Fréttabréf Ættfræðifélagsins - 01.02.2004, Blaðsíða 20

Fréttabréf Ættfræðifélagsins í febrúar 2004
Einar Ingimundarson:
„Um ættfræðigrúskarafundi
á Suðurnesjum“
Flutt á fundi Ættfræðifélagsins 27. nóvember 2003
Góðir félagar,
Fyrir þó nokkru kom Ragnar Böðvarsson að máli
við mig og óskaði eftir að einhver okkar ættfræði-
grúskara á Suðumesjum segði fréttir af starfi okkar á
fundi hér í kvöld. Þessu erindi kom ég á framfæri á
næsta fundi hjá okkur og var það látið gott heita að
ég segði fréttir af starfi okkar syðra, hjá Ættfræði-
félaginu. En í stuttu máli þá felst starfsemin í því að
við komum saman yfir vetrartímann einu sinni í
mánuði, í Bókasafni Reykjanesbæjar og skal nú
vikið að því nánar.
Upphaf þessara funda er að rekja til þess að
Ólafur H. Óskarsson formaður Ættfræðifélagsins,
sendi mér bréf í ágúst árið 2000 þar sem hann fór
þess á leit að ég hefði forgöngu um að koma þessum
fundum á sem hér um ræðir og þá ætla ég að vitna til
greinarkorns sem ég skrifaði í Fréttabréfið nóvember
2001, en ef ég man rétt birtist það ekki fyrr en 2002.
Greinin var stutt og ætla ég að lesa hér kafla úr henni
óbreyttan, en sleppa því sem ekki á við í dag, en flest
af því sem ég skrifaði þá er enn í fullu gildi.
Og hverfum nú til þess sem ég skrifaði haustið
2001.
„Um ættfræðigrúskarafundi á Suðurnesjum“
I ágúst á sl. ári fékk ég bréf frá Ólafi H Óskarssyni
formanni Ættfræðifélagsins og fór hann þess á leit að
ég gerði tilraun til að kalla saman þá félaga Ætt-
fræðifélagsins sem byggju á Suðurnesjum, til skrafs
og ráðagerða einu sinni í mánuði að vetrinum. Mín
viðbrögð voru hvorki hröð né snögg, en eftir að hafa
hugsað málið rækilega og rætt það við ýmsa þá tók
ég þá afstöðu að reyna þetta. Fékk því næst leyfi hjá
forstöðumanni Bókasafns Reykjanesbæjar að við
fengjum að koma þar saman að kvöldi til einu sinni
í mánuði yfir veturinn.
Fyrsta fund boðaði ég skriflega og sendi öllum
skráðum félögum í Ættfræðifélaginu búsettum á
Suðurnesjum bréf um fyrirhugaðan fund þriðjudags-
kvöldið 7. nóvember 2000 kl. 20.00 og meðfylgjandi
var ljósrit af bréfi formannsins svo tilgangurinn lægi
ljós fyrir.
Helsta niðurstaða fyrsta fundar var að stefna að
því að halda þessa fundi fyrsta mánudag í hverjum
mánuði, sem ekki bæri upp á helgidag eða annan
almennan frídag. Sl. vetur voru þessir fundir haldnir
eins og gert hafði verið ráð fyrir og voru þeir haldnir
reglulega fram í maí.
Af og til var fréttatilkynningum komið í bæjar-
blöðin og vakin athygli á þessu starfi og því komið á
framfæri að ekki væri skilyrði að vera í Ættfræði-
félaginu til að sækja þessa fundi.
Þá er komið að því sem flestir munu hafa áhuga á
að vita. Hver er árangurinn af þessum fundum? Hann
er að mínu mati umtalsverður.
1. Fólk hefur gaman af að koma saman og ræða sín
hugðarefni.
2. Þeir sem styttra eru komnir geta spurt þá reyndari
um hvernig þeir geti gert eitt og annað.
3. Þá hefur verið rætt um aðstöðu. Forstöðumaður
Bókasafns Reykjanesbæjar hefur sýnt okkur
ættfræðigrúskurum mikinn velvilja frá því fyrst
var til hans leitað og er nú meðal annars unnið að
því að koma þar upp fyrsta áfanga að skjalasafni á
örfilmum (mikrofilmum).
Þá ætla ég að útskýra nánar svarið í lið 1. Mönn-
um finnst ef til vill það svar vera um of einfalt, en
þetta er bara mál málanna í öllum félagsskap. Menn
með svipuð hugðarefni stofna félög og koma saman
til að ræða sín mál, sinna þeim og koma þeim í
framkvæmd. Gagnsemi þessara funda er ótvíræð því
ef einhver stynur því upp að honum gangi illa að
hafa uppi á manni sem hann til nefnir þá veit einhver
hinna oftast það mikið að eftirleikurinn verður
auðveldur.
Þá er við hæfi að geta um fundarsókn. Ekki er
beint hægt að segja að fundir þessir hafi verið fjöl-
sóttir, oftast hafa mætt rétt innan við tíu og stundum
hefur tölunni tíu verið náð eða rúmlega það.“
Þetta skrifaði ég í nóvember 2001 og um þetta er
ekki mikið meira að segja, en rétt er þó að bæta smá-
vegis við. Bókasafnið keypti lesvél fyrir örfilmur, en
sá galli var á gjöf Njarðar að í henni eru tvær linsur
jafnstórar og stækka of mikið, þegar flett er í gegnum
filmumar og hefur það enn ekki fengist lagað.
A þessum vetri höfum við haldið tvo fundi, ekki
fjölsótta og hefur fækkað um tvo hjá okkur sem sótt-
um fundina nokkuð reglulega, annar flutti til
Svíþjóðar en hinn í Hveragerði.
1 greininni sem ég skrifaði fyrir tveimur árum var
getið um hvað við ræddum á þessum fundum: Því
http://www.vortex.is/aett
20
aett@vortex.is