Almanak Hins íslenska þjóðvinafélags - 01.01.1977, Blaðsíða 134

hjá Laugalandi í Eyjafirði með hitaveitu á Akureyri fyr-
ir augum. Hafin var gerð mikils skeiðvallar á Melgerðis-
melum og er unnið þar að byggingu veitingaskála og
hesthúsa. Unnið var að skólabyggingu á Þelamörk. Á
Dalvík var hafin bygging stjórnsýslumiðstöðvar, heilsu-
gæslustöðvar og dvalarheimilis aldraðra. Heimavistarhúsi
gagnfræðaskólans var lokið að mestu. Mörg íbúðarhús
voru í byggingu á Dalvík, mikið var unnið að gatnagerð
og að stækkun hitaveitunnar. Unnið var að lokafram-
kvæmdum við holdanautastöðina í Hrísey. Unnið var að
mörgum íbúðarhúsum á Ólafsfirði. Þar var unnið að
húsi heilsugæslustöðvar, sjúkrahúss og elliheimilis, stækk-
un gagnfræðaskólahússins og íþróttavelli. Borað var
eftir heitu vatni í Ólafsfirði og hafin gerð hitaveitu-
Hafin var flugvallargerð í Ólafsfirði. Unnið var að hita-
veitu á Siglufirði, og miðaði því verki vel áfram. Var
hitaveitan formlega tekin í notkun 21. desember. Mikiö
var unnið að gatna- og holræsagerð. Um 20 íbúðarhus
voru í smíðum á Siglufirði. Félagsheimilið í Grímsey
var tekið til afnota, og nokkur íbúðarhús voru byggð
þar.
Skagafjarðarsýsla. Unnið var að lokaframkvæmdum
við skólahúsið á Hofsósi. Unnið var þar að gatna- °S
holræsagerð. Um 80 íbúðir voru í smíðum á Sauðar-
króki og mikið var unnið þar að gatnagerð og vatns-
veituframkvæmdum. Unnið var að heimavistarhúsi, °S
dagheimili var tekið í notkun. Unnið var að undirbúnmg1
að byggingu heilsugæslustöðvar. Enn var unnið að flug'
velli við Sauðárkrók, og eiga stórar millilandaflugvélar
að geta lent þar. f Varmahlíð var hið nýja skólahús
tekið í notkun. Nokkur íbúðarhús voru byggð í Varrna-
hlíð. Unnið var að endurbyggingu kirkjunnar á Reykjum
í Tungusveit.
Húnavatnssýslur. Á Skagaströnd var lokið byggm®^
kaunfélapshúss og rækiuverksmiðju. Þar var unnið a
dagheimili og íþróttavelli og umbótum í kirkjunni- Um
30 íbúðarhús voru í smrðum á Skagaströnd. Miklar
(132)