Litli Bergþór - 01.12.2001, Page 20
Sigríður og Sveinn í Bræðratungu frh
Allir voru með hey og annan farangur á trússahesti og
höfðum við sameiginlega trússa frá Tungu og Galtalæk.
Fór það betur að hafa eingöngu hey á öðrum hestinum og
annan farangur á hinum. Við Guðmundur fórum fyrsta
daginn að Brattholti og gistum þar. En þar bjuggu þá
Einar Guðmundsson, fóstra hans Sigríður Tómasdóttir og
systir hennar Margrét.
Við Guðmundur lögðum snemma upp frá Brattholti
og biðunr eina 2 klukkutíma eftir samferðarmönnum í
Sultarkrika. Þá var komin úhellisrigning með roki og
héldum við því áfram áður en Ingvar og Kormákur voru
ekki komnir, en þeir höfðu lent í vandræðum með trússið.
Við Bláfell voru lækir orðnir óárennilegir og þegar kom
inn á móts við Geldingafell, var ein vatnsrásin orðin að
foræðis vatnsfalli. Þeir hundar, sem ekki voru reiddir
velktust niður alla kvísl, en mér vildi til að minn hundur
var vanur að láta reiða sig. Náðu allir í sæluhúsið í
Hvítámesi fyrir myrkur, en Ingvar, sem var fyrirliði, var
ekki ánægður með að við skyldum hafa haldið áfram án
hans. Morguninn eftir var haldið í Gránunes og tjaldað
þar, og skilinn eftir allur farangur, sem ekki var
nauðsynlegur næstu 2 daga. Síðan var haldið á
Hveravelli í þokkalegu veðri og gist þar í 2 nætur. Var
leitað norður að varðlínunni fyrri daginn og síðan smalað
á móts við Gránunesmenn seinni daginn. Ingvar
Jóhannsson fyrirliði hafði mig með sér þegar farið var frá
Hveravöllum og var vestastur. Þegar komið var vestur
fyrir Rauðkoll voru Fögruhlíðarmenn að streða við að
reka féð í Fúlukvísl, sem var í foráttuvexti, þar sem mikil
úrkoma og hlýindi voru. Urðu þeir að skilja nokkrar
kindur eftir, sem ekki fóru yfir. Hef ég ekki séð
Fúlukvísl meiri í annan tíma. Næstu nótt var gist í
Gránunesi og vorum við þá komnir undir stjórn
fjallkóngsins, Einars í Holtakotum. Hann valdi næsta
morgunn 4 menn undir stjórn Ingvars á Hvítárbakka til
að fara inn í Fögruhlíð og sækja féð, sem skilið var eftir
daginn áður. Auk okkar Ingvars var Björn Erlendsson á
Vatnsleysu með í för. Var lítið farið að fjara úr vötnum
og vildi ekki betur til hjá Birni, en að þegar hann var að
þvæla kindunum útí festist svipan í einni kindinni.
Tapaði hann þar fermingarsvipunni sinni, forláta grip.
Svipað veður hélst ferðina út og þegar komið var að
Sandá og verið var að reka féð yfir, vildi svo illa til að
Ketill Kristjánsson frá Felli týndi líka fermingardjásni
sínu. Hinsvegar fannst sú svipa aftur vorið eftir, þegar
rekið var til fjalls. Þá var minna í ánni, og var það
Kormákur á Hvítárbakka, sem gekk fram á hana.
Þrátt fyrir úrkomutíð í fjallferðinni var hlýtt og allir
komust óhraktir heim.
Um fjallferðirnar má annars almennt segja, að þetta
hefur oftast gengið vel, verið glaður og góður
félagsskapur. Sjaldan orðið alvarleg slys og aldrei farist
maður í fjallferð. Gömlu mennirnir voru einstakir
öðlingar, góðir söngmenn, sem höfðu gaman af því að
vera saman og staupa sig saman. Samt urðu þeir aldrei
verulega fullir. Þeir sem mestir voru söngmenn og
duglegastir að halda uppi söngnum voru þeir Ingvar
gamli á Hvítárbakka, Erlendur á Vatnsleysu, Kristján á
Felli og Einar í Kjarnholtum, auk margra annarra ótaldra.
I Tungnaréttum 1957. Stefán Jónssonfrá Möðrudal á
miðri mynd.
í réttunum gerðu hinsvegar surnir upp sakirnar fyrir
árið og slógust af atorku! Nú sér maður varla nokkurn
mann fullan í réttunum.
L-B: Eg á alveg eftir að spyrja þig út ífélagsmálin.
Þú hefur tekið mikinn þátt í þeim.
Sveinn: Byrjunin á mínu félagsmálastarfi var þegar
ég gekk í Ungmennafélagið fljótlega eftir fermingu. Þar
var ég fljótlega kosinn gjaldkeri og var það í um áratug,
síðasta árið sem formaður. Svo sat ég í stjórn
Sauðfjárræktarfélags Biskupstungna, fyrst sem
meðstjórnandi og síðar sem formaður til 1973. I
hreppsnefnd var ég í 12 ár, formaður skólanefndar í
nokkur ár, framkvæmdastjóri við byggingu
sundlaugarinnar. - Eg á nú að eiga einhversstaðar yfirlit
yfir byggingasöguna, sem ég flutti við vígslu hennar. -
Nú, svo var ég formaður Nautgriparæktarfélags
Biskupstungna 1966 - 1998, tók við af föður mínum, sem
var formaður frá 1928 - 1966. Gjörðabók félagsins var
því hér í Tungu í rétt 70 ár! Félagið var stofnað árið
1909 af Ingvari Guðmundssyni á Gýgjarhóli, sem var
greindur maður og góður, var m.a. í Hólaskóla og
skrifaði listagóða rithönd. Hann dó því miður úr berklum
árið 1918.
Svo ég haldi áfram að telja upp félagsmálastörfin, þá
var ég í stjórn Búnaðarsambands Suðurlands í á annan
áratug, formaður Stóra-Armótsnefndarinnar í 4 ár á 9.
áratugnum, þegar uppbyggingin var þar í gangi. Sá þar
um að útvega efni, og ráða fólk í vinnu. Réði þá meðal
annarra Egil Jónasson, sem nú býr í Holtakotum til að
vera ráðsmann þar. En ég var pólitískt ráðinn af ráðherra
sjálfstæðismanna, Pálma Jónssyni og varð því að hætta
við lok kjörtímabilsins.
Árið 1976 var ég svo kosinn í Jarðanefnd Arnessýlu
undir formennsku Agústs Þorvaldssonar fyrstu 4 árin, og
Litli - Bergþór 20