Dagblaðið Vísir - DV - 10.11.2004, Blaðsíða 9

DV Fréttir
MIÐVIKUDAGUR 10. NÓVEMBER 2004 9
Drógu togbát
til hafnar
Björgvtnarskip Slysa-
varnafélagsins Landsbjarg-
ar, Hannes Þ. Hafstein, fór
til aðstoðar við 150 tonna
togbát sem var vélarvana
24 sjómílur suðaustur af
Sandgerði í gærmorgun.
Báturinn var búinn að vera
vélarvana frá því í fyrrinótt
en í gærmorgun bað hann
aðstoðar björgunarskips til
að láta draga sig til hafnar.
Norðvestan bræla var á
þessum slóðum og reikn-
uðu björgunarsveitarmenn
um borð í Hannesi að tog-
báturinn yrði dreginn til
hafnar í Grindavík og komu
bátarnir þar inn síðdegis.
Aðstoðarmaöur borgarstjórans
Fauk í fertugsafmælinu
Eirikur Hjálmarsson Tók á móti
gestum á heimili sínu á meðan
borgarstjórinn sagði afsér.
Eiríkur Hjálmarsson, aðstoðar-
maður borgarstjórans í Reykjavík,
sér fram á að missa starf sitt þegar
Þórólfur Árnason lætur af embætti
í lok mánaðarins. Á sama tíma og
Þórólfur borgarstjóri tilkynnti af-
sögn sína í beinni sjónvarpsút-
sendingu á sjöunda tímanum í
gærkvöldi var Eiríkur Hjálmarsson
að taka á móti gestum í fertugsaf-
mæli sínu sem haldið var hátíðlegt
á heimili hans á Reynimel.
Eiríkur var ófáanlegur til að tjá
sig um brotthvarf vmnuveitanda
síns úr embætti í gærkvöldi enda í
mörg horn á líta í veislunni. Gestir
streymdu að í skugga atvinnumiss-
is afmælisbarnsins.
Eiríkur Hjálmarsson er marg-
reyndur íjölmiðlamaður og þekkt-
ur bæði út útvarpi og sjónvarpi
þegar hann tók við sem aðstoðar-
maður Þórólfs Árnasonar fyrir
hálfu öðru ári.
Ríkislögreglustjóri rannsakar brot stjórnenda olíufélaganna á
samkeppnislögum og bókhaldslögum. Þingmaður spyr dóms-
málaráðherra hvort Rikislögreglustjóri eigi að fá meiri pen-
ing til að flýta rannsókninni.
Löggan rannsakar meint
bnkhaldsbrot olíufursta
Efnahagsbrotadeild Ríkislögreglustjóra rannsakar hvort forstjór-
ar olíufélaganna og aðrir lykilstarfsmenn hafi brotið bókhalds-
lög með háttsemi sinni í olíusamráðinu. Þetta hefur komið fram
í yfirheyrslum yfir mönnunum.
Haraldur Johannessen Efna-
hagsbrotadeild Ríkislögreglustjóra
rannsakar hvort stjórnendur oiíufé-
laganna hafi brotið bókhaldslög.
Samkvæmt heimildum DV
eru meint brot mannanna tal
in brjóta í bága við 10. grein
samkeppnislaga. Þar erbyggt
á því sem fram kemur í rann-
sókn Samkeppnisstofnunar.
En að auki er skoðað hvort
mennirnir hafi brotið af sér
samkvæmt 37. grein bókhalds
laga. Þar er talað um refsiverða
starfsemi sem telst meiri
háttar brot gegn
lögum. Þar segir
meðal annars
að það sé lög-
brot ef maður:
„rangfærir
bókhald eða
bókhalds-
gögn, býr til gögn sem
ekki eiga sér stoð í
' viðskiptum við aðra
aðila, vantelur
. tekjur kerfis-
sm?' T bundið eða ,
hagar bók-.
' haldi með (
f öðrum
hætti
' þannig að,
rgefi ranga
mynd af viðskiptum og notkun fjár-
muna.“
Jón H. Snorrason yfirmaður efna-
hagsbrotadeildarinnar sagði í
Fréttablaðinu í gær að rannsókn á
stjórnendum olíufélaganna sé í full-
um gangi. Þeir sem hafa verið til
rannsóknar, segjast ekki hafa orðið
varir við rannsóknina mánuðum
saman.
