Freyr - 15.01.1971, Qupperneq 20

íbúðarhúsið á STATJR á Heiðmörk. J>ar brann fyrir nokkrum árum en var endurbyggt í upprunalegum
stíl. Statens Kornforretning á jörðina og hefur þar tilraunabúskap.
skjóli gnæfandi trjáa standa mjög veglegar
byggingar og þegar vorþeyr leikur um
landið er það skrjáf laufsins, sem berst til
eyrna og frá greinum og runnum kveður
við kliður fuglanna. í bókahillum hins
mikla og veglega tveggja hæða íbúðarhúss
má leita og finna bækur um sögu Noregs
og byggðarinnar og staðarins, sem ýmist
hefur verið skráð sem Staffwer, Stöver
eða Staur, en hefur sennilega í upphafi
heitið Staðr, samkvæmt rithætti miðald-
anna, er svo hefur ruglast í framburði og
eðið tínzt. En hvað um það? Á Staur áttu
gestirnir dæmafárri gestrisni að fagna í
orði og á borði. Þaðan var horfið á morgn-
ana og þangað snúið að kveldi en nágrenn-
ið skoðað um daga.
Um heiðar og hervegu
Leiðirnar um þennan frjósama hluta lands-
ins og þaðan til annarra landshluta, hafa
að sjálfsögðu verið troðnar um allar aldir.
Sögurnar frá miðöldum, þegar Noregur var
mörg fylki og konungur réð fyrir hverju,
greina frá leiðum þeim, sem forfeðurnir
riðu með alvæpni. Þær vegalengdir eru
að sjálfsögðu hinar sömu nú og þá. En
fargögnin eru bara önnur á okkar dögum.
Leiðirnar frá Heiðmörk og Guðbrands-
dal norður til Þrændalaga hafa auðvitað
alla tíð verið um Dofrafjöll og norður um
Austurdal frá Heiðmörk, og frá gömlum
dögum hafa reiðgötur verið þekktar um
ása og heiðar, þar sem selstöður voru um
aldir en eru nú niður lagðar. Búskapur í
norskum seljum, með kýr og geitur sum-
arlangt, er ekki í tízku lengur. í stað sel-
staðna eru heiðalöndin nú notuð og nytjuð
sem sumarlönd bæjarfólksins, sem reisir
þar sumarbúðir og eru víða risin heil þorp
og bæir slíkra byggða um heiðar og hálsa.
Vegna hollustuhátta er þess nú krafist, að
46
F R E Y R