Almanak Hins íslenska þjóðvinafélags - 01.01.2007, Qupperneq 210

miðlar kaup á Saga film. - 27. janúar sagði Róbert Marshall,
fréttamaður á Stöð 2, starfi sínu lausu vegna þess að hann fór
með rangt mál í frétt um íraksmálið. Hann sagði, að ísland hefði
verið komið á lista hinna viljugu þjóða fyrir ríkisstjórnarfund
18. mars 2003. Þetta sagði forsætisráðherra ekki rétt. - 11.
febrúar hófust útsendingar hjá nýrri útvarpsstöð, sem nefndist
Talstöðin. Illugi Jökulsson var útvarpsstjóri. Þessi útvarpsstöð
hætti útsendingum 18. nóvember, þegar sjónvarpsfréttastöðin
NFS hóf að senda út. Eigandi hennar er 365 ljósvakamiðlar.
Stöðin sendir út fréttir og fréttatengt efni frá 07.00 til 22.00 alla
virka daga og hún hefur 85 starfsmenn.
Lóðahungur. í marsiok bárust 5.658 umsóknir um 30 ein-
býlishúsalóðir við Lambasel í Reykjavík. 14. apríl var dregið um
lóðirnar hjá sýslumanni.
Löghirtingablaðið hœttir. Frá og með 1. júlí var hætt útgáfu
Lögbirtingablaðsins, sem komið hafði út óslitið frá 1908. Eftir
þetta voru allar tilkynningar stjórnvalda aðeins birtar á netinu.
Mannanafnanefnd hættir. í október sagði svokölluð manna-
nafnanefnd öll af sér vegna ágreinings um nafnið Eleonora.
Nefndin hafði hafnað þessu nafni (vildi hafa Eleonóra) þrisvar,
en fékk þá bréf frá dómsmálaráðuneytinu, þar sem hún var
beðin að skoða nafnið betur.
Menn ársins. Frjáls verslun valdi forstjóra KB-banka Hreiðar
Má Sigurðsson og Sigurð Einarsson stjórnarformann bank-
ans menn ársins í íslensku atvinnulífi. - Hjá Markaðnum í
Fréttablaðinu var Björgólfur Thor Björgólfsson maður ársins.
- Thelma Ásdísardóttir var valin kona ársins hjá Nýju lífi.
Metsölubœkur. Mest selda bók á árinu 2005 samkvæmt
bóksölulista Morgunblaðsins var Vetrarborgin eftir Arnald
Indriðason. Næst komu Landsliðsréttir Hagkaupa eftir ýmsa
höfunda og Með lífið að láni - Njóttu þess eftir Jóhann Inga
Gunnarsson og Sæmund Hafsteinsson. í fjórða sæti komu Harry
Potter og blendingsprinsinn eftir J. K. Rawling og Thorsararnir
eftir Guðmund Magnússon voru í fimmta sæti. Fyrstnefna bókin
var sögð hafa selst í um 18.000 eintökum.
Minnisvarði um skipalestir. 9. maí var afhjúpaður minnis-
varði i Fossvogskirkjugarði um sjómenn, sem fórust með
(208)