Freyr - 15.06.1948, Blaðsíða 20

200
FREYR
Húsmæðrakennaraskólanum slitið
Húsmæðrakennaraskóli íslands hóf
starfsemi sína árið 1942. Námsfyrirkomu-
lagið við skólann er þannig, að nemendur
eru teknir annaðhvert ár en námið varir í
tvö ár.
Miðvikudaginn 2. júní var skólanum slit-
ið að þessu sinni og brottskráðir 12 nem-
endur, sem húsmæðrakennarar. Samtals
hafa nú 35 stúlkur lokið prófi við stofnun
þessa.
Skólaslit fóru fram í þetta sinn í hátíða-
sala Háskóla íslands, að viðstöddu fjöl-
menni. Skólastj órinn, ungfrú Helga Sigurð-
ardóttir, flutti glögga og greinargóða ræðu.
Gerði hún fyrst grein fyrir námsfyrir-
komulaginu, en því er þannig háttað, að
bókleg og verkleg fræði eru veitt í Reykja-
vík tvo vetur en sumarið á milli eru nem-
endur og kennarar í sveit; dvalið er að
Laugarvatni og þar lögð stund á hirðingu
búfjár, ræktun matjurta og meðferð og
hagnýtingu þeirra, farið er á grasafjall og
unnin hlutverk af öðru tagi er tilheyra
sveitalífi. — í þeim hluta ræðunar, sem
skólastjóri beindi til nemendanna, hinna
nýútskrifuðu kennara í húsmæðrafræðum,
Fremri röð:
Þórunn Pálsdóttir, Sauðanesi, Hún.,
Elín Friðriksdóttir, Úlfsstaðakoti,
Skag., Sigurl. Jónasdóttir, kennari,
Helga Sigurðardóttir, skólastjóri,
Anna Jónsdóttir, Birningsstöðum, S.-
Þing., Þorbjörg Finnbogadóttir,
Harðbak, N.-Þing., Stefanía Arna-
dóttir, Hjalteyri.
Ajtari röð:
Bryndís Steinþórsdóttir, Akranesi,
Þorgerður Þorgeirsdóttir, Reykjavík,
Jóna Kristjánsdóttir, Dalvík, Guðrún
Sigurðardóttir, Reykjahlíð, Mýv.sv.,
Dómhildur Jónsdóttir, Akureyri, Sig-
rún Arnadóttir, Vopnafirði, Rósa Þor-
geirsdóttir, Reykjavík.
lagði hún áherzlu á að rækja bæri híbýla-
menningu og háttvísi með sérstakri alúð.
Það hlutverk væri mikilsvert starf á vett-
vangi íslenzkra húsmæðra.
Er skólastjóri hafði lokið máli sínu og
afhent prófskírteini, kvaddi menntamála-
ráðherra, Eysteinn Jónsson, sér hljóðs og
talaði meðal annars um hlutverk húsmæðr-
anna og þýðingu heimilanna sem upp-
eldisstofnana í þjóðfélaginu.
Þá tók til máls frú Guðrún Pétursdóttir,
er minntist frú Elínar Briem, brautryðj-
andans í húsmæðrafræðslu hér á landi, er
stofnaði fyrstu húsmæðraskóla landsins, í
Skagafirði, Húnavatnssýslu og Reykjavík.
Afhenti hún þvínæst Húsmæðrakennara-
skólanum málverk af frú Elínu, sem gjöf
frá Kvenfélagasambandi íslands.
Fyrir hönd Húsmæðrakennaraskólans
þakkaði skólastjóri gjöf þessa og fór viður-
kenningarorðum um hin mikilsverðu störf
brautryðjandans í hérlendri húsmæðra-
fræðslu.
Athöfnin öll fór fram með miklum virðu-
leik og menningarsniði.
Hljómsveit lék íslenzk lög í byrjun, milli