Litli Bergþór - 01.07.1997, Blaðsíða 27

Frá Bókasafni Biskupstungna
Bókasafn Biskupstungna hóf útlán sín um miðjan
nóvember í vetur. Það er samsteypa úr safni
Ungmennafélagsins, sem starfað hefur lengi, og
skólabókasafni sveitarinnar.
í safnstjóm eru Bjami Kristinsson, Pétur
Skarphéðinsson, Ingunn Bima Bragadóttir, Kristinn
Bárðarson og svo Þuríður Sigurðardóttir. Safnstjóm hélt
tvo fundi á vetrinum.
Frá því í nóvember og fram eftir febrúar var safnið
opið tvö kvöld í viku þ.e. á þriðjudags- og
fimmtudagskvöldum milli hálf níu og hálf ellefu. Halla
Bjamadóttir á Vatnsleysu sá um útlánatímana eins og
hún hefur gert undanfama vetur. Seinni hluta vetrar var
safnið aðeins opið einu sinni í viku fyrir almenning en
það var á þriðjudagskvöldum. Aðsókn var góð um
miðbik vetrarins en minnkaði nokkuð þegar leið að vori.
Skólabókasafnið var aftur á móti opið nemendum og
starfsfólki skólans þrjá daga í viku allan starfstíma
skólans. Safnið verður svo lokað til loka ágúst en þá
opnar það aftur.
Bókainnkaup vom í samráði við Ingu Bimu
Bragadóttur og voru svo ákveðin á fundi safnstjómar.
Mest var keypt af bókum fyrir jólin en samt að nokkru
jafnt og þétt yfir veturinn.
Nemendur skólans fengu bækur lánaðar frá
septemberbyrjun og aðrir lánþegar á opnunartíma
safnsins frá því seint í nóvember og til mafloka. Ekki em
notuð útlánaskírteini en öllum sveitungum er heimilt að
fá lánaðar bækur án endurgjalds. Eg vil nota tækifærið
til að þakka skil á bókum og góða samvinnu.
Eldri böm leikskólans komu í sögustund einu sinni í
viku um miðjan veturinn. Einu sinni komu eldri borgarar
sveitarinnar í heimsókn í skólann og skoðuðu jafnframt
safnið og voru það allt ánægjulegar heimsóknir.
Fram hefur farið tölvuskráning safnsins í gagnagrunn
og er henni ekki að fullu lokið. Það verk unnu Sigurður
Guðmundsson og Stefán Böðvarsson ásamt bókaverði. í
sumar mun sú skráning vonandi þokast áfram og vonandi
verður hægt að senda bókalista heim á heimili í haust til
að greiða fyrir útlánum og notkun safnsins.
Safninu hafa borist góðar gjafir og þakkar þær og alla
fyrirgreiðslu, sérlega er Drumboddsstaðaheimilinu
þökkuð stór bókagjöf.
Þunður Sigurðardóttir, bókavörður.
Frá Slysavarnadeild og
Björgunarsveit
Aðalfundur Slysavamardeildar Biskupstungna var
haldinn 23. maí. Sitjandi formaður Svavar Sveinsson á
Drumboddsstöðum gaf ekki kost á sér til endurkjörs, en
Loftur Jónasson á Lambabrún var kosinn formaður.
Stjómina sitja auk hans, Skúli Sveinsson Reyniflöt
gjaldkeri og Guðni Lýðsson Kistuholti 11 ritari.
Starf deildarinnar hefur að mestu verið að þoka áfram
húsbyggingu deildarinnar á Dalbrúnarvegi 1 eftir því sem
fjármagn hefur leyft og vantar nú aðeins herslumuninn að
því sé lokið.
Helstu tekjustofnar deildarinnar eru söfnun einnota
umbúða og sala á ullarsokkum, heymarhlífum,
öryggisgleraugum o. fl. ásamt jólavömm frá SVFÍ. Þá
hefur deildin séð um dreifingu endurskinsmerkja meðal
skólabarna í Reykholtsskóla.
Björgunarsveitin undir forystu Ingva Þorfinnssonar á
Spóastöðum og Snorra Geirs Guðjónssonar í Vegatungu
var 4 sinnum kölluð út til leitar og einn bfll var dreginn
upp úr Asbrandsá.
Þrjú námskeið voru haldin í vetur fyrir meðlimi
sveitarinnar, sem öll miðast við að gera þá færari um að
bregðast við þeim vandamálum sem upp geta komið í
starfi björgunarsveitarmannsins.
Guðni Lýðsson, ritari.
GABÐAÞJÓNUSXA
trjáplöntvsala
Hellulagnir, stígagerð, vegghleðslur,
trjáklippingar, illgresiseyðing o.fí.
Sigurður Gunnar Ásgeirsson
garðyrkjufrœðingur
Útvega allt efni.
Tilboð eða tímavinna.
s. 486-8797 Gróðrastöðinni FurubrÚn
s. 486-8771 Reykholti, Bisk.
Litli - Bergþór 27