Dagblaðið Vísir - DV - 13.01.2005, Page 25

DV Sjónvarp
FIMMTUDAGUR 13. JANÚAR 2005 25
Hættir og farnir Tvlhöföi
- einhver þekktasti
útvarpsþáttur landsins -
leggur upp laupana eftir
\ rúmlega 1000 þætti. Þeir
fara niður meö skipi sfnu,
Skonrokki, en til stendur að
skrúfa fyrirþá útvarpsstöð.
KONROKK80.9
felur það meö
a í núverandi ]
Fffí | já’ itjk fjyLVL j jl\
- rJ'
„Já, það er þykk sorg í hjarta
mínu. Nei, ég fór ekki að gráta en
ég varð klökkur þegar við tilkynnt-
um þetta," segir tilfinningaveran
Jón Gnarr en í gær var það tilkynnt
að útvarpsþátturinn Tvíhöfði væri
að leggja upp iaupana. Þetta er f
kjölfar þess að skrúfað verður fyrir
útsendingar útvarpsstöðvarinnar
Skonrokks. Þar hafa þeir Jón og fé-
lagi hans, Sigurjón Kjartansson
sem reyndar er útvarpsstjóri
stöðvarinnar, verið máttarstólpar
með morgunþátt sinn. Tvíhöfði er
einhver þekktasti útvarpsþáttur
sem fram hefur komið á öldum
hins íslenska ljósvaka og er því
óhætt að segja þetta söguleg tíma-
mót.
„Fólki finnst þetta leiðinlegt en
svona er þetta nú bara,“ segir Jón
um viðbrögðin við þessum tíðind-
um en þegar DV náði tali af þeim
Tvíhöfðamönnum var mjög
skammt um liðið frá því þetta lá
fyrir. „Ég náttúrlega tnii á spá-
dóma Biblíunnar um heimsenda
og allt það. Það er náttúrlega bara
heilbrigð skynsemi. Þannig að ég
tek þessu af æðruleysi og geng á
Guðs vegum. „I’m on a mission
from God“ og æðrast ekki. Nei,
það liggur ekki fyrir hvað tekur við.
Eg treysti því að allt verði í himna-
lagi. Og allt fari vel.“
Best gekk í dúfnakofanum
við Aðalstræti
Sigurjón Kjartansson segir ekki
liggja fyrir hvenær nákvæmlega
verður lokað fyrir útsendingar
Skonrokks, vill reyndar ekki tjá sig
um það, en samkvæmt heimiídum
DV verður það líklega í næstu viku.
Þetta þýðir að útvarpsþættir á
borð við „Mín skoðun" með Valtý
Birni og félögum, „Doktor doktor"
í umsjá Dr. Gunna og „King Kong“
- helgarþáttur stöðvarinnar eru á
vergangi. Sigurjón neitar jafnframt
að tjá sig um hvað verður um út-
varpsstöðina X-ið en sögusagnir
eru þess efnis að til standi einnig
að leggja þá stöð niður. Eins hefur
verið talað um að sameina X-ið og
Skonrokk en ekkert liggur fyrir um
slíkt á þessu stigi.
Fyrir ári urðu sögulegar sættir
með Sigurjóni og Jóni eftir
ágreining þeirra á milli. Sigurjón
fellst ekki á að þær sættir hafi orð-
ið til lítils annars en sem nemur
þessu ári í útvarpi. „Þær standa
fyllilega fyrir sínu, sættirnar, og
hafa ekkert með þetta að gera.“
En má þá ekki segja aö hlust-
endur hafí hafnað ykkur?
„Nei, þá ályktun er ómögulegt
að draga því daglega hlusta á okk-
ur um 15 til 20 þúsund manns.
Hitt er svo annað mál að auglýs-
ingamarkaðurinn hefur aldrei
gengið í takt við þá hlustun. Nema
ef vera kynni á fyrstu dögum Tví-
höfða þegar sent var út frá dúfna-
kofanum við Aðalstræti. Það má
velta þvf fyrir sér hvort íslenska
útvarpsfélagið hafi verið réttur
vettvangur til að reka útvarp af
þessu tagi. Við höfum kallað þetta
útvarp götunnar og það hefur ekki
fýllilega átt samleið með virðuleg-
um stórfyrirtækjum, einhverra
hluta vegna.”
