Fylkir - 23.12.1967, Side 17

JÓLABLAÐ FYLKIS 1967
17
FJÓRIR AF RITSTJÓRUM
ast hiti í togaramálin, þegar fram
kemur, að um bullandi tap á þeim
er að ræða, og magnast deilurnar
með hverju blaði, sem út kemur.
og liggur við að upp úr sjóði.
Fljótlega eftir áramótin, þegar
5. árgangur hefur göngu sína, tek-
ur Jóhann Friðfinnsson við rit-
stjórn að öllu leyti, og sama ár
byrjar Björn Guðmundsson að
skrifa Neðan frá sjó.
Með 6. árgangi tekur svo Einar
H. Eiríksson við ritstjórn blaðsins
og annast hana næstu átta ár eða
til 13. árgangs, og hefur hann rit-
stýrt Fylki lengur en nokkur ann-
ar. Þessi ár var blaðið hið fjöl-
breytilegasta að efni. Nokkuð
hiinnkaði hitinn í pólitíkinni og
færðist frá skamma og níðgrein-
um um andstæðingana út í mál-
efnalegar deilur að meira leyti.
Menn voru orðnir meira „kúltív-
eraðir” í málflutningi en var.
Öll þessi ár komu út myndar-
leg jólablöð með margvíslegu efni
til fróðleiks og skemmtunar. Eitt
þeirra birti til dæmis mjög góða
grein um landhelgisgæzluna ásamt
fjölda mynda úr sögu hennar.
Um svipað leyti og þetta var,
reis upp félagsskapur á íslandi, er
var nefndur Grænlandsáhugafé-
lagið. Var markmið þess að sanna
rétt íslendinga til Grænlands og
fá fullan yfirráðarétt yfir landinu.
Jón Dúason var einn helzti for-
vígismaður samtakanna, og skrif-
aði hann meðal annars nokkrar
greinar um málið í Fylki til að
sanna mál sitt og fá menn á sitt
band. Heldur urðu þó undirtektir
landsmanna daufar um þetta, og
mun félagsskapurinn hafa lognazt
útaf að lokum.
Fylkir var nú búinn að slíta
barnsskónum, ef svo mætti segja,
kominn á fjórtánda árið. Hinir á-
gætustu menn höfðu séð um upp-
eldi hans á æskuskeiðinu, og Ein-
ar H. Eiríksson lét af ritstjórn,
þegar gelgjuskeiðinu var lokið, og
unglingsárin voru að byrja.
14. árgang hafði Jóhann Frið-
finnsson aftur ritstjórn með hönd-
um, og næsta ár tók Björn Guð-
mundsson við Fylki. Sigfús John-
sen sá um 16. árgang og Björn
Guðmundsson enn á ný með 17.
og 18. árgang fram að hausti, en
þá tók við sá, er þessar línur skrif-
Þá voru Vestmannaeyingar líka
farnir að hugsa til þess að ein-
hvern tíma myndi upp sú stund
renna, er þeir fengju að svala
þorsta sínum með öðru vatni en
því, sem þeir gátu safnað saman
af þökum sínum. 22. marz, 1957,
cða liðlegum 10 árum ritar Bald-
ur Johnsen, þáverandi héraðslækn-
ir í Vestmannaeyjum grein í blaðið
um öflun neyzluvatns og minnist
í henni á þá möguleika, sem séu
fyrir hendi, án þess að slá neinu
föstu um það, hver verða muni
endanlega lausnin. Minnist hann á
borun og eimingu og einnig þá
lausn, sem fyrir valinu hefur orð-
ið, eða lagningu leiðslu frá landi.
Sennilega hefur hann þá sízt órað
fyrir því, að sú leið yrði valin, þar
sem hann telur talsverða erfiðleika
fyrir hendi með slíkt, og hefur
greinilega meiri áhuga á öðrum
leiðum.
En eftir þetta taka að spinnast
umræður og skrif um málið og hef-
ur svo staðið má segja óslitið fram
til þessa dags.
Togarinn Elliðaey, VE 10. Togararnir voru hið mesta bitbein í bæjarblöðunum hér um langt skeið.
Guðlaugur Gíslason.
Jóhann Friðfinnsson.
Björn Guðmundsson
FYLKIS GEGNUM ÁRIN
ar, og er að ljúka 19. árgangi blaðs-
ins. Það yrði allt og langt mál að
ætla sér í einni blaðagrein að
koma inn á öll þau svið, sem rædd
hafa verið í blaðinu á þessum 19.
árum, og þes vegna aðeins verið
tekin nokkur sýnishorn af blaðinu
á ýmsum tímum og þá frekast frá
fyrstu árum þess, þar eð menn
munu frekar kannast við hin nýrri
mál, sem komið hafa fram á und-
anförnum árum.
Öll þessi ár hefur Fylkir komið
reglulega út, nema hann hefur nátt
úrlega eins og aðrir fslendingar
tekið sér sitt sumarfrí. Á hverju
ári hefur einnig komið út sérstakt
jólablað, og hefur verið reynt að
vanda sem mest til þeirra, eftir
því sem föng hafa verið á.
Enn í dag er blaðið með svip-
uðu sniði, hvað útlit snertir, og
þegar það hóf göngu sína, til dæm-
is er sami haus á blaðinu og var,
þegar það hóf göngu sína árið
1949. Þá er uppbyggingin með svip
uðu sniði og var, auglýsingar frá
fyrirtækjum og einstaklingum sjá
aðallega um fjárhaginn, auk sölu-
verðs, og má í því sambandi ekki
gleyma að minnast allra þeirra
Sigfús Johnsen.
I
fjölmörgu barna, sem unnið hafa
við útbreiðslu og sölu á blaðinu.
Aðstaðan hefur að vísu breytzt
mikið síðan fyrsta blaðið leit dags-
ins ljós, til dæmis þurfti áður að
panta myndamót frá Reykjavík,
og var það að sjálfsögðu erfitt og
tafsamt, og oft vanskil á myndum.
Nú er aftur á móti starfandi klisju-
gerð við prentsmiðjuna og hefur
orðið til mikilla bóta.
Fylkir nálgast nú tvítugsaldur-
inn, og á vonandi langa líf-
daga fyrir höndum. Þeir eru orðn-
ir margir, sem stuðlað hafa á einn
eða annan hátt að útgáfu hans
þennan tíma, og vonandi, að sú
tala eigi eftir að margfaldast í
framtíðinni, þannig að blaðið geti
áfram fylgt þeirri stefnu, sem því
var í upphafi ætlað að gera.
Megi hagur hans verða sem bezt-
ur öðrum til góðs.
Eg vil sérstaklega þakka Þor-
steini Þ. Víglundssyni fyrir góð-
vild hans í minn garð og hjálp-
semi við samningu greinarkorns
þessa, en án aðstoðar hans hefði
það ekki verið 'framkvæman-
legt.
Sigurgeir Jónsson.