Freyr - 01.08.1947, Side 7

FREYR
245
veiðitíma. En vitað er, að veiðarfærin hafa
verið stórum bætt og þeim fjölgað mjög á
síðustu áratugum, og hefir því veiðisóknin
aukist verulega. Sagt er til öæmis, að
netaveiðiútbúnaður í ákveðinni góðri veiðiá,
sé nú tuttugu sinnum meiri, en hann var
fyrir 25 árum.
Eins og áður er sagt, þá á veiðimagnið
að vaxa hlutfallslega, þegar veiðarfærum
fjölgar og afköst aukast, vegna breytinga
til fullkomnunar, á meðan fiskstofnarnir
þola veiðarnar. Við athugun á meðfylgj-
andi línuritum, sem sýna árlegan fjölda
lax og silunga, sem veiddir eru á árunum
1904—1945, kemur það í ljós, að árlegt
lax- og silungsveiðimagn vex með aukinni
veiðisókn fram til 1921 hvað laxinn snertir,
og fram til 1924 hvað viðkemur silungn-
um, en eftir það dregur heldur úr veiðinni,
þó að veiðisóknin haldi áfram að aukast.
Girðingaveiðin í Ölfusá hófst t. d. á árun-
um eftir 1921 og nokkrum árum síðar í
Hvítá í Borgarfirði, en eins og fyrr getur,
jók þetta veiðarfæri veiðimagnið í þessum
ám að verulegu leyti. Á nefndum línuritum
hafa verið settar brotnar línu, sem sýna
meðalársveiði á fimm ára tímabilum. Lín-
ur þessar 'gefa greinilega hugmynd um,
nvert stefnir með veiðarnar.
Um veiðihorfurnar í framtíðinni er þetta
helzt að segja. Á síðustu tveimur áratug-
um hefir veiðisóknin aukizt og þar með
tilkostnaðurinn við veiðarnar, en hin
aukna fyrirhöfn hefir ekki skilað tilsvar-
andi auknum veiðihlut. Á undanfarandi
árum hefir veiðin minnkað áberandi mik-
ið, en síhækkandi verðlag á laxi og silungi
hefir þó verið nokkur raunabót. Það er
sýnt hvert stefnir í veiðiskapnum, ef ekki
verða gerðar einhverjar þær ráðstafanir,
Fjöldi veiddra laxa á íslandi á árunurn 1904—1945. — Heila línan sýnir veiðina frá ári til árs.
og örotna línan meðalveiðina á 5 ára tímabilum.