Símablaðið - 01.01.1976, Qupperneq 21

TRYGGINGAR OG FL.
Samningsbundnar tryggingaupphæðir
verða endurskoðaðar árlega. Nokkur ný
atriði eru komin í aðalkjarasamning t.d.
um aðbúnað og hollustuhætti, gistingu og
hlífðarföt.
8.33% ORLOFSFÉ
Eftir 1. maí 1976 skal greitt orlofsfé á
alla yfirvinnu og álagsgreiðslur. Reynist
orlofsfé manns í fullu starfi minna en 15
þús. 'kr. eftir árið þá fær hann greitt til við-
bótar orlofsframlag til að hann nái þessu
lágmarki.
GÓÐUR SAMNINGUR EÐA VONDUR
Hvernig una menn þessum samningi?
Þegar þetta er ritað þrem vikum frá
samningsgerð hefur þess orðið vart hjá hin-
um almenna félagsmanni að samningurinn
þykir lélegur hvað laun og kjör snertir en
ljósi punkturinn í honum sé fyrinhugaður
verkfallsréttur. Þó þykir slæmt að hann
skuli ekki einnig í höndum félaganna —
og að hann sé háður takmörkunum m.a.
um 50% þátttöku í allsherjaratkvæða-
greiðslu.
Okkur Opinberum starfsmönnum er ætl-
að að bera áfram kjaraskerðingu er orðið
hefur frá síðustu samningum — og er það
engin huggun að það verði aðilar að ASÍ að
gera einnig. Kjaraskerðing opinberra starfs-
manna er meiri frá síðustu samningum en
einstaklinga aðildarfélaga ASÍ eins og kem-
ur fram í HUGA fréttabréfi B.S.R.B. 1. tbl.
’76 þar sem vitnað er í greinargerð Sam-
bands ísl. sveitarfélaga. En þar kemur m.a.
fram að hækkun kauptaxta B.S.R.B. er 9
til 10% undir meðallagi árið 1975.
Sá takmarkaði verkfallsréttur er við
hljótum eftir mikla baráttu og fundarhöld
á lokastigi þessa áfanga er vissulega aðeins
áfangi að fullum verkfallsrétti. Varðandi
50% þátttöku í allsherjaratkvæðagreiðslu
er „Drög“ gera ráð fyrir er hægt að minna
á að allsherjaratkvæðagreiðsla hefur tvisv-
ar farið fram um uppsögn samninga B.S.
R.B.: 1965 með 73.1% þátttöku og 95.3%
Þorsteinn
Óskarsson.
sögðu já og 1967 með 85% þátttöku og
93.7% sögðu já.
Fyrmefndar atkvæðagreiðslur höfðu
ekki nálægt því svipaða þýðingu og gert er
ráð fyrir í framtíðinni fyrir okkur — Þann-
ig að við þurfum varla nokkru að kvíða
hvað þátttöku varðar — þó það sé tæpast
lýðræðislegt að ákvæði um að þeir sem
ekki nenna á kjörstað geti ráðið úrslitum.
Við lestur aðalkjarasamnings kemur í
ljós að ekki hefur samist um mörg atriði
aðalkröfugeraðar eins og t.d.:
— hækkun um 1 lfl. eftir 10 ára starf
— laugardagar teljist ekki orlofsdagar
— Óþægindaálag vegna óþrifalegrar eða
óþægilega vinnu
— verkfærapeninga
— greiðslur vegna starfa fjarri fastri
vinnumiðstöð og reglur um heimferð-
ir.
Enn er eftir að semja um sérkjarasamn-
inga aðildarfélaga B.S.R.B. Við skulum
vona að þar takist að vinna upp þann hróp-
lega mun sem er á launum og kjörum
stórra hópa innan okkar raða og þess ssm
gildir á almennum vinnumarkaði.
20.4. ’76 — Þ.Ó.
SIMABLAÐIÐ
19