Fréttabréf Ættfræðifélagsins - 01.02.2004, Page 23

Fréttabréf Ættfræðifélagsins í febrúar 2004
Fyrirspurn til
Guðjóns Oskars
í fréttabréfi Ættfræðifélagsins 1. tbl. 2003 er
birt áatal Sesselju Hreindísar Sigmundsdóttur,
tekið saman af Guðjóni Oskari Jónssyni. Ég vil
byrja á því að þakka Guðjóni fyrir framtakið. Ég
hef það fyrir vana ef mér berst eitthvað álíka í
hendur, þá ber ég það saman við það sem ég á í
forritinu mínu og í þessu tilviki var ég harla
ánægður. Þó get ég ekki neitað því að þegar ég
kom að 46. grein þá var það fyrsta sem mér datt
í hug. „Að nú bregðast krosstré sem önnur tré.“
Þar segir: „Hildur Salómonsdóttir f. 1708,
húsfreyja Undirhrauni „Meðallandi", ekkja s.st.
1762. Faðir Salómon Oddsson, f. 1671, bóndi
Seljalandi „Fljótshverfi“ og í Mörk. Hans
foreldrar (vafalaust, innskot) Oddur bóndi í
Mörk í Eyjafjallasveit, d. fyrir 1703, og kona
hans Guðrún Eiríksdóttir, f. 1642, húsfreyja í
Mörk. Húskona á s.st. 1703.
í ættfræðiritinu Vestur Skaftfellingar er aðeins
getið um eina Mörk, og það er Mörk á Síðu. Þar
segir: Oddur d. fyrir 1703, bóndi í Mörk. Um
konu hans segir: Guðrún Eiríksdóttir, f. 1642,
Húskona í Mörk 1703. í manntali 1703 segir:
Guðrún Eiríksdóttir f. 1642. Húskona í Mörk í
Kleifarhreppi (hinum forna) 1703.
Ég tel því lítinn vafa á að hér sé í öllum
tilfellum átt við bæinn Mörk á Síðu. Enda eru öll
börn þeirra Odds og Guðrúnar búandi í Vestur
Skaftafellssýslu og tvö þeirra í Mörk á Síðu
tímabundið.
Ég vil samt, ef ég er að vaða einhvern reyk,
biðja Guðjón Óskar að leiðrétta mig.
Með vinsemd og virðingu
Eyjólfur Ragnar Eyjólfsson
Jökulgrunni 6, Reykjavík
OIK«
ættfræðiþjónustan ehf.
ORG ættfræðiþjónustan ehf.
Þjónustumiðstöð ITR v. Skeljanes
Sími/fax 551 4440
Gsm 861 6792 -897 7175
org@simnet.is
www.simnet.is/org
Pistill eftir Pál Lýðsson:
Astríður englamynd
Ástríður hét niðursetningur í Hraungerðishreppi á
yngri árum Guðjóns á Bollastöðum. Hún var rúmföst
og Guðjón man vel hvað það var fallegt í kringum
hana. Hún var hjá Önnu í Sölvholti, sem seinna fór
að Sviðugörðum. Ekkert vissi Guðjón hverra manna
Ástríður var, en þegar hún dó var kveðið fallega um
hana:
Ástríður englamynd er nú skilin við.
Hún fór upp með hefðarsið.
Henni taktu við!
Ástríður Guðmundsdóttir var fædd í Reykjavík
17. júlí 1836 og dó 2. september 1918. Foreldrar
hennar voru Guðmundur Pétursson, Grímssonar á
Galtastöðum í Gaulverjarbæjarhreppi, og kona hans,
Ragnheiður Guðmundsdóttir, tukthúsráðsmanns í
Reykjavík, Þórðarsonar. Systkini Ragnheiðar voru
Helgi G. Þórðarson biskup og Steinunn, en dóttir
hennar með Ögmundi Sívertsen presti á Tjörn og
Ólafsvöllum var Kolfinna húsfreyja í Hjálmholti og
Langholti í Flóa. Guðmundur Pétursson var síðar
útvegsbóndi og kaupmaður í Innri-Njarðvrk og lést
ungur 1845.
Ástríður varð síðan tökubarn hjá Sveinbirni
Ólavsen kaupmanni í Ólavsens höndlunarhúsi í
Keflavík. Maður Ástríðar varð Guðmundur
Magnússon frá Reykjavöllum, er þar bjó 1865-1866.
Bjuggu þau á undan og eftir í Vogunum, lengst af í
Steinsholti. Áttu þau fjögur börn og var eitt þeirra,
Ragnheiður, fædd á Reykjavöllum 24. des. 1865.
Guðmundur dó 1879, og 1888 kom Ástríður í
Hraungerðishrepp frá Steinsholti í Kálfatjarnarsókn.
Hún hefur misst heilsuna um það leyti og árið 1890
var hún niðursetningur á Langsstöðum 52 ára gömul.
Árið 1901 var hún niðursetningur í Ölvesholti og
víðar hraktist hún. Frá Túni kom hún að Sölvholti
árið 1908 og þaðan fór hún ekki lifandi.
Ketill Arnoddsson bóndi á Brúnastöðum mundi
þau Guðmund og Ástríði. Guðmundur var sonur
Magnúsar Símonarsonar frá Laugardælum, sem bjó
á Reykjavöllum í Laugardælahverfi 1819-1865. Er
hann lauk búskap sínum vildi Guðmundur taka þar
við, en sneri eftir árið aftur í Vogana, þar sem hann
dó 29. mars 1879. Ágúst Þorvaldsson hefur þetta
eftir Katli: „Guðmundur hafði búið suður í Vogum
í 9 ár, en fluttist þá að Reykjavöllum og tók við hjá
föður sínum og bjó í eitt ár, en fór þá aftur suður í
Voga. Ástríður kona hans var á efri árum lengi
niðursetningur hér í sveit og átti heima í Sölva-
holti.“
http://www.vortex.is/aett
23
aett@vortex.is