Freyr - 01.07.1987, Blaðsíða 14
um, í Hollandi og Bretlandi. Ár-
lega eru erlendir garðyrkjunemar í
verklegu námi hjá okkur. Á móti
höfum við getað komið allmörg-
um garðyrkjunemuin í verklegt
nám og framhaldsnám í þessum
löndum.
Skólinn er virkur þátttakandi í
samtökum norrænna búvísinda-
manna, (NJF). Einnig á skóla-
stjóri, fyrir hönd Islands, sæti í
stjórn alþjóðasamtaka garðyrkju-
sérfræðinga, en í þeim samtökum
eru 47 þjóðir. Þá hafa og erlendir
háskólanemar unnið hér að loka-
verkefnum sínum, nú síðast tveir
nemar í landslagsarkitektúr frá
háskólanum í Wageningen í Hol-
landi. Við reynum og að sækja
sem mest fundi og ráðstefnur er-
lendis til þess að fylgjast með
nýjungum.
Innlend samskipt?
Varðandi innlend samskipti vil ég
taka sérstaklega fram að skólinn
hefur átt mjög góð samskipti við
hin ýmsu félagssamtök garðyrkju-
manna, svo sem Santband garð-
yrkjubænda, einstök garðyrkju-
bændafélög, Félag garðyrkju-
ntanna, Félag skrúðgarðyrkju-
meistara, Félag landslagsarki-
tekta, enda er það grundvallarfor-
senda fyrir árangursríku starfi
skólastofnunar eins og Garðyrkju-
skólans, að eiga gott samstarf við
atvinnulífið.
Mér er nú annt um gamla
skólahúsið? Hvaða örlög bíða
þess?
Við viljum endilega varðveita það
og höfum verið að velta fyrir okk-
ur hvaða hlutverki það geti gegnt í
framtíðinni. Og nú hefur verið
ákveðið að gera húsið að safni.
Þar yrði þá m.a. komið fyrir
A Reykjum eru rœktadir bananar.
gömlu húsgögnunum, sem notuð
voru á fyrstu árum skólans, heim-
ildum um náttúrufar og sögu stað-
arins og yfirliti yfir þróun og sögu
íslenskrar garðyrkju. Skólinn á í
fórum sínum allgott safn gamalla
hestaverkfæra frá þeim tíma að
búrekstur var rekinn á Reykjum,
eða til ársins 1958, og sem auk
þess voru að sjálfsögðu notuð við
garðyrkjustöðina. Þau yrðu auð-
vitað þarna að finna. Ef af stofnun
fólksvangs verður og Ölfusforir
yrðu friðlýstar, þá verður þetta
nokkurs konar fræðslusetur fyrir
svæðið. Um þetta hefur nú náðst
samstaða og er hugmyndin að
hrinda hugmyndinni í framkvæmd
sem fyrst.
Bókasafn skólans.
Bókasafn skólans telur nú um
3000 bindi, allt garðyrkjubækur.
Við fáum um 65 tímarit um garð-
yrkju, einkum erlend. Undanfarin
tvö sumur hefur verið unnið að því
að tölvuskrá safnið. Ætti því að
verða lokið á næsta ári.
Ef við víkjum þá að
skipulagsmálum staðarins, hvar
eru þau á vegi stödd?
Það er búið að ganga frá skipulagi
á öllu heimasvæði skólans. Var
það upphaflega samþykkt 1983.
Liður í því var stóraukin trjárækt
og skógrækt á skólastaðnum. Það
sem af er þessum áratug hefur
nálægt 10 þúsund trjám og runn-
um verið plantað árlega. Þar sem
trjám var fyrst plantað, fyrir um
20 árum. er nú risinn fallegur
skógarteigur, þar sem sum greni-
trén eru orðin um 5 m á hæð.
Akbrautir og gangstígar hafa verið
lagðir um svæðið, lækir brúaðir og
votlendi ræst fram, þannig að allt
er nú til reiðu fyrir þá ræktun, sem
fyrirhuguð er.
Þarna skapast auk þess aðstaða
fyrir margháttaðar tilraunir, sem
nú þegar er farið að nýta.
Land Reykja er þekkt fyrir ýmis
náttúrufyrirbæri. Ber þar fyrst að
nefna hverina, sem vakið hafa
mikla athygli erlendra ferða-
502 Freyr