Dagblaðið Vísir - DV - 30.03.2006, Side 23

DV Popp
FIMMTUDAGUR 30. MARS 2006 23
P!nk kemur með fjórðu plötuna sína á mánudaginn.
P!nk er hörð
Fjórða plata söngkonunnar P!nk kemur út á
mánudaginn og heitir I’m Not Dead. Síðast var
P!nk á ferðinni árið 2003 með plötuna Try This og
það var einmitt sú plata sem söngkonan var að
kynna er hún kom hingað til að spila og djamma í
miðbænum. Nýja platan er sögð sú persónuleg-
asta til þessa, m.a. semur pabbi söngkonunnar eitt
lagið á plötunni. Upptökustjórn var m.a. í hönd-
um Billy Mann, sem unnið hefur mikið með
Anastaciu; Butch Walker, sem hefur unnið með
Avril Lavigne; og RZA.
Fyrsta lagið sem komið er í spilun er Stupid
Girls. Það er grímulaus ádeila á innantóman fá-
vitaskap og útlitsdýrkun poppbransans. í
skemmtilegu en grófú myndbandinu sést vel
hvað P!nk er að pæla og hún er jafnvel harðari í
viðtölum: „Neysluhyggjan beinir augum okkar frá
því að hugsa um réttindi kvenna, hindrar okkur
frá því að hugsa um írak, stoppar okkur frá því að
hugsa um ástandið í Afríku - stoppar okkur bara
almennt frá því að hugsa,“ sagði söngkonan ný-
lega í MTV-viðtali. P!nk var alin upp í pönkinu svo
hún hefur alltaf verið á skjön við pissudúkkur
poppsins. Fyrsta upplagi plötunnar fylgir DVD
diskur, sem inniheldur viðtöl, myndbönd og ým-
islegt baksviðsefni.
Red Hot Chili Peppers varpa risahlunki á okkur 9. maí: 28 lög á tveggja diska
plötunni Stadium Arcadium.
Asperger rokk
Ástralska rokkbandiðThc Vines kemur
með þriðiu plötuna sína í byrjun apríl.
Vision Valley heitir hún. Platan er mun
hrárri en síðasta plata og er lagið Don't
Listen to the Radio, sem nú nýtur vin-
sælda á íslenskum rokkstöðvum, gott
dæmi um stílinn. Söngvarinn Craig
Nicholls hefur verið i tómu tjóni og var
talið að þetta væri týpískt rokkrugl. Loks
rann þó upp fyrir mónnum Ijós þegar
hann greindist með Asperger-heilkenn-
ið, sem er einskonar einræna. „Á plöt-
unni díla ég við allt það sem hefur
gerst," sagði Craig. „Hausinn á mér var
fullur af stöffi."
Sir Tom Jones
Nærbuxnamóttakarinn Tom Jones var
sleginn til riddara af Bretlandsdrottn-
ingu i gær og bættist þar með i hóp
poppara sem hefur hlotnast sami heið-
ur. Fyrír eru m.a. Paul McCartney, Mick
Jaqqer og Elton John. Þetta var rosa
heiður fyrirTom sem er mikill drottning-
arsinni. „Hún var yndisleg elns og alltaf.
Þegar hún brosir fjómar alit andlitið á
henni," sagði Tom um frú Elfsabetu, al-
veg í skýjunum.
Embrace flytja
fótboltalagið
Þegar Englendinqar ná í heimsmeistara-
keppnina í fótbolta fær einhver hljóm-
sveit það vandasama verkefni að semja
og flytia stuðningslagið. f gegnum tið-
ina hara sveitir ems og Lightning Seeds
og New Order gert fótboltalög og í ár
ríkti mikil spenna að sjá hver flytti lag
sumarsins. Nöfn eins og Kaiser Chiefs og
Tony Christie voru nefnd til sögunnar,
en nú er komið upp úr kafinu að hljóm-
sveitin Embrace fra Manchester mun
semja lagið. Það heitir World at your
Feet og verður frumflutt þegar nær
dregur hátfðinni.
Koma iönkinu attur á koitið
Stadium Arcadium
28 laga risahlunkur.
Red Hot Chili Peppers
Hressir á góðgerðasam-
kundu nýverið.
Red Hot Chili Peppers er eitt af
stóru nöfnunum í rokkinu með
plötusölu upp á rúmlega 50 milljón
eintök. Söngvarinn Anthony Kiedis
og bassafanturinn Flea hafa verið í
bandinu frá byrjun (1983), en
trommarinn Chad Smith kom í
hópinn 1989. Gítarleikinn John
Frusciante kom inn 1988 og aftur
1998 eftir að hafa verið hættur í sex
Allir voru í finu formi
Nýja platan er sú níunda í röð-
inni og kemur í kjölfar plötunnar
By the Way frá 2002. Stadium
Arcadium er langfeitasti pakkinn
frá bandinu til þessa með 28 lög á
tveimur diskum. Blood Sugar Sex
Magic frá árinu 1991 kemst næst í
lengd með 19 lög. Nýja platan hefði
þó getað verið ennþá lengri því 38
lög voru tekin upp og fullunnin.
