Freyr - 15.06.1948, Blaðsíða 8

FRIÝÍ
188
mun vera því aS kenna hvernig þær voru
valdar á sýninguna.
Þessi hrossahópur sýndi það glöggt, að
Hrunamenn eru á leið með að eignast
mjög lýtalítil, þrekmikil hross. Þau virt-
ust bera með sér flesta þá kosti, sem góð
hross má prýða. Þó sýníst mér höfuðlagið
ekki sýna nóga göfgi, og háls og makki
varla bera nægileg reiðhestseinkenni. Öll
voru þau ótamin, en litu út fyrir að hafa
góðan vilja.
Roði og dætur hans hlutu I. verðlaun
sem ættstofn og þótti það réttdæmi.
2. ættstofn: Börn Skugga frá Bjarnar-
nesi. Sýnandi Hrossaræktarfélag Gnúp-
verja. Sýndur var Gáski frá Hrafnkels-
stöðum, eign Sveins Sveinssonar bónda á
Hrafnkelsstöðum og 4 systur Gáska. Gáski
er þriggja vetra, brúnn, fullar 55 tommur,
reistur, þrekmikill, velborinn bolur, þrek-
leg lend. Fæturnir réttir, hreyfingar létt-
ar og fjaðurmagnaðar. Hálsinn er til lýta
stuttur en höfuðið fíngert og augun snör
og vakandi. Allt virðist benda til þess, að
Gáski geti orðið gæðingur, fái hann tamn-
ingu. Hann er kynstór í bezta lagi. Faðir
hans er Skuggi frá Bjarnarnesi en móðir
Stjarna á Hrafnkelsstöðum. Skuggi er
sjálfur mikill gæðingur og er kominn af
gæðingum (sonarsonur Blakks frá Árna-
nesi), en Stjarna er sonardóttir Skarðs-
Nasa og undan henni eru til mörg ágæt
reiðhross.
Skuggadæturnar 4 voru allar 5 vetra,
allar jarpar og báru mjög sterk sameig-
inleg einkenni. Þær eru líka mjög skyld-
ar, eiga allar Skarðs-Nasa að afa. Þær eru
stórar (54 tommur), reistar, með nokkuð
fíngeröan bol og velborinn kvið, með þrek-
lega, fremur stutta lend og sterka, rétta
fætur. Skapgerðin er ljúf. Öll báru þessi
afkvæmi Skugga einkenni reiðhestsins,
enda sennilega þannig valin á sýninguna.
Gnúpverjar eru komnir mjög langt á-
leiðis í hrossarækt eins og þessi hópur bar
með sér, enda er það ekki að undra, þar
sem þeir hafa haft höfuðsnillinga eins og
Skarðs-Nasa og Skugga frá Bjarnarnesi
hvorn á eftir öðrum.
Börn Skugga frá Bjarnarnesi hlutu ’l.
verðlaun sem ættstofn.
3. ættstofn: Afkvæmi Nasa frá Skarði.
Sýnandi Þorgeir Jónsson bóndi í Gufunesi.
Sýndur var stóðhesturinn Háleggur frá
Auðsholti, skyldleikaræktaður Nasasonur,
undan Stássu frá Sandlækjarkoti, en hún
var dóttir Nasa. Eigandi er Stefán Þor-
láksson, Reykjahlíð, Mosfellssveit. Hálegg-
ur er 8 vetra, rauðskjóttur, 54y2 tomma.
Hann er mikill skeiðhestur með góðan
vilja. Höfuðið er nokkuð gróft, makkinn
full lágur, hryggurinn réttur og sterkur og
lendin þrekleg. Heldur lýtti það hestinn á
sýningunni, að hann mun hafa verið nokk-
uð mikið notaður til reiðar fyrir sýning-
una. Háleggur er nokkuð grófbyggður og
vantar lipurð í hreyfingar, en hann er
traustur og vel taminn.
Með Hálegg var sýnd Drottning í Gufu-
nesi, undan Skarðs-Nasa og Bleik í Skaft-
holti, 2 dætur hennar, önnur undan Bleik
frá Varmadal og hin undan Skugga frá
Bjarnarnesi, og 1 dótturdóttir Drottning-
ar undan Mósa á Helgafelli. Drottning er
16 vetra, fönguleg, tæpar 55 tommur, með
sterka lýtalitla byggingu. Hún mun eiga
ennþá íslandsmet á 350 m stökki. Dætr-
um hennar og dóttur-dóttur svipaði um
margt til Drottningar, en voru nokkuð ó-
iíkar hver annarri, og sérstaklega þótti