Almanak Hins íslenska þjóðvinafélags - 01.01.1988, Blaðsíða 139
stig. Sett voru 13 íslandsmet. Á gullbikarmóti í Strasbourg íjanúar
varð Eðvarð Þór Eðvarðsson þriðji bæði í 100 m og 200 m
baksundi. íslenzk sveit kvenna komst í úrslit í 4x100 m skriðsundi.
Hún varð í 5. sæti og setti íslandsmet 4:09,97. í júní fór fram
•andskeppni Norður-írlands, íslands og Luxemborgar í Belfast.
Norður-írland sigraði og hlaut 128 stig, en ísland varð í 2. sæti með
95 stig. Bryndís Ólafsdóttir var valin bezta sundkona mótsins. Á
heimsmeistaramótinu í Madrid í ágúst setti Eðvarð Þór Eðvarðsson
Norðurlandamet í 200 m baksundi, 2:03,03. Hann varð í 8. sæti.
Eðvarð bætti þetta met á Evrópumeistaramótinu í Málmey í
desember, en þar synti hann á tímanum 2:01,69 og varð í 3. sæti. Á
síðastnefnda mótinu varð Ragnheiður Runólfsdóttir í 6. sæti í 200
m bringusundi og setti Islandsmet, 2:37,04.
Svifflug. íslandsmót var haldið á Hellu í júlí. Steinþór Skúlason
varð íslandsmeistari.
Tennis. íslandsmót var haldið í Hveragerði í ágúst. í einliðaleik
varð Úlfur Þorbjömsson íslandsmeistari í karlaflokki en Margrét
Svavarsdóttir í kvennaflokki. í tvíliðaleik karla sigruðu Atli og
Úlfur Þorbjömssynir, í tvíliðaleik kvenna Guðný Eiríksdóttir og
Þórdís Edwald, en í tvenndarkeppni Margrét og Úlfur.
KIRKJAN
Prestastefnan var haldin í Reykjavík í október, og var hún tengd
vígslu Hallgrimskirkju, en þar fóm fundir stefnunnar fram.
Aðalefni Prestastefnunnar að þessu sinni var: Boðun kirkjunnar í
lok 20. aldar. Varð niðurstaða umræðna sú, að unnið skyldi fram til
aldamóta að endurskoðun á boðunaraðferðum kirkjunnar. -
Kirkjuþing, hið 17. íröðinni,varhaldiðíBústaðakirkjuíReykjavík
í september. Mikið varrætt um þjóðfélagsmál á þinginu og m.a. um
stofnun þjóðmálaráðs kirkjunnar. Umræða varð einnig mikil um
málefni Hjálparstofnunar kirkjunnar, en þau höfðu verið mjög á
dagskrá mánuðina fyrir þingið. - Prófastafundur var haldinn á
Akureyri í marz. Þar var fjallað um lagafrumvarp um kirkjugarða,
héraðsnefndir, sóknamefndir og fleira. - Biskup íslands sat fund
norrænna biskupa á Gotlandi í ágúst, en þar vom saman komnir 42
biskupar.
(137)