Freyr - 15.09.1987, Blaðsíða 17

Jafnvægi í framleiöslumálum
þarf að nást
Kaflar úr ræðu Hermanns Sigurjónssonar
Hermann Sigurjónsson sagði m.a.
„Svo djúp og glögg spor hafa þessi
samtök frá upphafí markað í sögu
lands og þjóðar til alhliða upp-
byggingar og framfara, að ærin
ástæða er til að staldra við um
stund, fagna farsælu starfí og
votta virðingu og þökk frumherj-
unum, þessum hugsjónamönnum
sem sáu langt fram til ókominna
tíma.
Sama gildir um alla þá sem síðan,
allt til þessa dags hafa haft með
höndum forystuhlutverk í Bún-
aðarfélagi íslands og öðrum sam-
tökum og stofnunum landbúnað-
arins. Ég óska öllum félagasam-
tökum landbúnaðarins framtíðar-
heilla.“
Ræðumaður sagði að gerð land-
búnaðaráætlunar væri vandasamt
verk. Torvelt væri að sjá fyrir hið
ókomna og hugsa rétt viðbrögð
við því. Reynslan af framleiðslu-
stjórn síðustu ára væri mikilvæg.
„Pað var að mínu mati rökrétt
ákvörðun íslenskra bænda, þegar
þeir á sínum tíma gengust af ótrú-
lega mikilli samstöðu undir fram-
leiðslustjórn í sauðfjár- og mjólk-
urframleiðslu. Enn er það skoðun
mín að farsælla væri við núverandi
aðstæður að sú stjórnun næði til
fleiri framleiðsluþátta. Þó skulu
menn vera minnugir þess að eng-
inn atvinnuvegur nýtur sín eðli-
lega undir langvarandi og
ósveigjanlegri miðstýringu. Um
það hafa menn mörg og glögg
dæmi frá öðrum þjóðum Því ber
að leggja áherslu á að ná jafnvægi
í framleiðslumálum og aðlögun að
breyttum aðstæðum svo að unnt
verði að slaka á hörðum stjórnun-
araðgerðum."
Hermann Sigurjónsson.
Hermann tók undir það sem
fram kemur í ályktuninni að stofn-
að verði til nýrra starfa til að
treysta byggð og viðhalda henni
sem víðast um landið. Hann sagði
að byggðamál væru samfélagsmál
sem ríkisvaldið yrði að hafa for-
ystu um.
„Ég vil sérstaklega vara við því
að þeir erfiðleikar sem nú er við
að fást í hefðbundnum búrekstri
verði til þess að menn gleymi
þeirri staðreynd að frjómáttur
moldarinnar er ein af dýrmætustu
auðlindum þessarar þjóðar, og
skynsamleg nýting þeirrar auð-
lindar er snar þáttur tii að tryggja
farsæla afkomu fólksins í landinu,
og vörn gegn ófyrirsjáanlegum og
óviðráðanlegum áföllum sem að
garði gætu borið gagnvart við-
skiptum þjóðarinanr við um-
heiminn.“
Að iokum lýsti ræðumaður
stuðningi sínum við ályktunina.
J.J.D.
ÆÐARDÚNSBÆNDUR
Tökum œðardún til vélhreinsunar og fjaðratínslu.
Kaupum œðardún.
Vinsamlegast hafið samband.
XCO hf. Inn- og úfflutningsverslun.
Búðargerði 10, sími 82388
108 Reykjavík.
Freyr 205