Fréttabréf Ættfræðifélagsins - 01.03.2007, Blaðsíða 7

Fréttabréf Ættfræðifélagsins í mars 2007
um 600 hektarar. Starfsfólk stöðvarinnar er um 60
manns og talið er að um 200 manns hafi viðurværi
sitt af starfsemi Asufriðlandsins. Frá 1972 hefur farið
þar fram kennsla i umhverfisfræðum. Einnig hefur
Asusetrið gefið út bæði bækur og bæklinga, m.a
fuglahandbók, bók um kóralrifin á nágrannaeyjunni
og bók um gönguslóðir á Trinidad.
Friðunarframtak Asu hefur þráfaldlega vakið
heimsathygli og verið virt að verðleikum. Stofnunin
hefur verið heiðruð bæði af innlendum og erlendum
aðilum fyrir starfsemi sína í þágu umhverfisvemdar.
Asu mun lengi verða minnst vegna verka sinna. Enn
skartar óðalið á Cornwall hinum fegursta garði og á
Trinidad njóta náttúruskoðarar aðhlynningar á Spring
Hill við athuganir sínar á lífríkinu. Um ókomin ár
munu einnig sjóðirnir sem hún stofnaði hér á íslandi
styðja við vísindi og menningu. Þannig rætist sá
draumur Asu Guðmundsdóttur Wright að geta orðið
landi sínu að nokkru liði þótt hún byggi lengst af á
erlendri grund.
Eftirlýstir Vestur-Islendingar
Eystein Þorvaldsson vantar upplýsingar um nokkra Vestur-íslendinga
Fyrst er spurt um fjórar skáldmæltar konur sem allar
birtu kvæði í vesturíslenskum blöðum. Það er erfitt
að henda reiður á þeim því að þær rita nöfn sín að
enskum hætti og kenna sig við eftirnafn eiginmanna
(nema Ragnheiður sem sennilega slapp við giftingu).
Að líkindum eru þær allar fæddar á íslandi; þær birtu
kveðskap sinn á fyrsta fjórðungi síðustu aldar. Mig
vantar fæðingar- og dánarár og ennfremur (ef hægt
er) hvaðan af íslandi þær fóru og hvar þær dvöldust
vestra:
E Anna Sigurbjörnsson,
2. María G. Ámason
3. Oddný Helgason (birti kvæði sín undir
skáldnefninu Yndo)
4. Ragnheiður J. Davidson (Líklega er hún systir
Þorsteins Davíðssonar, nágranna Stefáns G.)
í næsta flokki koma skáldmenni sem ég veit ekkert
um nema nafnið:
5. Olafur O. Jónsson (Hann á kvæði í Heimskringlu
1901)
6. Stefán J. Schewing (Skrifar sig S. Schewing en
heitir sennilega Stefán)
7. Erl. Johnson (heitir sennilega Erlendur. Bjó í
Los Angeles um 1930)
Dánarár vantar mig fyrir næsta flokk:
8. Bogi Bjamason f. 1888. Hann fæddist vestra.
Bogi var kunnur Vestur-íslendingur og hann lifði
langt fram á 20. öld. Haraldur Bessason man eftir
karlinum, en ég get hvergi fundið dánarár hans. Bogi
Bjarnason er bróðir góðskáldsins Páls Bjarnasonar.
Bogi bjó lengi í Wynyard í Saskatchewan en síðar á
Kyrrahafsströndinni í Bresku-Kolumbíu.
9. Páll Guðmundsson f. 1887. (Húnvetningur.
Fluttist vestur 1913)
10. Gunnar J. Guðmundsson/Goodmundsson f.
1869. (Húnvetningur að uppruna. Fluttist vestur
1894)
11. Hjálmur Þorsteinsson f. 1870 eða 1874.
(Borgfirðingur að ætt)
12. Jakob J[ónsson] Normann f. 1883 (frá
Syðstugrund í Blönduhlíð)
13. Maður nefndi sig John J. Gillies. Hann hefur
sennilega heitið Jón Jónsson eða Gíslason. Gillies
er vandræðaleg afleiðsla af Gíslason og margir tóku
þetta upp sem ættarnafn. Þessi maður baslaði við
að yrkja. Hann er að líkindum bróðir E. G. Gillies
(Erlends Gíslasonar) sem líka var leirskáld.
14. S. M. Thorfinnsson hét maður, fæddur vestra
og búsettur í Norður-Dakota.
Menn af annarri kynslóð V-íslendinga voru orðnir
svo amerrkaníseraðir að þeir skrifuðu gjarnan nafn
sitt svona.
Mestu skiptir fyrir mig að vita fæðingar- og
dánarár þessa fólks. Ef vitað er um búsetu, er það
lrka vel þegið.
I næsta flokk vantar mig upprunastað á íslandi og
hvenær þessir karlar fluttust vestur um haf og hvar
þeir dvöldust helst vestra:
13. Jónas J. Daníelsson (1838-1930)
14. Thorsteinn Johannesson (1837-1918)
Staðfestingu vantar mig á grunsemdum um
eftirtaldar heiðursmanneskjur:
15. Guðmundur A. Stefánsson 1885-1960 (Er
þetta ekki glímukappinn, sem fluttist vestur 1911
og er bróðir þeirra Eggerts söngvara og Kaldalóns
tónskálds? Hann er einungis stundum skrifaður með
A. í miðjunni. Er Guðmundur og Guðmundur A. ekki
áreiðanlega sami maðurinn?
16. Var sómakonan Hlín Johnson, hlúkona Einars
Ben. í Herdísarvík, dóttir Jóns Erlendssonar Eldons,
Vestur-íslendings (1851-1906)? Hét hún ekki öðru
nafni í æsku í Kanada? Hver var móðir hennar?
Svör sendist til fréttabréfs Ættfræðifélagsins á
gudfragn@mr.is
http://www.ætt.is
7
aett@aett.is