Skólablaðið - 01.04.1966, Síða 49

- 197 -
Á skólafundi hinn 15. marz s. 1. flutti
undirritaður frumvarp til laga um blað,
sem bera skyldi heitið Menntaskólablað-
ið. Frumvarpið var í átta greinum.
Kváðu þær á um tilgang, tilhögun stjórn-
ar og flest annað, sem lögfesta þyrfti
vegna slíkrar utgáfu. Markmið útgáfu
blaðsins var að kynna skólann og starf-
semi þá, er þar fer fram. Fimm
manna ritnefnd skyldi stýra blaðinu og
formaður hennar vera ritstjóri þess.
Skyldu embættismenn þessir kjörnir
samkvæmt lögum um störf embættis-
manna Skólafélagsins. Menntaskólablað-
ið skyldi gefið út árlega, nánar tiltekið
í marz.
Margar lagabreytingartillögur og
nokkur nýmæli voru til úrlausnar skóla-
fundar og vannst ekki tími til afgreiðslu
þeirra þennan morgun. Árdegisfundinum
15. marz var þvú fram haldið í lok
skólatxma árdegisbekkjanna þann dag.
Að fáeinum dögum liðnum var enn
boðað til skólafundar um framkomin ný-
mæli og lagabreytingartillögur.
Undirritaður lifði í þeirri von á
framangreindum fundum, að kjarnmiklar
og jákvæðar umræður ættu sér stað um
Menntaskólablaðið. Hann gerði sér i
upphafi grein fyrir, að skoðanir yrðu
skiptar um málið. Svo er um allt, sem
gerir ráð fyrir einhverju nýju. En biðin
eftir kjarnmiklum og jákvæðum umræðum
varð löng. Hún varir í raun réttri enn.
Fáeinir skólafélagar komu í ræðustól
og ræddu frumvarpið. Var umgengni
þeirra við staðreyndir misgóð og um-
ræðurnar í heild þvú miður ekki þess
verðar, að á pappír séu settar.
Gagnlegust var ræða ritstjóra Skóla-
blaðsins. Hann gerði grein fyrir af-
stöðu sinni og Skólablaðsins til hins nýja
blaðs. Hann taldi útgáfu Skólablaðsins
standa í járnum og ekki þolat hugsan-
lega samkeppni um efni. Þrátt fyrir, að
ekki væri gert ráð fyrir samkeppni
milli blaðanna svo neinu næmi, höfðu
þessar upplýsingar talsvert gildi.
Það var flutningsmanni fjarri að gera
tilraun til að knýja fram samþykkt
frumvarpsins ofan á þann veika grund-
völl, sem fram kom með áhugaleysi
skólafélaga, enda var frumvarpið fyrst
og fremst hugsað sem hugvekja um
þetta mál.
r lok umræðna, þ. e. þegar öll von
var úti um skaplegar umræður, var
frumvarpið dregið til baka með svo-
hljóðandi greinargerð : "Tilgangur flutn-
ings frumvarps um Menntaskólablaðið
er sá, að vekja menn til umhugsunar
um efni hugsunarinnar að baki blaðsins.
Eðli nýmælisins er þannig, að almennur
áhugi og frjóar umræður skólafélaga
á þessum vettvangi ( skólafundi ) er höf-
uðforsenda tilkomu blaðsins. Þessu
aðalatriði hefur ekki verið fullnægt.
Frumvarpið er af þeim sökum hér með
dregið til baka. "
Undirritaður er þess fullviss, að
þrátt fy.rir þessi málslok lúður ekki á
löngu þar til málið verður tekið upp að
nýju og hugmyndin ef til vill færð í
annan ytri búning, t. d. með lítilli skipu-
lagsbreytingu Skólablaðsins.
Staðreynd er, að tengilið vantar milli
skólans annars vegar og gamalla nem-
enda og annarra áhugamanna um mál-
efni stofnunarinnar hins vegar. Um það
geta skoðanir ekki verið skiptar.
Það, sem skilur, er mismikil trú á
getu skólafélaga til félagslegra átaka.
Undirritaður trúir þvf og veit, að nem-
endum M. R. er í lófa lagið að leysa
verkefnið, sem hér hefur verið gert að
umtalsefni.
Það bíður aðeins tíma almennrar
trúar og áhuga nemenda.
Ármann Sveinsson.