Árbók VFÍ - 01.01.1991, Side 59

Tækniannáll 57
Víða erlendis er minnkandi aðsókn að verkfræðinámi hugsandi ráðamönnum mikill
þyrnir í augum og standa sums staðar heilu deildirnar lítt mannaðar. Orsökin er einkum
talin vera opinber umfjöllum um skuggahliðar tæknivæðingarinnar, mengunar- og
tæknislysa. Fráhvarf nema, og þá ekki síst afburðanema, frá tæknigreinum verður hins
vegar til þess að það vantar fólk til að leysa þessi vandamál.
3.3 Launakjör verkfræðinga
Stéttarfélag verkfræðinga gerði í upphafi ársins 1990 könnun á launakjörum
verkfræðinga 1989 í samvinnu við Félagsstofnun HÍ og birti niðurstöðurnar í bæklingi
undir heitinu Kjarakönnun 1990.
Allar upplýsingar sem eru birtar í þessum kafla eru fengnar úr þessum bæklingi.
Þátttakan í könnuninni dróst enn saman frá fyrra ári og minnkar ár frá ári.
Greidd árslaun hækkuðu að meðaltali samkvæmt könnuninni um tæp 20% milli ára
(janúar 1989 til janúar 1990) og virðist samkvæmt könnuninni að laun á almennum
markaði hafi hækkað meira en laun innan opinbera geirans.
Hækkun á heildargreiðslum vann þó ekki upp hækkun framfærsluvísitölunnar sem
nam tæpum 24% á sama tíma.
í töflu 3.1 er sýnd skipting á heildargreiðslum til verkfræðinga eftir starfsstéttum.
Tafla 3.1 Heildargreiðslur til verkfræðinga 1989 eftir starfsstéttum. (Úrdráttur)
Bein bíla dag. annað heildar
laun pen. pen. laun
Verkfræðistofa .... 2.086 55 7 41 2.202
Verslun, þjón .... 2.401 230 33 93 2.580
Iðnaður .... 2.463 147 31 34 2.749
Verktakar .... 2.780 159 19 83 3.161
Annað .... 3.649 316 72 93 4.032
Ríkisstofnun .... 2.034 87 128 95 2.341
Reykjavíkurborg .... 1.708 130 0 42 1.917
Sveitarfélög .... 2.476 167 0 0 2.642
Hálfopinb. stofn .... 2.508 129 43 10 2.598
Menntastofnun .... 1.683 6 37 136 1.860
Það sem einkum vekur athygli annálsritara í þessari töflu er að verkfræðistofur
greiða að meðaltali lakari laun en ríkisstofnanir og mun lægri laun en svonefndar
hálfopinberar stofnanir eða sveitarfélög.
Reykjavíkurborg sker sig þó þar úr með lágar launagreiðslur til verkfræðinga og
hljómar það þeim mun undarlegar að þekkt er að Reykjavíkurborg var með miklar
framkvæmdir á því ári sem fjallað er um hér og lagði þar af leiðandi mikla ábyrgð á herðar
verkfræðingum sínum.
Lægstu launin greiða hins vegar menntastofnanirnar sem eiga að leggja grundvöllinn
að framtíð stéttarinnar og hlýtur það að valda öllum hugsandi verkfræðingum áhyggjum,
ekki síst þeim sem reka verkfræðistofur því hér er verið að þróa þá vöru sem þeir eiga að
selja í framtíðinni.
Nokkur aukning varð á þeim fjölda sem kvaðst hafa orðið atvinnulaus á árinu og
höfðu nú 5.3% svarenda orðið fyrir þeirri reynslu móti 3.2% á árinu áður.
Atvinnuleysi sem hlutfall af unnum stundum ársins var þó mun minna en þessar
prósentutölur gefa til kynna. Heildaratvinnuleysi er ekki gefið upp í bæklingnum en
virðist eftir uppgefnum tölum hafa legið í kringum 1.2%.