrækt. Hann spurði hvað
það kostaði að vera meðlimur hérna og hvað
þriggja mánaða kortið kostaði," segir Eva Dögg. Til
fróðleiks kostar þriggja mánaða kortið 29.900 krón-
ur. „Ég kunni ekki við að ræða við hann með fullt
fangið þannig að ég sagðist ætla að losa mig við
handklæðin. Það tók fimm sekúndur, en þegar ég
kom aftur var hann horfinn," segir Eva.
Lalli hafði þá hlaupið á brott með seðlaveski
Evu. Tveir sem voru við æfingar á stöðinni hlupu
niður stigann að Austurstrætinu og vildu elta Lalla
uppi. Þá hafði hann búið svo um hnútana að úti-
hurðin var læst og fólkið á líkamsræktarstöðinni
komst hvorki lönd né
strönd.
í veskinu voru 7000
krónur og skiptimynt,
ásamt greiðslukorti og pin-
númeri. ÖssurSkarphéðins-
son, formaður Samfylking-
arinnar, var staddur í lík-
amsræktarstöðinni og
hringdi í 118 fyrir Evu til að
finna númer, þar sem hægt
væri að láta loka kortinu.
Lalii hins vegar tók að-
eins rúmar 3.000 krónur í
seðlum úr veskinu og skilaði
því í póstkassa fyrir utan líkamsræktarstöðina.
Þegar hann var handtekinn skömmu eftir á Kaffi
Austurstræti bað hann lögregluna um að færa Evu
þau skilaboð að ekki væri ráðlegt að geyma pin-
númer í veskinu með greiðslukortinu. Hún þakkar
Lalla fyrir að skila veskinu, en segir þó að hana
muni um þrjú þúsund krónurnar og væri til í að fá
þær aftur.
Hann spurði hvað það kostaði
að vera meðlimur hérna og
hvað þriggja mánaða kortið
kostaði
Björn Erlendsson, eigandi Kaffi Austurstrætis,
sem er eitt helsta aðsetur Lalla, segir það vita von-
laust að dæma Lalla ítrekað í fangelsi. Lalli er
fimmtugur og hefur setið í fangelsi í áratugi. „Það
er alltaf sama sagan. Hann er ekki búinn að vera úti
lengi þegar hann er kominn í sama farið. Hann
kom af Hrauninu fyrir jól og hann var ekki búinn
að vera nema eina viku þegar lögreglan var farin að
leita að honum aftur. Þessir dómarar verða að
skoða einhver önnur úrræði en fangelsi þegar ver-
ið er að dæma fólkið mitt. Lalli er með stelsýki sem
er árátta og það á að veita honum meðferð við því,“
segir Björn.
Ekki náðist í Lalla Johns vegna málsins.
jontrausti@dv.is
Ný sænsk rannsókn sýnir að hárgel geta verið stórhættuleg
Hármótunarefni krabbameinsvaldandi
Meirihluti þeirra hármótunar-
efna sem notuð eru í Svíþjóð inni-
halda efni sem eru bæði ofnæmis-
og krabbameinsvaldandi.
Þetta eru niðurstöður sænsku
umhverfisstofnunarinnar sem
kannaði alls 38 tegundir af froðu,
geli, vaxi og feiti sem seldar eru í
þarlendum verslunum. Allar vör-
urnar sem kannaðar voru þóttu
skaðvænlegar heilsu manna og um-
hverfinu í heild.
Fjöldi fólks notar hársnyrtivörur
af þessu tagi hvern einasta dag og er
talið víst að áhrif þeirra á heilsufar
manna sé vanmetið til rnuna. Er
talið nær öruggt að tengsl séu milli
vaxandi notkunar hársnyrtivara og
þeim aukna fjölda fólks sem þjáist af
ofnæmi.
í venjulegu hárgeli eru að meðal-
tali 13 kemísk efni. Rannsóknir sýna
að hluti efnanna veldur ofnæmi og
getur valdið krabbameini séu þau
notuð í miklum mæli. Flest önnur
efnin eru ókunn eða hafa lítið verið
rannsökuð og ómögulegt að vita
hvaða áhrif, ef einhver, þau hafa á líf
og heilsu manna.
Svíarnir benda einnig á að öll
efnin enda að lokum út í sjó þar sem
þau brotna ekki niður nema á mjög
löngum tíma. Slíkt er að sjálfsögðu
slæmt fyrir umhverfið fýrir utan
hættuna af því ef kemísk efni kom-
ast með einhverju móti í fæðukeðju
dýra sem þar lifa.
Hluti varanna sem prófaðar voru
eru seldar hér á landi.
Aðgát skal höfð í nærveru hársnyrti-
efna Þau eru flest ofnæmis- og krabba-
meinsvaldandi.