Árbók VFÍ - 01.01.1991, Side 22

20 Árbók VFÍ 1989/90
skrifstofu VFÍ. Komineru tvö tölublöð afVerktækni skv. þessu fyrirkomulagi. Eins
og áður segir er þetta til reynslu og verða útgáfumál væntanlega endurskoðuð á
næstunni.
7.4 Verkfræðingahús.
Framkvæmdastjórn VFÍ skipaði, þann 11. apríl 1989, eftirtalda í Húsnefnd VFÍ til 1. maí
1990:
Vífil Oddsson, formaður
Agnar Kofoed Hansen
Halldór Þór Halldórsson
Haldnir voru tveir bókaðir fundir Húsnefndar á starfsárinu auk nokkurra óform-
legra funda og sameiginlegra funda með framkvæmdastjórn VFÍ. Veruleg umskipti til
hins betra urðu á fjármálum Húsnefndar þetta árið. Meginástæða þess var að á árinu var
borgað af öllum skuldabréfum vegna húsbyggingar á tilskyldum tíma. Slíkt var forsenda
þess að fjárhagsáætlun Húsnefndar stæðist. Þetta er að þakka verulega bættri innheimtu
félagsgjalda og þá ekki síður styrkri fjármálastjórn framkvæmdastjóra.
Húsnefnd hefur átt gott samstarf við framkvæmdastjóra LVFÍ og í sameiningu hefur
verið unnið að eftirfarandi málum: Lokið var frágangi við lóð og aðkomu að húsi. Bætt
var loftræsing í stigahúsi og raflögn í sameign. Glerverksmiðjan Esja bætti gallað gler. í
sumar þarf að laga þakkant og rennur og einnig þarf að lagfæra og mála stigagang.
Jafnframt þarf að þrýsta á borgaryfirvöld að bæta aðkeyrslu að húsinu.
7.5 Árshátíð.
I árshátíðarnefnd sátu eftirfarandi:
Finnur Jónsson, formaður Karólína Guðmundsdóttir
Guðrún S. Hilmisdóttir Guðmundur Karlsson
Árshátíðarnefnd hafði veg og vanda af undirbúningi árshátíðar sem haldin var í
Súlnasal Hótels Sögu 16. mars 1990. Veislustjóri var Dr. Geir A. Gunnlaugsson og
hátíðarræðuna hélt Vilhjálmur Hjálmarsson frá Brekku. Var gerður góður rómur að
ræðu og veislustjórn. Um 180 manns sóttu árshátíðina, sem er nokkru færra en árin á
undan. Ein ástæðan mun vera sú að stórir hópar fastagesta voru forfallaðir af ýmsum
ástæðum. Einnig er ekki ólíklegt að bágt efnahagsástand, einkum meðal yngri verkfræð-
inga, hafi haft sitt að segja.
8 Hagsmunafélög
Starfsemi Stéttarfélags verkfræðinga (SV) var umfangsmikil á árinu. Störf samninga-
nefnda hafa verið óvenju mikil á liðnu ári og einnig hefur samninganefndum fjölgað.
Verkfræðingar hjá Reykjavíkurborggengu til liðs við SV á þessu ári og þvísíðasta (1989).
Félagið gekicst fyrir kjarakönnun í byrjun árs 1989 og aftur í byrjun árs 1990. Upp úr
kjarakönnunum var unnin viðmiðunarlaunatafla, en hún er gefin út fjórum sinnum á ári.
Ennfremur var gefinn út bæklingur um viðmiðunarlaun. SV hefur einnig útbúið eyöublað
fyrir ráðningarsamninga.
SV hefur á síðustu tveimur árum vakið athygli á því að verkfræðingar fá ekki
greiddar atvinnuleysisbætur samkvæmt lögum. Stjórnin hefur unnið að því að fá þessu
breytt með viðtölum við alþingismenn. Einnig hefur SV rætt við fulltrúa annarra
hagsmunafélaga háskólamanna. Er þess að vænta að lagt verði fram á alþingi frumvarp
sem mun leiðrétta þetta fyrir verkfræðinga.