Freyr - 01.10.1951, Qupperneq 32

318
PRE YR
Davíð Jónsson,
hreppstjórl, frá Kroppi
Fyrir tilmæli Freys hefir Hólmgeir Þorsteinsson rit-
að um látinn heiðursmann og ágætan bónda, hin
sönnu og fögru orð, sein hér fara á eftir.
Þegar mér barst dánarfregn Davíðs Jóns-
sonar frá Kroppi komu mér í hug þessar
ljóðlínur Jónasar Hallgrímssonar, er hann
kvað við andlát Bjarna Thorarensen:
„Skjótt hefir sól brugðið sumri,
því séð hef ég fljúga
fannhvítan svaninn úr sveitum
til sóllanda fegri.“
Að vísu kom mér andlátsfregnin ekki svo
mjög á óvart, en hitt var heldur, að við
burtför hans fann ég að skyggði að og
hljóðnuðu glaðværar raddir í umhverfi
hans, sem við samferðamennirnir höfðum
notið um langt skeið. Við vorum því svo
vanir að hver samverustund og samstarf
með honum væri eins og glaður leikur,
sem hressti og yljaði.
Davíð Jónsson var fæddur að Litla-Hamri
í Öngulsstaðahreppi hinn 12. september
1872. Foreldrar hans voru hjónin Rósa
Pálsdóttir á Tjörnum í Saurbæjarhreppi
Steinssonar, og Jón Davíðsson. Bjuggu þau
þá á Litla-Hamri. Sex ára gamall flyzt
Davíð með foreldrum sínum að Kroppi í
Hrafnagilshreppi, en tíu árum síðar, eða
1889, að Hvassafelli í Saurbæjarhreppi. Bjó
Jón faðir hans þar til ársins 1900. Haustið
1889, þá 17 ára gamall, fór Davíð í Möðru-
vallaskóla, en varð að hætta námi í öðrum
bekk sökum augnveiki. Þó batnaði sá kvilli
fljótlega, og gat hann því fyllilega bætt sér
upp með sjálfsnámi það, er á vantaði venju-
legan skólatíma. Davíð var bráðger andlega
og líkamlega, en þó aldrei vel hraustur.
Árið 1895 kvæntist Davíð Sigurlínu Jón-
asdóttur, frá Stóra-Hamri í Öngulsstaða-
hreppi, og hófu þau búskap á Kroppi.
Bjuggu þau þar til ársins 1945 að Sigurlína
lézt. Brá þá Davíð búi og fluttist að Grund
til Ragnars, sonar síns, og konu hans, Mar-
grétar Sigurðardóttur. Hann lézt á sjúkra-
húsi Akureyrar þann 27. febrúar 1951, rúm-
lega 78 ára gamall.
Tuttugu og þriggja ára gamall byrjaði
Davíð búskapinn og hélt honum uppi sam-
fleytt í 50 ár. Starfsdagurinn var því orð-
inn langur og athafnaríkur.
Þegar á fyrstu búskaparárunum voru
honum falin trúnaðarstörf fyrir sveitina,
og kom brátt að því, að á herðar hans hlóð-
ust flest þau störf, sem sveitungar hans
höfðu yfir að ráða. Hreppsnefndarmaður
var hann alllengi og um skeið hreppsnefnd-
aroddviti. Sýslunefndarmaður var hann
kosinn 1928 og hélt því starfi til 1950. For-
maður búnaðarfélags hreppsins var hann í
mörg ár, og í ýmsar aðrar nefndir og störf
var hann kjörinn af sveitungum sínum. Auk
þess var hann kvaddur til ýmissa starfa af
öðrum aðilum. Hreppstjóri Hrafnagils-
hrepps var hann skipaður árið 1904, þá að-
eins 32 ára gamall. Gegndi hann því starfi
í 45 ár. Skömmu upp úr aldamótunum var
hann ráðinn aðstoðarmaður Myklesteds
fjárkláðalæknis. Ferðaðist hann í þeim er-
indum víðsvegar um Norður- og Austur-
land. Formaður fasteignamatsnefndar