Unga Ísland - 01.12.1948, Side 20
18
jen slaar en Bugt“. Um líkt leyti gaf hann út á eigin kostn-
að skemmtilega ferðasögu, „En Fodrejse fra Holmens Kanal
til Östpynten af Amager“. Vakti hún mikla athygli og nú
buðust útgeféndur. Seldi hann þá þegar útgáfuréttinn að
bókinni.
Nú hófust ferðalög Andersens, en segja má að hann hafi
verið á sífelldum ferðalögum. Fór hann oft til Þýzkalands,
Austurríkis, Sviss, Svíþjóðar, Noregs og ítalíu. Hann skrif-
aði ferðasögur og skáldsögur og frægð hans fór sífellt vax-
andi. En það var þó ekki fyrr en árið 1835, þegar hann var
orðinn 30 ára gamall að hann lagði fyrsta grunninn að
heimsfrægð sinni. Fáar bækur hans, aðrar en ævintýrin,
hafa verið kunnar erlendis, og mér er nær að halda, að
flestir núlifandi manna viti ekki annað en að H. C. Ander-
sen hafi skrifað ævintýri og ort nokkur kvæði.
Árið 1835 kom út lítið hefti, sem nefndist „Ævintýri
fyrir börn“. Voru í þessu hefti f jögur ævintýri. „Eldfærin",
„Litli Kláus og stóri Kláus“, „Prinsessan á bauninni" og
„Blóm Idu litlu“. Nokkrum mánuðum síðar kom annað
hefti með ævintýrum og síðar hið þriðja. Var þessum
ævintýrum safnað saman í eitt bindi og gefið út, enda
vöktu þau mikla athygli. Ævintýrin, sem komu út eftir
1841, voru aðeins kölluð „Ævintýri“, ekki ævmtýri fyrir
börn, eins og áður. H. C. Andersen tileinkaði Matthildi
Örsted, dóttur danska vísindamannsins heimskunna nokk-
uð af ævintýrum sínum, en hann varð fyrstur til að segja
að ævintýrin myndu færa honum heimsfrægð. Það varð
orð og að sönnu. Ekkert norrænt skáld mun hafa náð eins
almennri og óumdeilanlegri frægð og hann. Ævintýri hans
hafa verið þýdd á öll heimsins tungumál og sagt er, að eng-
in bók komist eins nálægt Biblíunni um útbreiðslu og
bókin með ævintýrum H. C. Andersens. Þarna, í H. C.
Andersens Hus, sér maður þetta og finnur. Þama er nokk-
uð af handritum hans. Þama era útgáfur á verkum hans