Freyr - 01.07.1985, Blaðsíða 34

Ritfregnir
„Ræktun kartaflna“, fræöslurit B.í.
RÆKTUN KARTAFLNA
Búnadarfélag íslands
Frædslurit nr. 6
1985
Út er komið á vegum Búnaðarfé-
lags íslands fræðslurit nr. 6 1985
sem ber heitið Ræktun kartaflna.
Höfundar þess eru fimm: þeir Jón
Ólafur Guðmundsson, Bútækni-
deild Rala; Magnús Sigsteinsson,
Búnaðarfélagi Islands; Ólafur G.
Vagnsson, Búnaðarsambandi
Eyjafjarðar; Óli Valur Hansson,
Búnaðarfélagi íslands og Sigur-
geir Ólafsson, Rala.
Ritið fjallar á afar aðgengilegan
hátt um allar hliðar kartöflurækt-
unar, svo sem kartöfluafbrigði,
val garðstæðis, útsæði, forspírun,
áburð, niðursetningu, illgresis-
eyðingu, notkun plasts, upptöku,
geymslu og sjúkdóma og meindýr.
Er síðastnefndi kaflinn lengstur og
ítarlegastur.
I formála segir:
„Leiðbeiningar á prenti er lúta
ræktun kartaflna almennt hafa
ekki verið fáanlegar hin síðari ár.
Hins vegar hafa iðulega birst
greinar á ýmsum vettvangi um
afmörkuð viðfangsefni s. s. í Frey
og Handók bænda svo að nefnd
séu dæmi. Af þessum sökum var
talið tímabært að gefa út það
fræðslurit sem hér birtist en það er
ávöxtur nokkurra aðila sem starf-
að hafa saman um árabil að fram-
gangi kartöfluræktar. Við samn-
ingu ritsins var reynt að hafa
heimilisræktun að leiðarljósi en
ritið ætti þó að nýtast bæði leikum
og lærðum.“
Óhætt er að segja að vel hefur
tekist til um þessa útgáfu. Prentun
er með ágætum og er ritið prýtt
litmyndum. Ritið er 56 síður og
kostar kr. 175 og fæst hjá Búnað-
arfélagi íslands, Pósthólf 7080,
127 Reykjavík, sími 91—19200.
522 Freyr
Heildsala og smásala
Osta- og smjörsalan
Bitruhálsi 2, sími 82511
GÓÐAN DAG
Það er ekkert slen í kálfunum,
sem fá kálfafóðrið frá okkur.
Ef þú villt tryggja góða fóðrun
ungkálfa, þá gefur þú þeim
kálfafóður og kraftfóður frá 4ra
daga aldri og fram til 12 vikna
aldurs.
Kálfafóðrið er undanrennu-
mjöl, blandað tólg. Eitt kg af
kálfafóðri á að hræra út í 8
lítrum af vatni. Hæfilegt er að
gefa kálfum 2,0 til 4,5 lítra af
blöndunni á dag. Það fer eftir
aldri og öðru fóðri.