Almanak Hins íslenska þjóðvinafélags - 01.01.2007, Síða 115

Dr. Avul Pakir Abdul Kalam, forseti Indlands, kom til
Islands í opinbera heimsókn í lok maí. - Vaclav Klaus, forseti
Tékklands, var í opinberri heimsókn hjá forseta Islands 23.-24.
ágúst.
HERVARNIR
Ekki varð af umræðum um framtíð Varnarliðsins, sem áttu
að vera í janúar. - Fundur um varnir íslands, sem átti að vera í
Washington 19. október, fór út um þúfur. Bandaríkjamenn vildu
fá mun hærri greiðslur fyrir starfsemi sína á flugvellinum en
Islendingar töldu rétt. I raun vildu Bandaríkjamenn endurskipu-
leggja varnarstarfsemina að fullu. Fjórar herþotur og björg-
unarþyrlur voru áfram á Keflavíkurflugvelli út árið.
Um áramótin 2004-05 voru hermenn í Keflavík aðeins 1.450
og hafði þeirn fækkað um helming á tveimur árum.
28. júlí lét Robert S. McCormick ofursti í flughernum af
störfum sem yfirmaður Varnarliðsins. Við tók Craig A. Croxton
ofursti.
IÐNAÐUR
Hagur íslenskra iðnfyrirtækja annarra en stóriðjufyrirtækj-
anna var erfiður á árinu 2005. Stöfuðu erfiðleikarnir einkum af
háu gengi krónunnar. Verst var staða hinna svonefndu hátækni-
fyrirtækja og sprotafyrirtækja.
Stóriöja
Starfsemi álfyrirtækjanna Alcan á Islandi hf. í Straumsvík og
Norðuráls á Grundartanga gekk að óskum á árinu. Framleiðslan
var í hámarki og verð gott. í Straumsvík var framleiðslan
179.400 tonn og var það um 1.000 tonna aukning frá árinu á
undan. Ragnar Guðmundsson, framkvæmdastjóri fjármálasviðs
Norðuráls, taldi árið 2005 vera hið besta í sögu félagsins.
Framleiðsla var í hámarki eða um 93.000 tonn. Unnið var af
miklum krafti að stækkun versins, og er áætlað, að ný ker verði
gangsett fyrri hluta árs 2006.
(113)