Tvíhöfði og jakkafata-
umhverfi þrífast illa saman
Sigurjón leggur á það ríka
áherslu að samstarf Tvíhöfða við
alla þá sem starfa hjá ÍÚ hafi verið
með miklum ágætum og allir,
verið af vilja gerðir til að láta:
þetta ganga upp. Það hafi,
hins vegar ekki tekist. Og /,t
eftir um sex ár með hléum
séu menn nú að vakna
upp við það að Tví-
höfði rekist illa
meðal jakka-
fatanna.
„Markaðs-
umhverfið
sem tíðkast ]
meðal aug-
lýsenda sem j
einkum eru íj
viðskiptum
við markaðs-
menn ÍÚ ein-
kennist af |
þessu virðu-
lega jakkafata- j
umhverfi sem 1
leggur allt upp [
úr tengslum |
við stórar aug- j
lýsingastofur
og svokölluð |
birtingahús. Þar hefur þáttur eins
og Tvíhöfði verið skilgreindur sem
„eldfimt umhverfi” hvað svo sem í
því felst. Svo virðist því sem í
þessu umhverfi þrífist best sauð-
meinlaus dagskrárgerð sem er
umfram allt slétt og felld - með
fullri virðingu fyrir slíku. Þanþol
auglýsenda virðist þannig lítið,
þröskuldurinn lágur og er ekki
neinum eða neinu um að kenna
en fyrirliggjandi er að þetta gengur
ekki upp í þessu formi."
Jarðarför að hætti New
Orleans-búa
Að sögn Sigurjóns er líðan hans
ágæt á þessum tímamótum og
hann er spenntur fyrir því að
takast á við eitthvað nýtt. „Nýj-
ungin verður sú að maður getur
farið að vakna seinna á morgnana
sem er ljómandi fínt. Farið að
mæta til vinnu klukkan níu eins
og venjulegt fólk. Annað læt ég
ekki upp að svo stöddu en það er
eitt og annað spennandi í pípun-
um. Við erum að hverfa úr útvarpi
að minnsta kosti í því formi sem
við þekkjum. En aldrei að segja
aldrei, við viljum engum dyrum
loka.“
Muniö þiö kveöja „kikking
' and skríming" eöa verður þetta
1 jaröarfararstemning?
„Ég held að þetta
verði nú engin sérstök
jarðarfararstemning.
Bara gaman. Jújú,
við förum með
’ látum en þetta er
k vissulega eins
i konar jarð-
i arför. En
I Hinar sögulegu saettir DVsáástæOutiloð
I greina frá þvímeð forsiðuviðtalia6me6 S'9
urjóni og Jóni hefðu tekist sænir eftir að upp
úr samstarfinu slitnaði. Þessarsættireru, eWc/
til einskis þvl samstarfið mun halda þó vett
1 vanaurinn verði ekki útvarpsmennska.
það er þá jarðarför líkt og tíðkast í
New Orleans."
Heimildarmynd um Must-
apha
Jón Gnarr segir samstarfið
ganga vel og enga ástæðu til að því
ljúki þótt morgunþáttardagskrár-
gerð sé fyrir bí í bili. „Við stöndum
enn fyrir okkar. Kannski fer Sigur-
jón bara í sína Svínasúpu og ég fer
að vinna á Lindinni, eða með eigin
þátt á Ómega, maður veit aldrei,"
segir Jón sem telur samskipti Tví-
höfða við Mustapha vera það
minnisstæðasta frá þessu tímabili
útvarpsmennsku þeirra en DV
greindi allítarlega frá þeim á sín-
um tíma - en þar sýndu Tvíhöfðar
mikla eftirfýlgni og rannsóknar-
útvarpsmennsku með því að af-
hjúpa nígeríska svindlara. „Annars
hef ég ofboðslega lélegt minni og
verð að gera eitthvað í því. Reyna
að vinna í því." Og Jón upplýsir
jafnframt að til standi að gera
heimildarmynd um ævintýri Tví-
höfða og Musthapha sem að hans
sögn virðist hafa alþjóðlega skír-
skotun. En eins
og með svo
margt annað
sé verið að
leita eftir
fjármagni í
það verk-
efni.
jakob@dv.is
Mustapha Þrátt fyrir skert
minni segirJón Gnarr að
minnisstæðast frá þessu
skeiði útvarpsferilsins séu
samskipti Tvlhöfða viö Nlger-
/usvindlarann Mustapha en
til stendur að gera heimildar-
mynd um það ævintýri allt.
Stjörnuspá
Sigrún Eðvaldsdóttir fiðluleikari er 38
ára í dag. „Konan ætti að virkja og efla
eigin veruleika, undirgefni og heiðar-
leika í mun meira mæli. Enginn getur
tekið það frá henni og enginn nema
hún sjálf er fær um að uppfylla það.