Upphafleg hugmynd var að gefa
þetta út á þremur plötum, tríólóg-
íu, og áttu plöturnar að koma út
með hálfs árs fresti.
Meðlimirnir og Rick
Rubin upptökustjóri
þurftu því að skera
niður um 10 lög og
það var ekki auðvelt
verk.
„Upphaflega vild-
um við bara gera 13
laga plötu," segir
Anthony, „en eins og
hin skiptin sem við
höfum reynt það
enduðum við með
þrjátíu og eitthvað
lög. Munurinn
núna er að við fll-
uðum öll lögin sem
við sömdum svo
það var verulega
erfitt að skera
þetta niður í 28
lög."
Platan var tekin upp í sama hús-
næði í Hollywood-hæðunum og
bandið gerði Blood Sugar Sex
Magic. „Allir voru vel stemmdir og í
góðu formi þegar við byrjuðum á
þessu," segir Anthony. „Enginn
okkar hafði orðið fyrir persónuleg-
um eða sálfræðilegum bömmerum.
Það er erfitt að ná saman á einn
stað fjórum gaurum sem eru allir á
hátindi í líðan sinni. Og þess vegna
var hreinn unaður að gera þessa
plötu."
Algjört skítafönk
1 risapakkanum kennir ýmissa
grasa en sterk áhersla virðist vera á
fönkið. Anthony hefur kallað plöt-
una „þroskaheftandi og sársauka-
fullt fönk" og að sum lögin séu
hreinlega „algjört skítafönk". Hann
bætir þó við að þeir melódísku tón-
ar sem einkenndu síðustu tvær
plötur sé enn að finna.
Flea er ekkert að skafa utan af
því og hefur fullyrt að þetta sé lang-
besta plata bandsins. „Ef þú fílar
ekki þessa plötu þá fílar þú ekki
Red Hot Chili Peppers. Punktur,"
sagði bassafanturinn.
Fyrsta lagið af plötunni, Dani
California, fer í alheimsspilun á
mánudaginn og á sama tíma er
myndband leikstýrt af Tony Kaye
(American History X) frumsýnt.
Stadium Arcadium kemur svo út eins
og áður segir 9. maí og verður fáan-
legt í viðhafnarútgáfu með DVD-
diski og auka prentefni. Hljómsveitin
leggst í langan tónleikatúr í sumar og
hlakkar óskaplega til að flytja lögin af
plötunni á tónleikum.
Þægileg stemning
Fyrir45árum:
JóhannAsmundsson, bassaleik-
ari Mezzoforte, fæðist.
Fyrir44 árum:
MC Hammer fæðist.
Fyrir38 árum:
Celine Dion fæðist.
Fyrir 32 árum:
Fyrstu tónleikar Ramones í
Performance Studio, New
York.
Fyrir27 árum:
Norah Jones fæðist.
Dúettinn Ampop var búinn að
vera starfandi árum saman þegar
hann sló loks í gegn í fyrra með
þriðju plötunni sinni. í því ljósi
þótti við hæfi að endurútgefa plötu
sveitarinnar frá árinu 2002, Made
for Market, og þessa sólóplötu Birg-
is Hilmarssonar, sem hann gerði
undir listcimannsnafhinu Blindfold.
Platan var gefin út í fyrra hjá enska
smámerkinu Resonant og hafði ver-
ið fáanleg hérlendis ef fólk leitaði
vel, en er nú komin í almenna dreif-
ingu á vegum Dennis (Senu). Plöt-
una gerði Birgir þegar Kjartan félagi
hans í Ampop var að klára sálfræð-
ina í háskólanum. Platan var unnin
á árunum 2002 - 2004. Birgir syngur
og spilar á velflest hljóðfærin sjálf-
ur, en gítarleikarinn Ólafur Jóseps-
son (betur þekktur sem Stafrænn
Hákon) kemur nokkuð við sögu, svo
og trommarinn Jón Örn Arnarson
og Þorsteinn K. Ólafsson (betur
þekktur sem Prince Valium) sem
spilar á hljóðgervla í nokkrum lög-
um.
Tónlistin er mjög ljóðræn, lág-
stemmd og róleg og minnir um
margt á fyrri verk Ampop, en minna
á poppið sem sveitin sló í gegn með.
Tónlistin er í flestum tilfellum inni-
haldsrík; nógu melódísk, kaflaskipt
og spennandi til að maður haldist
vel vakandi yfir henni. Flæðandi
bergmálsdrekktir gítarar, hægir
trommutaktar, sveimandi hljóð-
gervlar og letilegur söngur búa til
^BIindfold - Blindfold Dennis gefur út —‘ÍA, ■ ifySpiíi sí-'íí
1
gjjpiötudómur Dr. Gunna |
áheyrilega bakgrunnstónlist sem
aldrei rífur f þannig að maður rísi
upp við dogg úr þægilegri stemning-
unni. Margt af þessari tónlist, sér-
staklega ósungnu lögin, gæti sómt
sér vel sem tónlist í listrænni mynd.
Birgir getur verið stoltur af þess-
ari plötu, hún er ágæt fyrir sinn
hatt, en mér finnst nú reyndar að
hann sé núna að gera mun meira
spennandi hluti ásamt félögum sín-
um í leitandi pop pinu hjá Ampop.