Almanak Hins íslenska þjóðvinafélags - 01.01.1988, Síða 105

Stöðvarfirði í eldi. - 21. júní kom upp mikill eldur í gamla
iðnskólanum við Lækjargötu í Reykjavík. Baðstofa iðnaðarmanna
eyðilagðist, en hana prýddi útskurður eftir Ríkarð Jónsson. í húsinu
var geymt búninga- og segulbandasafn Leikfélags Reykjavíkur og
brunnu þau að mestu. - 25. júní brann sumarbústaður í V aglaskógi
til kaldra kola. Hjón björguðust þar naumlega út. - 13. júlí varð
eldur laus í húsi við Barónsstíg í Reykjavík, en skemmdir urðu þar
litlar. - 2. ágúst brunnu fjós og hlaða á Sólbergi á Svalbarðsströnd.
I hlöðunni voru um þúsund hestburðir af heyi og varð því mikið tjón
í þessum eldsvoða. - 3. ágúst brann íbúðarhúsið Kotvöllur við
Hvolsvöll til kaldra kola og varð þar mjög tilfinnanlegt tjón. -11.
ágúst kom upp eldur í íbúðarhúsi á Hellissandi og urðu þar
verulegar skemmdir. - 17. ágúst kviknaði í húsi við Fjólugötu á
Akureyri, og fórst kona í eldinum. - 9. september kom upp eldur í
íbúðarhúsinu á Randversstöðum í Breiðdal og urðu þar verulegar
skemmdir. Sama dag brann hlaða á bænum Brú í Biskupstungum
og húsið Mörk á Akranesi. Síðastnefnda húsið var mannlaust, og er
talið, að kveikt hafi verið í því. - 8. desember brann vélageymsla
við bæinn Ytribrekkur í Blönduhlíð og varð eignatjón talsvert.
Slökkvilið Reykjavíkur var kvatt út 564 sinnum (581 sinni árið
áður). Sjúkraflutningar hjá liðinu voru 10.187. - Á Akureyri var
slökkviliðið kvatt út 71 sinni (82) og í Hafnarfirði 183 sinnum
049).
BÚNAÐUR
Árið var talið gott til búskapar um allt land, þó að meðalhiti væri
lítið eitt undir meðallagi. Vetrarveðrátta var góð og einstaklega
snjólétt um mestan hluta landsins. Kal í túnum var ekki umtalsvert
og spretta allgóð. Sláttur hófst víðast hvar á landinu um 20. júní og
gekk heyskapur vel. í uppsveitum Suðurlands töfðu óþurrkar þó
nokkuð fyrir heyskap fyrri hluta sumars, en of miklir þurrkar á
Norður- og Austurlandi drógu úr sprettu seinni hluta sumars.
Haustið leið án áfalla í veðráttu og gengu haustverk því vel. í
nóvember lagðist vetur að með töluverðum snjóalögum
norðanlands.
Talið er, að heyfengur hafi numið um 3,5 milljónum rúmmetra
(103)