Árið framundan dýpkar undir-
; gefni hennar en með henni
verður konunni Ijóst að hún
„hefurstjórnáöllu
sem gerist," segir í
stjörnu-
spánni
hennar.
Sigrún Eðvaldsdóttir
VV Vatnsberinn f2o.;an.-ís./fW
vv -------------------------------
Förin framundan er dýrmæt
og jákvæð fyrir þig en þú birtist hér ör-
lát/-ur og frjáls í ástinni og umvefur allt
sem verður á vegi þínum töfrum, fágun
og greind án þess að þú eða aðrir glati
nokkru af frelsi sínu. Gerðu meira af því
að gefa af þér.
X
FlSkmil (19.febr.-20.mars)
Ef marka má stjörnu fiska gæt-
ir þú jafnvel þurft að beina orku þinni á
nýjar brautir um þessar mundir þegar
sameining einhvers konar lifnar við.
T
Hrúturinn (2i.mars-19.i
Óvæntir hlutir stíga fram á
sjónarsviðið þegar hjarta þitt er skoðað
um þessar mundir. Jákvæð upplifun ein-
kennir fólk fætt undir stjörnu hrútsins.
b
NdUtÍð (20. aprll-20. mal)
Þú óttast að vera ein/-n, án
ástar og einnig tilfinningalegar kröfur
elskhuga þíns. Ekki vera hrædd/-ur við
að elska eru einkunnarorð til nautsins.
Þú átt í erfiðleikum með að sleppa til-
finningum þínum lausum án tryggingar
fyrir að fá þær endurgoldnar. Þú virðist
vera upptekin/-n af frammistöðu þinni
og ert í raun nokkuð feimin/-n.
Vlbmm (21.mal-2l.júnl)
Mundu að stærsta gjöf sem þú
getur veitt þeim sem þú elskar er að þú
opnir og bjóðir þig fullkomlega og get-
ur þá á móti hjálpað viðkomandi að
opna sig einnig.
Krabbinn (22.júni-22.júii)
Krabbinn er hvers manns hug-
Ijúfi, elskandi og umhyggjusamur í eðli
sínu. Hann gefur allt sem hann kann að
eiga ef svo ber undir og nýtur þess að
skemmta sér með því að deila ham-
ingjustundum sínum meðal fólksins
sem skipar stóran sess í hjarta hans.
ljÓn\b(23.júli-22.ágúst)
Þú gefur þig á vald ástinni og
er mest umhugað að upplifa traust og
heiðarlegt samband. Tilhugalíf þitt er
jafnvel spillt með gjöfum og elskhugi
þinn dekrar við þig. Umhverfið og sam-
skiptin efla þig og elskhuga þinn með
sanni. Þú hefur náð valdi á því að deila
með öðrum þar sem líf þitt snýst um
eitt aðalsamband.
Meyjan (n. ágúst-22. septj
Þér kann að veitast erfitt að
takast á við líðan þína um þessar
mundir miðað við stjörnu meyju en þú
flíkar ógjarnan tilfinningum þinum og
viðkvæmni en mættir vissulega gera
meira af því.
o Voqin (21 sept.-23.okt.)
Þú leitar án efa sannleikans og
trúir því að hann sé aðeins einn þegar
ástin er annars vegar. Þú getur gert það
sem þér líkar, kæra vog, ef þú aðeins
hlúir að eigin tilfinningum. Þú ert að
sama skapi fær um að draga að þér það
sem þú þarfnast og þegar þú færð að
ráða nærð þú stórgóðum árangri.
n$
HL
Sporðdrekinn/x *.-//. mrj
Gleðin og einfaldleiki tilveru
þinnar kemur til þín af frjálsum vilja og
býðst til að taka ofan grímu sína. Gríptu
tækifærið sem birtist hérna. Þú ert fær
um að upplifa og njóta aðstæðnanna.
/
Bogmaðurinn(22./idy.-2í.<K)
Skynjun þín og tilfinningar
eru fyllri og opnari á þessum tíma-
punkti í lífi þínu. Ekki gleyma kröfum
þínum, kæri bogmaður. Leyfðu þér að
bera fram óskir þínar.
Steingeitin/22. fa-?9.jflflj
Ekki reyna að lifa í gegnum
aðra því þú ert sigurvegari, fæddur til
mikillarvelgengni.

SPÁMAÐUR.IS