Almanak Hins íslenska þjóðvinafélags - 01.01.1977, Blaðsíða 176

arfall, hvernig sem á standi, og þess vegna eigi að segja:
wegen des Regens. (Ath. Seinna sögðu mér enn lærðari
menn, að það væri til undantekning, sem leyfði að segja
wegen den Regen, undir flóknum og undarlegum kring-
umstæðum, en sú undantekning næði til regnsins og
einskis annars.)
Það eru tíu orðflokkar í þýsku og þeir eru allir há-
bölvaðir viðfangs. Venjuleg setning í þýsku blaði er
stórfengleg sjón og eftir því skrýtin. Hún nær yfir fjórð-
ung af dálki og inniheldur alla orðflokkana, ekki þó í
réttri röð, nei, heldur er öllu hrært og blandað saman.
Flest allt eru samsett orð, sem greinarhöfundur hefur
blandað saman í skyndi og ekki er hægt að finna í
nokkurri orðabók, sex eða sjö orðum hrúgað saman í
eitt og það án þess að hægt sé að koma auga á nokkurt
millibil eða samskeyti. í setningunni er rætt um ein f jórt-
án eða fimmtán málefni og hvert þeirra hefur sína eig-
in innskotssetningu, og hér og þar eru aukasetningar í
henni miðri, og innihalda þær fjórar til fimm tilvísunar-
setningar hver um sig. Loks eru allar innskotssetningarn-
ar og tilvísunarsetningarnar umgirtar tveimur aðalinn-
skotssetningum, og er önnur þeirra í tignarsæti fremst í
höfuðsetningunni, en hin í miðri síðustu línunni, — og á
eftir henni kemur sögnin. Þá er að lokum hægt að átta
sig á, um hvað rætt hefur verið, og á eftir sögninni, —
svona til skrauts, býst ég við, — hrúgar greinarhöfund-
ur: haben sind gewesen gehabt haben geworden sein, <—
eða svipuðum orðum, og þá er listaverkið fullkomnað.
Ég held, að þetta lokahúrra sé engin nauðsyn en sé haft
til fegurðarauka, sbr. rófuna á kettinum eða krúsin-
dúllurnar, sem sumir skrifa á eftir nafninu sínu.
Hér kemur setning, tekin úr góðri þýskri skáldsögu —
með smávegis innskotum. Ég þýði hana nákvæmlega, en
hef sviga og bönd, svo að lesandinn geti betur áttað sig.
Þýskan hefur auðvitað hvorugt. Hún ætlast til að les-
andinn slampist hjálparlaust alla leið að sögninni:
„En þegar hann á miðri götunni, (satin — og silki—
(174)