Jóhanna Sigurðardóttir hefur
spurt Björn Bjarnason dómsmála-
ráðherra á alþingi hvort hann sé
tilbúinn að beita sér fyrir því að
efnahagsbrotadeild Ríkislögreglu-
stjóra fái meira fjármagn og mann-
afla til að hægt sé að flýta rannsókn
á þætti einstaklinga í verðsamráði
olíufélaganna. Svars er að
vænta frá Birni innan tíðar.
Björn Bjarnason SpurðuráAlþingi
hvort hann vilji beita sér fyrir meira
fjármagni tii oiíurannsóknarinnar.
Fyrirspurn Jóhönnu Sigurðardóttur
Verð á ólöglegum fíkniefnum er
mun hærra hérlendis en í viðmiðun-
arlöndunum. Þetta kemur fram í
svari Bjöms Bjarnasonar dóms-
málaráðherra við fyrirspurn
Jóhönnu Sigurðardóttur, alþingis-
manns Samfylkingarinnar.
Hér á landi kostar gramm af hassi
1.900 krónur, en það kostar aðeins
400 krónur í Bretlandi, 800 krónur í
Danmörku og 800 til 1000 krónur í
Svíþjóð. Líkt og með verð á áfengi og
tóbaki em það einungis Norðmenn
sem komast með tærnar þar sem fs-
lendingar hafa hælana. Athygli vek-
ur að verð á e-töflu í Bretiandi er
sambærilegt við verð á bjórglasi á ís-
landi, eða 700 krónur. Hérlendis
kostar e-taflan 2500 krónur. Þá
greiða íslenskir eiturlyfjaneytendur
11 þúsund fyrir kókaín, en breskir 6
þúsund, norskir 1.200 og danskir
500 til 1.200 krónur.
í svari Björns til Jóhönnu kemur
fram að hörð löggæsla er ekki eina
ástæðan fyrir háu fíkniefnaverði hér
á landi. „Ekki [er] hægt að fullyrða
að öflug löggæsla, eða aðrar ráðstaf-
anir stjórnvalda gegn íikniefiiavand-
anum, sé helsta orsökin fyrir háu
verði fíkniefna hér á landi. Líklegt er
að hátt verð hér á landi stafi af sam-
spili fjarlægðar íslenska markaðar-
ins frá öðrum löndum og öflugrar
löggæslu."
Þá kemur frarn að fíkniefnaverð
hafi staðið í stað hér á landi á meðan
það fer lækkandi erlendis. Talið er
að fíkniefnaneysla sé almennt að
aukast í heiminum.
Jóhanna Sigurðardóttir Spurði dóms-
mátaráðherra út lfikniefnamarkaðinn.
Fíkniefni mun dýrari hér en í
viðmiðunarlöndum
Fyrrveradi markaðsstjóri Olís kallaði
neytendur fífl
Thomas segir sig úr
stjórn Símans
Thomas Möller, fyrrverandi
markaðsstjóri Olís, hefur sagt sig úr
stjóm Símans. Ástæðan er aðild hans
að verðsamráði oh'ufélaganna.
Thomas vék reyndar tfmabundið úr
stjórn Símans þegar samráðið var til
rannsóknar, en tók sætið aftur.
Thomas er frægur meðal þjóðar-
innar fyrir orð sín „fólk er fífl!!!!" sem
hann skrifaði í tölvupósti til Sigurðar
Kr. Sigurðssonar, sölustjóra Skelj-
ungs, þegar þeir sammæltust um að
hækka verð á bensínbrúsum hjá Oh's
úr 150 í 300 krónur, svo það yrði jafn-
hátt og hjá Skeljungi. Sjálfur sagðist
hann í samtali við DV líklega hafa
vitnað í plötu rokkhljómsveitarinnar
Botnleðju sem ber nafnið Fólk er fi'fl.
