Bræðrabandið - 01.01.1979, Page 4
Börnin okkar
Það er vaxandi tilhneiging hjá
söfnuðinum að setja viss ár til að
leggja áherslu á ákveðin málefni.
Nylokið er ári aðventmenntunar og senn
kemur ár ráðsmennsku. Þetta er og
tíðkað í heiminum. Árið 1979 hefur
verið helgað málefnum barna.
Hlutskipti barna er mjög bágboriö
víða um lönd. Menntun þeirra og upp-
eldi er vanrækt og þau ná af þeim sök-
um ekki þeim andlega þroska sem þeim er
áskapað að ná. LÍkamlegum þroska
þúsunda, já, milljóna barna er einnig
áfátt vegna vannæringar og skorts eða
þau verða hungurvofunni að bráð. Ár
barnsins gæti verið okkur tilefni til
að skýra fyrir okkar eigin börnum hlut-
skipti margra bágstaddra barna og segja
þeim frá nauðsyn þess að bæta kjör
þeirra.
En mörg önnur börn eiga bága ævi
en þau sem búa í vanþróuðum löndum.
Nýlega var ég á ferð erlendis og las
þar lögregluskýrslu um börn sem voru
lamin til óbóta af sínum eigin foreldr-
um. Okkur finnst skelfilegt til þess
að hugsa að börnum skuli stafa hætta af
eigin foreldrum.
Kristnir foreldrar lemja að sjálf-
sögðu ekki börnin sín í bræði en okkur
væri hollt að hugsa um það á barnaári
hvers konar áhrif við höfum á börnin
okkar. Sjá þau það í fari okkar sem
er vert eftirbreytni? Er ræða okkar
salti krydduð? Notum við tungu okkar
til að beina þeim til hæða? Hvernig er
raddblærinn þegar við yrðum á þau? Sjá
þau í daglegu lífi okkar að viðhöfum
lært af Jesú?
Hvernig er háttað guðræknisstundum
og kristindómsfræðslu á heimilum okkar.
Eigum við daglegar stundir með börnunum
þar sem við fræðum þau um veg lifsins?
Eða þarf ef til vill að minna okkur á
það á ári barnsins að skyldur okkar
gagnvart börnum okkar eru aðrar og
meiri en að sjá þeim fyrir fötum og
fæði.
Það er ánægjulegt til þess að vita
að á árinu 1979 hefja Samtökin á
íslandi útgáfu á nýjum hvíldardagsskóla-
lexíum fyrir börn og unglinga. Lexíubók-
in fyrir börn að fjögurra ára aldri
heitir Sögustundin. Frásagnir Bibli-
unnar 1-3 heita lexíubækur barna 4-7
ára en Frásagnir Bibliunnar 4-6 fyrir
börn 7-10 ára. Þessar lexíur verða'
ekki lagðar á hilluna eins og lexíur
fullorðinna í lok ársfjórðungsins held-
ur verða þær notaðar áfram um ókomin
ár. Foreldrar sem kaupa lexíurnar
fyrir fyrsta barn geta notað þær áfram
fyrir næsta. Þetta eru fallegar bækur
og gott efni og vekur gleði að geta
lagt þetta í hendur barnanna. Það er
ósk okkar sem að útgáfunni stöndum að
þessar fallegu lexíur gætu orðið for~
eldrum hvöt til að vinna að sálarheill
barna sinna af enn meiri áhuga en áður.
Ekki er hægt að ræða um lexíur
fyrir börn án þess að minna á það starf
sem unnið er í barnadeildum hvildar'-
dagsskólans. Þar er að mínu viti pnnið
frábært sálnavinnandi starf sem stendur
ekki að baki því besta sem ég hef kynnst
erlendis. Þetta er sterkt tæki til að
hafa andleg áhrif á börnin og fræða þau
um veg lífsins og er nauðsynlegt að
foreldrar sjái til þess að börnin njóti
þeirrar uppbyggingar sem söfnuðurinn
stendur fyrir með barnadeildum hvíldar-
dagsskólans.
Annar snar þáttur í starfi safnað-
arins fyrir börnin er skólastarfið.
Söfnuðurinn rekur Hlíðardalsskóla og
fjóra barnaskóla. í Hlíðardalsskóla
eru starfræktir 8. og 9.bekkur grunn-
skóla og tvær framhaldsdeildir og eru
þær starfræktar í samvinnu við Mennta-
skólann í Hamrahlíð. í barnaskólunum
er boðið upp á fræðslu allra deilda
grunnskóla upp að 8.bekk og er því
skólakerfi okkar orðið samfellt að
3.bekk menntaskóla. Það sem meiru
varðar er að í skólum okkar eru helg-
aðir aðventkennarar sem vísa til vegar
með orði sínu og æði. Þar eru guð-
ræknisstundir og bænavikur og andrúms-
loftið er hjálplegt andlegu lífi.
Börnin okkar mega ekki missa af því
tækifæri að njóta þeirra áhrifa sem
skólar okkar veita.
14