Thomas hefur beðist afsökunar á
þessum orðum sínum og segir að það
Biðst afsökunar Thomas segist hafa breytt
um stjórnunarhætti.
myndi ekki hvarfla að honum að
segja svona í dag. Hann hefur skýrt
hegðun sína og starfsfélaga sinna hjá
olíufélögunum þannig að þeir hafi
komið inn í sérstakt umhverfi sem
hefð var fyrir. Auk þess hafi Sam-
keppnisstofnun leyft samrekstur
bensínstöðva með þegjandi sam-
þykki sfnu.
Reykjavíkurborg
Skipulags- og byggingarsvið
Auglýsing um breytingu á
deiliskipulagsáætlun í Reykjavík
í samræmi við 25. gr. skipulags- og byggingarlaga nr.
73/1997, með síðari breytingum, eru hér með auglýstartil
kynningar tillögur að breytingum á deiliskipulagsáætlun-
um í Reykjavík.
Sóltún - Ármannsreitur.
Tillaga að breytingu á deiliskipulagi Sóltúns- Ármanns-
reits sem afmarkast af Sóltúni, Hátúni, Miðtúni og
Nóatúni.
Tillagan gerir m.a. ráð fyrir hækkun hjúkrunarheimilis að
Sóltúni 2 um eina hæð og fjögurra hæða nýbyggingu fyrir
hjúkrunartengda þjónustu að Sóltúni 4, ásamt einnar
hæðar viðbyggingu sem tengja mun saman Sóltún 2
(núverandi hjúkrunarheimili) og Sóltún 4 (nýbyggingu).
Gildandi deiliskipulag gerir ráð fyrir að byggður verði skóli
og leikskóli við íþróttahús Glímufélagsins Ármanns, og
húsið nýtt sem íþróttahús fyrir skólana. Breytingartillagan
gerir ráð fyrir að hús Ármanns verði rifið og að á austan-
verðum reitnum megi reisa tveggja hæða fræðslustofnun
og tvö fjögurra til sjö hæða fjölbýlishús. Bílastæði verða
að hluta neðanjarðar. Á miðju svæðinu sunnarlega á helg-
unarsvæði Orkuveitu Reykjavíkur verður almennings-
garður þar sem gert verður ráð fyrir boltavöllum og
göngustígum.
Nánar um tillöguna vísast til kynningargagna.
Grafarholt - Klausturstígur.
Tillaga að breytingu á deiliskipulagi í Grafarholti,
Klausturstíg, svæði sem afmarkast af Reynisvatnsvegi til
norðurs, Andrésbrunni til suðurs og austurs og Jóns-
geisla til vesturs.
Tillagan gerir m.a. ráð fyrir að reisa megi allt að 200
leiguíbúðir, fyrir námsmenn, í fjölbýli á einni lóð. Bygging-
arnar mynda umgjörð um sameiginlegt torg og leiksvæði.
Austast á svæðinu utan lóðarmarka er nú trjálundur.
Lundurinn verður varðveittur sem opið svæði og trjágróðri
viðhaldið. Sunnan ibúðalóðar er skipulagt dvalarsvæði
með trjágróðri.
Nánar um tillöguna vísast til kynningargagna.
Tillögurnar liggja frammi í upplýsingaskála skipulags- og
byggingarsviðs Reykjavíkurborgar í Borgartúni 3, 1. hæð,
virka daga kl. 8.20 - 16.15, frá 10. nóvember til og með
22. desember 2004. Einnig má sjá tillögurnar á heimasíðu
sviðsins, skipbygg.is. Eru þeir sem telja sig eiga
hagsmuna að gæta hvattir til að kynna sér tillögurnar.
Ábendingum og athugasemdum við þær skal skila skrif-
lega til skipulags- og byggingarsviðs (merkt skipulags-
fulltrúa) eigi síðar en 22. desember 2004.
Þeir sem eigi gera athugasemdir innan tilskilins frests,
teljast samþykkja tillögurnar.
Reykjavík, 10. nóvember 2004
Skipulagsfulltrúi Reykjavíkur
BORGARTÚN 3 • 105 REYKJAVÍK • SÍMI 563 2600 • MYNDSENDIR 562 3219